Antaŭ la mikrofono

Antaŭ nia mikrofono ni gastigas unu el la lastatempaj diplomitoj de la Interlingvistikaj Studoj en Poznano, Rafael Zerbetto. Nia interparolo rilatas al lia finverko pri unu el la elstaraj brazilaj verkistoj João Guimarães Rosa, kiu estis ankaŭ esperantisto. Nia interparolanto prezentas kelkajn interesajn ideojn pri la spuroj de Esperanto en liaj verkoj, sed ankaŭ rilatigas sin al lia esperantista agado kaj diplomata vivo. El la elsendo 15.05.2018 – 13’36”

En niaj tri elsendoj (10.04, 24.04, 01.05.2018) ni prezentis en fragmentoj la inaŭguran prelegon de d-ino Prelego de d-ino Věra Barandovská-Frank: „Kio estas Interlingvistiko” „Kio estas Interlingvistiko” el la 4-a Interlingvistika Simpozio en la Universitato de Adam Mickiewicz en Poznano (septembro 2017) . Ĉi tie estas aŭskultebla la tuta prelego.

D-ino V. Barandovská-Frank afable disponigis por la bezonoj de niaj aŭskultantoj la unuan ĉapitron de sia „Lernolibro de Interlingvistiko”,  al kies enhavo ŝi referencis en sia prelego. (Legebla teksto)

Hodiaŭ ni interparolas kun d-ino Ida Stryja el la falultato pri aplikata lingvistiko de la Varsovia Universitato, kie ŝi instruas la svedan lingvon, pri la skandinaviaj runoj. El la elsendo 04.04.2018 – 10’35”

En niaj  tri martaj E-elsendoj (02.03, 13.03, 20.03.2018) ni prezentis en fragmentoj la prelegon de prof. Humphrey Tonkin „Esperanto: Esploraj Prioritatoj”, kiun li prezentis dum la Esperantologia Konferenco en Seulo (2017). Ĉi tie estas aŭdebla la tuta sondokumento.

Profesoro Humphrey Tonkin diponigis al ni afable ankaŭ ĝian tekston tiel ebligante al niaj geaŭskultantoj enprofundiĝi en ĝian enhavon paralele auskultante ĝin kaj legante la tekston. (Legebla teksto de prelegoj)

Nia hodiaŭa mikrofona gasto estas denove ĉina esperantistino Xu Xiaonan, kiu dividas kun ni la rememorojn pri la komenco de sia esperantistiĝo kaj rolo de Pollando en sia esperantista biografio. El la elsendo 16.03.2018 – 4’25”

En la hodiaŭa programo ni retrorigardas al la 4-a Interlingvistika Simpozio okazinta pasintaŭtune en Poznano lige kun la 20-jariĝo de la Interlingvistikaj Studoj ĉe Adam Mickiewicz-Universitato. Unu el la prelegintoj, sed ja ankaŭ kunorganizantoj de la simpozio estis d-ino Ida Stria. En nia interparolo ŝi donas apartan atenton al sia scienca laboro kaj doktoriga disertaĵo traktinta la temon Lingva Bildo de la Mondo en la E-medio. El la elsendo 27.02.2018 – 9’02”

Ĵus aperis en la retejo uea.org la Dua Bulteno de la 103-a UK en Lisbono. Tiu evento kaj la finiĝinta vizito de Konstanta Kongresa Sekretario, Clay Magalhães en la kongresurbo estas la temo de nia antaŭmikrofona renkontiĝo. El la elsendo 24.02.2018 – 12′

La antaŭmikrofona gasto estas Åke Näsholm, sveda esperantisto, nia aŭskultanto kun kiu ni renkontiĝis antaŭ du jaroj kaj tiam eksciis pri lia ŝato kanti. Ricevinte nun la kantodiskon „Svedo Oke kantas” ni memorigas la renkontomomentojn kaj prezentas kantojn tiam aŭditajn kaj kelkajn el la nuna disko. Temas pri la tradukita kanto „Aŭdu panjo” [https://www.esperanto.hr/teksto_mila_mati.htm], „Interkompreno” kaj „Ŝanadi”. El la elsendo 20.02.2018 – 7’08”

Antaŭ nia mikrofono ni gastigas unu el la plej popularaj E-kanzonistoj Jonny M. La okazo de la renkontiĝo estis lia vizito kaj koncerto dum la lasta ARKONES. Tie okazis lia pola premiero de la KD „Kreaktiva” eldonita de Vinilkosmo. Ne mirige, ke Jonny M. akompanas nian  E-elsendon el la 06.02.2018 per tri muzikĉerpaĵoj el siaj KD-oj: „Dankon” el la KD „Regestilo” kaj „Bim Bam” kaj „Por mia patro” el la KD „Kreaktiva” eldonitaj de Vinilkosmo. El la elsendo 06.02.2018 – 6’59”

Hodiaŭ ni interparolas kun konata pola jungeneracia esperantisto Lukis Żebrowski, TEJO-oficisto pri Afriko, eksa PEJ- kaj TEJO-prezidanto. Ne sole la movadaj aferoj estas la temo de nia interparolo, ankaŭ lia E-familio kaj mallonge lia interesa profesia. Ĉar en la interparolo ni mencias la novan TEJO, estraron necesas aldoni, ke la 23-an de januaro 2018 sekve de reta voĉdonado la nova prezidanto de TEJO estas  Hoan Tran (Ĝojo), la ĝenerala sekretario fariĝis  Charlotte Scherping Larsson. El la elsendo 30.01.2018 – 10’26”