Antaŭ la mikrofono

En la interparolo kun nia antaŭmikrofona gasto, kiu hodiaŭ estas d-ro Marc Bavant el Francio ni referencas al la septembraj tagoj en Poznano memorigante lian partoprenon en la Interlingvistikaj Studoj, sekve doktoriĝon en Amsterdamo kaj la nunajn studojn pri la elama lingvo. Ni mallonge parolas pri la gvidataj de li du sekcioj pri lingvistiko kadre de la 4-a Interlingvistika Simpozio, finante la interparolon per kelkaj opinioj pri la varsoviaj E-elsendoj, kies aŭskultanto li estis kaj – kiel evidentiĝas – daŭre jen kaj jen estas.  El la elsendo 07.11.2017 – 10’58”

Hodiaŭ ni referencas al nia lasta interparolo kun la prezidanto de la Bialistoka E-Societo, Przemysław Wierzbowski. Ni koncentriĝas pri kelkaj postsomeraj eventoj kaj planata renkontiĝo meze de decembro 2017 i.a. por sumigi la solenadojn de Zamenhof-Jaro solenata sub la aŭspicio de Unesko

El la elsendo 03.11.2017 – 5’58”

Ĉi-semajne ni proponas  sondokumentan renkontiĝon – reference al la Seula UK – kun la malnova ĉina aŭskultantino de nia programo, Neĝeto. Ŝi rakontas pri tio, kiel gravis en ŝia e-ista vivo la elsendoj de la E-Redakcio de Pola Radio kaj pri sia nuna laboro. El la elsendo 27.10.2017 – 7’07”

Nia antaŭmikrofona gasto estas la renkontita dum la lasta Interlingvistika Sesio en Poznano kaj Arkones, Suso Moinhos el Hispanio. Ni interparolas pri lia finverko de la finiĝinta trijara studado kaj la plej lastaj literaturaj planoj kaj efektivigaĵoj, kiel lia tradukkontribuo al plurlingva eldono de „Pergameno Vindel”.  El la elsendo 24.10.2017 – 9’13”

Nia hodiaŭa antaŭmikrofona gasto estas prof. Christer Kiselman kun kiu ni interparolas pri lia kurso – kadre de la 34-a SUS de AIS- rilatanta al formala matematika logiko, historio kaj estonteco de AIS kaj lia propra kariero en la akademio kaj ekster ĝi. El la elsendo 17.10.2017 – 13’35”

Hieraŭ, t.e. la 2-an de oktobro en plimulto de la polaj altlernejoj komenciĝis la nova akademia jaro. Reference al ĝi ni proponas interparolon kun Michael Farris el Adam Mickiewicz-universitato, kiu estas de multaj jaroj lekcianto de ĉi tiu altlernejo, ankaŭ esperantisto. Dum la septembra 4-a Interlingvistika Simpozio li krom aktivi en la organiza komitato gvidis i.a. la sekcion pri lingva politiko. Tiu temo, sed ne nur,  estas la temo de nia antaŭmikrofona renkontiĝo.  El la elsendo 03.10.2017 – 7’28”

Pri la 33-a ARKONES finiĝinta lastdimanĉe en Poznano, ĝia muzika kaj prelega enhavo ni interparolas kun unu el la kunorganizantoj de la evento Tobiasz Kaźmierski. El la elsendo 29.09.2017 – 6’41”

La sonmaterialo el Poznano referencas al la inaŭguro de la 33-a ARKONES, en kiu unue okazis kelkaj emociaj momentoj – sub la gvido de prof. Ilona Koutny –  ligitaj kun la eventoj ĉirkaŭintaj la nunjarajn Interlingvistikajn Studojn. El la elsendo 26.09.2017

Nia redakcia vizito en Poznano, en kiu komenciĝis la laŭvica trijara kurso de la Interlingvistikaj Studoj, kiuj nunjare solenis la 20-jariĝon kaj la 4-a Interlingvistika Simpozio estis la okazo de nia vendreda (22.09.2017) antaŭmikrofona renkontiĝo kun prof-ino Ilona Koutny. El la elsendo 22.09.2017 – 5’16”

Prof. Christer Kiselman en la interparolo kun red. Barbara Pietrzak proksimigas la temon de siaj lekcioj dum la 34-a Sanmarineca Universitata Sesio en Varsovio pri la digita geometrio. En la interparolo oni referencas ankaŭ al la E-lingva matematika terminologio, al la esperantologiaj kaj interlingvistikaj interesiĝoj de la profesoro.  El la elsendo 19.09.2017 – 13’35”