Antaŭ la mikrofono
D-ro Maciej Jaskot pri Leksikono de aktiva frazeologio pola kaj ukraina
Nia antaumikrofona gasto estas nia redakcia kolego, d-ro Maciej Jaskot, kun kiu ni interparolas pri la leksikono aperinta ankoraŭ en 2017 kies kunaŭtoro li estas. Temas pri Leksikono de aktiva frazeologio pola kaj ukraina. El la elsendo 08.01.2019 – 15’31”
Ionel Onet pri la rumana literaturo en Esperanto
Nia nunsemajna antaŭmikrofona gasto estas Ionel Onet el Rotterdamo. Kvankam ni mencias la Libroservon de UEA en nia interparolo la ĉefa temo estas la rumana literaturo en Esperanto, tute aparte la lanĉota en Bjalistoko dum la 19-aj Zamenhof Tagoj „Verkaro (preskaŭ) kompleta de Maks Blecher, kiel frukto de la pola-rumana literatura projekto pere de Esperanto. El la elsendo 14.12.2018 – 14’21”
Interparolo kun Miguel Gutiérrez Adúriz (decembro, 2018)
Hodiaŭ ni denove referencas al la interparoloj faritaj dum la Lisbona UK, prezentante la antaŭmikrofonan renkontiĝon kun Miguel Gutiérrez Adúriz – la sekretario de la Belartaj Konkursoj de UEA, eldonisto, verkisto, membro de la tiel nomata Iberia Skolto konata ankaŭ kiel Liven Dek. Kroman atenton ni donas en la intreparolo al la gvidataj de li en jutubo kulturtemaj kanaloj inkluzive de la ĉefa Ekstremoj.
El la elsendo 04.12.2018 – 11’45”
Intervjuo kun Alessandra Madella
Nia antaŭmikrofona gasto estas Alessandra Madella, laŭreatino de la premio Mauro La Torre-2018, lekcianta i.a. filmhistorion kaj Esperanton en la artkolegio en la ĉina Kunming, Yunnan-provinco. El la elsendo 30.11.2018 – 7’34”
Daŭrigo de interparolo kun d-ro Marek Nahajowski
Denove antaŭ nia mikrofono ni gastigas polan esperantiston, d-ron Marek Nahajowski, muzikteoriiston, flutiston, kun kiu ni interparolas aparte pri lia profesia laboro kaj muzikaj interesiĝoj, pri lia esperantistiĝo kaj kelkaj planoj kun tio ligitaj. En la programo aŭdiĝas ankaŭ en lia bekfluta plenumo ĉerpaĵo de la 7-a fantazio de Telemann el la KD „Telemann 12 Fantasias” kaj tri komponaĵoj el la KD „Boismortier Six Suites de Pièces”. El la elsendo 21.11.2018 – 10’36”
Ĵenja kaj Joel Amis pri la planata UK en Montrealo (2020)
Aŭtuno estas periodo intensiganta la pripensojn pri partopreno en la Universalaj Kongresoj de Esperanto. Pri tiuj en Lahti (2019) kaj en Montrealo (2020) ni multon aŭdis dum la Lisbona UK. Hodiaŭ antaŭmikrofone gastas du membroj el la organiza teamo de la Montreala UK, Ĵenja kaj Joel Amis.
Interparolo kun d-ro Marek Nahajowski
La hodiaŭa gasto de la Redakcio estas d-ro Marek Nahajowski, kun kiu ni interparolas marĝene de la la 49-a Muzikologia Konferenco en Varsovio, kadre de kiu li parolis pri la mezepokaj kantoj en la E-muzika kulturo. Ni informis jam pri la konferenco en nia elsendo la 26-an de oktobro 2018. El la elsendo 14.11.2018 – 9’11”
Halina Gorecka kaj Aleksander Korĵenkov pri „Nia Diligenta Kolegaro”
Niaj antaŭmikrofonaj gastoj estas la aŭtoroj de la biografia leksikono „Nia Diligenta Kolegaro” aperinta jarkomence, Halina Gorecka kaj Aleksander Korĵenkov. El la elsendo 09.11.2018 – 11’16”
Interparolo kun Jordan Kalilich
La antaŭmikrofona gasto de nia marda E-elsendo (30.10.2018) estas unuafoja kongresano de la 103-a UK en Lisbono, Jordan Kalilich el Usono, kiu tamen estas esperantisto kun pli longa staĝo kaj krome estrarano de Esperanto-USA. El la elsendo 30.10.2018
Interparolo kun Abel Montagut — 2a parto
Nia antaŭmikrofona gasto estas Abel Montagut, la aŭtoro de la epopeo „Poemo de Utnoa”, kies dua reviziita eldono reaperis en la nuna jaro. Hodiaŭ ni prezentas duan kaj lastan parton. El la elsendo 26.10.2018