Antaŭ la mikrofono

Nia hodiaŭa elsendo sojlas la morgaŭan inaŭguron de la Virtuala Kongreso https://vk.mondafest.net/. Hodiaŭ posttagmeze ni interparolis kun vicprezidanto de UEA, Fernando Maia pri kelkaj teknikaj detaloj ligitaj kun ĝi. El la elsendo 31.07.2020 – 5’24”

Hodiaŭ kun nia antaŭmikrofona gasto Leandro Abrahão el Brazilo ni interparolas pri la Oratora Konkurso-2020 okazonta kadre de Virtuala Kongreso. El la elsendo 17.07.2020 – 6’29”  

Kun la temo de parolarto, la kulturo de la parolata lingvo estas ligita interparolo kun nia antaŭmikrofona gasto Leandro Abrahão el Brazilo, kun kiu ni interparolas pri lia ĉi-kampa laboro en Brazilo kaj nun ankaŭ en la E-komunumo. Lia grupo „Lasu min prezenti plu” troviĝas jam en Telegramo, kaj nun li invitas por la premiera Internacia Parolarta Trejnado, al kiu eblas aliĝi ĝis la 24-a de julio ĉe la adreso: https://forlaflatado.com/ipt/.  El la elsendo 15.07.2020 – 13’46”  

Jam kelkfoje ni prezentis en niaj elsendoj sondokumentojn el la periodo de antaŭ 2011 kaj la kreiĝo de Pola RetRadio. Ĉiujn ĉi arkivajn dokumentojn ekde nun ni prezentas kadre de la sondokumenta rubriko „Kontraŭ la forgeso”

Daŭras la febraj preparoj por la unua virtuala E-kongreso 2020, pri kio ni informis jam kelkfoje en niaj elsendoj. Ni memorigas hodiaŭ interparolon kun d-ro Ulrich Lins de antaŭ 15 jaroj (2005) pri lia prelego ligita kun la 100-jariĝo de la 1-a E-Kongreso en Bulonjo ĉe Maro en 1905-a jaro.

El la elsendo 07.07.2020 – 10’07”

Lastsabate okazis rete la Inaŭguro de la evento MondaFest 2020, Monda Festivalo de Esperanto. Pri ĝi – ne sole pri la inaŭguro, sed ankaŭ la tuta ideo kaj koncepto ni interparolas kun nia hodiaŭa gasto, la vicprezidanto de UEA, Fernando Maia. El la elsendo 23.06.2020 – 13’11” 

Antaŭ nia mikrofono gastas hodiaŭ Jannick Huet kaj nia interparolo rilatas i.a. al la funkciado kaj aktivadoj de unu el la plej famaj E-centroj, Kastelo Greziljono en Francio (http://gresillon.org/) . El la elsendo 16.06.2020 – 15’21” 

Antaŭ unu semajno la jubileon de 10-jariĝo solenis la E-libraro en Bjalistoko. Tio estas la okazo ne sole por gratuli al la bjalistokaj esperantistoj, sed ankaŭ por gastigi antaŭ nia mikrofono Ela Karczewska, kiu ekde la komenco zorgas pri ĝiaj kolektoj. El la elsendo 19.05.2020 – 12’17” 

Ni memorigas el la arkivejo de la E-Redakcio de Pola Radio interparolon kun veterana hispana esperantisto Eduardo Larrouy López, forpasinta lastlunde en la aĝo de 107 jaroj. En la interparolo kun red. Barbara Pietrzak en 2004 okaze de la 6-a EEU-kongreso la 91-jaraĝa veterano rakontas pri sia esperantistiĝo, E-agado kaj la plej grava liaopinie tasko – disvastigi Esperanton. El la elsendo 28.04.2020 – 8’30” 

La hodiaŭa gasto de nia elsendo estas d-ro Marek Nahajowski kun kiu ni interparolas pri lia laŭvica KD, en kies libreto troviĝas denove la E-lingva priskribo (Canzony znane i nieznane), pri la lia lekcia laboro dum la kondiĉoj de la epidemiaj rigoroj kaj la ĝuo denove viziti arbarojn. El la elsendo 21.04.2020 – 10’42” 

Lastsabate, la 4-an de aprilo 2020 pasis 61 jaroj post la historia evento, la ekfunkcio de la unua profesia E-redakcio, en la ŝtata Pola Radio. Tiuokaze ni gastigas antaŭ nia mikrofono nian eksan redakcian kolegon, Andrzej Pettyn – kiu jen rememoras, jen rakontas pri kio li okupiĝas nun, kiel li superis sian gravan sanlezon de antaŭ tri jaroj. En jutubo dank’ al Flo Martorell eblas vidi etan sonscenon el la pollingva filmakroniko, antaŭtage de la evento, kiam E-Redakcio de la Pola Radio pretigis sin al satelita emisiado de la elsendoj: https://www.facebook.com/flo.martorell/videos/vb.756238348/10154559658138349/?type=2&theater El la elsendo 07.04.2020 – 11’00”