Antaŭ la mikrofono

Juha Metsäkallas estas la E-aktivado en la finna  Turku. En nia antaŭmikorofona renkontiĝo li i.a. informas pri la E-movado tie kaj sia vojo al Esperanto-aktivao. El la elsendo 20.08.2019 – 4’14”

Rodrigo Tavares estas E-aktivulo en Brazilo. Dum nia renkonto en Lahtio ni parolis kaj pri lia E-agado kaj vojo al E-komunumo. El la elsendo 20.08.2019 – 4’16”

En nia antaŭmikrofona renkontiĝo kun prof. Humphrey Tonkin en Lahtio  ni levas la defiojn starantajn antaŭ la libroservo kaj Biblioteko Hodler. El la elsendo 20.08.2019 

Reference al la 104-a UK ni gastigas antaŭ nia mikrofono en la vendreda programo Osmo Buller, kiu vivece rakontas en nia interparolo pri sia dumkongresa kaj postkongresa programkunlaboro. Inter 5 prelegoj pri Finnlando li prelegis en la ĵaŭda kongresa programo pri „La finna politiko en praktiko”. Postkongrese li gvidis la 4-tagan ekskurson al „Norda Finnlando – kie boacoj vagadas”. El la elsendo 16.08.2019 – 12’55”

Ĉiuj 7 raportoj de la Pola RetRadio en Esperanto (www.pola-retradio.org) elsenditaj rekte el Lahtio pri la 104-a UK en Lahtio (20-an, 21-an, 22-an, 23-an, 24-an, 25-an, 27-an de julio) kaj tri pliaj raportoj pri la Solena Fermo elsenditaj jam el Varsovio (30-an de Julio, la 2-an kaj –an  de aŭgusto) troviĝas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. Hodiaŭ en la rubriko „Antaŭ nia mikrofono” aldoniĝas sonsceno kun la komenca fragmento de la kunsido „Centra Oficejo respondas” el la 25-a de aŭgusto. Ĝi troviĝas en nia elsendo el la 13.08.2019 – 19’46”

Rilate al la speciala omaĝa programero, dediĉita al Baldur Ragmarsson ni gastigas  antaŭmikrofone unu el la kontribuintinoj al la programo Vesna Staničić-Burchards. El la elsendo 09.08.2019 – 03’12”

Reference al la 104-a UK ni prezentas interparolon kun Claude Nourmont pri la nunjara Kleriga Lundo kaj pri aparta omaĝa programero dediĉita al Baldur Ragnarsson. El la elsendo 09.08.2019 – 08’55”

La gasto de nia  elsendo estas la prezidanto de Litova E-Asocio, Povilas Jegorovas en la kunteksto de la komenciĝantaj fine de la semajno 55-aj Baltiaj E-Tagoj. La aranĝoj de ĉi tiu enorme riĉa evento – en la 60-jariĝo de la Tagoj kaj 100-jariĝo de Litova E_Asocio – ne elĉerpas temon de nia antaŭmikrofona renkontiĝo. El la elsendo 02.07.2019 – 09’10”

Post la majaj laborvizitoj en Montrealo kaj Lahtio antaŭ nia mikrofono gastas Konstanta kongresa Sekretario Clay Magalhães. Ni ekscias pri laboroj rilate la Universalan Kongreson 2020 kaj informiĝas pri sciindaĵoj lige kun la 104-a en Lahtio kaj aparte, kiel de Helsinki atingi la kongresurbon. El la elsendo 07.06.2019 – 13’53”

Nia antaŭmikrofona gasto estas Viktor Lagutin el Rusio, kiu ekde novembro 2018 estas E-volontulo en Bjalistoko. Pri lia laboro tie, akiritaj spertoj, sed ankaŭ esperantistiĝo kaj pliaj planoj ni interparolas antaŭmikrofone. El la elsendo 30.04.2019 – 8’41”