Antaŭ la mikrofono
Aleksander Korĵenkov — interalie pri la „Baza Literatura Krestomatio”
Hodiaŭ nia antaŭmikrofona gasto estas la renkontita dum ARKONES en Poznano, Aleksander Korĵenkov kun kiu ni interparolas i.a. pri la nunjare eldonita „Baza Literatura Krestomatio”. Interesiĝantoj povas aĉeti ĝin en la Libroervo de UEA (https://katalogo.uea.org/) El la elsendo 27.09.2019 – 10’55”
prof.-ino Ilona Koutny pri Interlingvistikaj Studoj ĉe A. Mickiewicz-Universitato
Multaj eventoj okazis pasintsemajne en Poznano (la okcidenta Pollando). Antaŭ nia mikrofono gastas prof.-ino Ilona Koutny informante pri la ĵus okazinta aŭtuna sesio de la Interlingvistikaj Studoj ĉe A. Mickiewicz-Universitato. El la elsendo 24.09.2019 – 9’57”
Interparolo kun Tobiasz Kaźmierski pri ARKONES
Multaj eventoj okazis pasintsemajne en Poznano (la okcidenta Pollando). Pri la semajnfinaj Artaj Konfrontoj en Esperanto, ARKONES ni interparolas kun unu el la ĉeforganizantoj Tobiasz Kaźmierski. El la elsendo 24.09.2019 – 4’30”
En Lahtio ĉe la giĉeto de la 105-a UK en Montrealo
En nia vendreda sonsceno (13.09.2019) pri la 104-a UK en Lahtio ni prezentas renkontiĝon ĉe la giĉeto de la 105-a UK en Montrealo, en kiu partoprenis la deĵorantaj tie Normand Floury, Ĵenja Zviereva kaj Joe Amis el Kanado. Ilia giĉeto havis strategian lokon en la kongreseja vestiblo, kie kruciĝis vojoj horizontale kaj vertikale. Tie ni renkontis ankaŭ multajn amikojn de niaj elsendoj. Inter ili estis LKK-anino, nia aŭskultantino Synnöve Myntinnen el Finnlando, kiun ni gastigas antaŭ nia mikrofono. El la elsendo 13.09.2019 – 12’54”
D-ro Ulrich Lins pri Rudolf Carnap
Nia antaŭmikrofona gasto estas hodiaŭ d-ro Ulrich Lins, kiu sian IKU-prelegon dediĉis al la figuro de germana filozofo, junaĝe lerninta Esperanton, Rudolf Carnap. Li partoprenis 4 UK-ojn – en Dresdeno en 1908 kaj en Helsinko en 1922, krome en Vieno (1924) kaj Ĝenevo (1925). El la elsendo 10.09.2019 – 10’16”
Prof. Humphrey Tonkin pri la Centro de Esploro kaj Dokumentado pri la Mondaj Lingvaj Problemoj
Reference al la 104-a UK en Lahtio antaŭ nia mikrofono gastas profesoro Humphrey Tonkin, kun kiu ni interparolas i.a. pri kongresaj laboroj ligitaj kun la funkciado de la Centro de Esploro kaj Dokumentado pri la Mondaj Lingvaj Problemoj. El la elsendo 06.09.2019 – 7’09”
Interparolo kun prof-ino Ilona Koutny
La antaŭmikrofona gasto de nia marda elsendo estas prof-ino Ilona Koutny, kun kiu ni interparolas pri la komenciĝonta post kelkaj tagoj aŭtuna sesio de la Interlingvistikaj Studoj ĉe Adam Mickiewicz-Universitato kaj pri la kunlabora kontrakto subskribita fine de julio inter la rektoroj de la pola universitato kaj la ĉina universitato Zaouzhuang. El la elsendo 03.09.2019 – 13’51”
Intervjuo kun Osmo Buller dum la 104-a UK
En la vendreda sonmaterialo el la 104-a UK en Lahtio ni prezentas intervjuon kun Osmo Buller, kiu kiel komitatano B dividis fine de la kongrestagoj siajn rimarkojn pri la nunjaraj laboroj de la Komitato kaj la situacio de UEA fone de ili. El la elsendo 30.08.2019 – 14’04”
Interparolo kun prof. Jouko Lindstedt
Nia antaŭmikrofona gasto estas profesoro Jouko Lindstedt, konata finna esperantisto, lingvisto kaj akademiano. Ni interparolas pri lia rolo kiel la rektoro de la nunjara IKU, pri lia propra kontribuo al ĝia programo, pri la grava rolo de la finnaj UK-oj en Helsinko kaj Tampereo en lia vivo profesia kaj privata. Fine ni levas ankaŭ demandojn rilate Akademion de Esperanto, kies membro li estas de pli ol dudek jaroj. El la elsendo 27.08.2019 – 16’29”
Intervjuo kun Timo Väänänen dum la 104-a UK
En nia vendreda sonsceno pri la 104-a UK en Lahtio ni i.a. gastigas antaŭ la mikrofono finnan muzikiston, esperantiston Timo Väänänen. Li ne nur prezentiĝis dum la Nacia Vespero, sed ankaŭ donis kantelkoncerton kadre de speciala ekskurso, dum kiu oni vizitis lian hejmon kaj ĝuis lian propramanie pretigitan vespermanĝon. El la elsendo 23.08.2019 – 6’10”