Antaŭ la mikrofono

En nia hodiaŭa elsendo  ni proponas renkontiĝon kun nia antaŭmikrofona gasto el Brazilo, Eida Messias Lima, kun kiu ni interparolas aparte pri ŝiaj muzikaj ŝatoj kaj interesiĝoj. El la elsendo 26.12.2019 – 7’06”

Jarfine pasos la unua favorepreza aliĝperiodo al la 105-a UK en Montrealo. Tion ni memorigas en la interparolo kun Konstanta Kongresa Sekretario, Clay Magalhães, sed krome ni referencas al lia lasta vizito en Montrealo kaj kiel la unuaj ni eksciis kelkajn detalojn pri la kongresa programo.

El la elsendo 20.12.2019 – 13’19”

Antaŭtage de la 15-a de decembro solenata de jaroj i.a. kiel Tago de la E-libro ni prezentas intervjuon kun Probal Dasgupta el Barato i.a. pri la traduko de la finna literaturaĵo „Sep Fratoj” de Aleksis Kivi el Esperanto en la bengalan. Krome ni interparolas pri la Akademio de Esperanto kaj fine pri la reburĝonanta E-movado en lia lando.  El la elsendo 13.12.2019 – 17’06”

Nia hodiaŭa antaŭmikrofona gasto estas Sasa Philipović – aktoro, kantisto, esperantisto el  Serbio,  kun kiu pri lia aktorado ekde 1987,  i.a. aktora profesiumado ni interparolis dum la lasta ARKONES. El la elsendo 13.12.2019 – 8’38”

Reference al la lastsabata Malferma Tago en Roterdamo (29.11.2019) ni prezentas la sonscenon pri la inaŭguranta la Tagon programero dediĉita al la Libroservaj Novaĵoj gvidita de Ionel Onet. Proksimiĝas la jarfiaj festoj ne prokrastu viajn mendojn konsultante la adreson: https://katalogo.uea.org/. El la elsendo 03.12.2019 – 15’11”

Hodiaŭ nia antaŭmikrofona gasto estas konata sveda E-aktivulo el Malmö, Sten Svenonius. Kiel la prezidanto de la loka E-klubo li dividas kun siajn rimarkojn kaj opiniojn pri tio, kiel devus aspekti en nia epoko organzita E-movado. Kelkaj vortoj rilatas ankaŭ al lia E-familio kun tri denaskuloj. El la elsendo 29.11.2019 – 11’49”

En nia marda programo (26.11.2019) antaŭ la mikrofono ni gastigas Anna Löwenstein, renkontitan dum la Lahtia UK. La temo de nia interparolo estas la iniciatita de ŝi retejo enmovadiganta novajn lingvoadeptojn funkcianta ĉe la adreso: uea.facila.org El la elsendo 26.11.2019 – 7’25” 

Nia hodiaŭa antaŭmikrofona gasto estas la nova prezidanto de la Pola E-Asocio, Robert Kamiński kun kiu pri la pola E-movado kaj ankaŭ UEA ni interparolis dum la lasta ARKONES en Poznano.   El la elsendo 15.11.2019 – 12’10” 

Fine de novembro en la CO de UEA en Roterdamo okazos laŭvica Malferma Tago. En ĝia programo – pri kiu ni mencias aparte – i.a. prelegos Orlando Raola. Lia temo „”Ĉu ni parolis science? Ekskurso tra sep jardekoj de faka kaj populariga scienca verkado en Esperanto”. I.a. pri liaj sciencaj interesiĝoj kaj laboro rilate la E-komunumon ni interparolis kun la nova estrarano de UEA en la lastaj momentoj de la Lahtia UK. El la elsendo 12.11.2019 – 12’10”

Nur antaŭ kelkaj tagoj ĉe Mondial aperis la plej nova romano de Sten Johansson „Ne eblas aplaŭdi unumane”. Pri ĝi kiel verko baldaŭ aperonta ni interparolis kun la aŭtoro dum la lasta UK en Lahtio. La intervjuo kun la  konata sveda verkisto estas krome  la okazo konatiĝi kun lia vojo al Esperanto, kun liaj ideoj pri E-literaturo kaj pri la bezono kreeme rilati al ĝi flanke de literaturamaj membroj de la E-komunumo. Sten Johansson gvidas la retejon Originala Literaturo Esperanta http://www.esperanto.net/literaturo/, pri kiu li donas kelkajn klarigojn. El la elsendo 05.11.2019 – 12’29”