Antaŭ la mikrofono

Sojle de la nova studenta jaro d-ro Maciej Jaskot el Pollando partoprenis en Viadrina-Universitato, Germanio interesan seminarion por la akademiaj lingvoinstruistoj. En nia antaŭmikrofona renkontiĝo li dividas siajn impresojn kaj akiritajn spertojn. El la elsendo 21.10.2016 – 6’39”

Kun la renkontita dum Arkones Chuck Smith el Germanio ni interparolas pri amikumu.com kaj lanĉita la 18-an de oktobro monkolekta kampanjo por la telefona aplikaĵo, kiu daŭros ĝis la 16-a de novembro 2016. Pliaj informoj ĉe Amikumu.com El la elsendo 18.10.2016 -11’58”

Kun profesorino Ilona Koutny el Pollando fine de la aŭtuna sesio de la Interlingvistikaj Studoj pri la malnovaj kaj novaj defioj en la Poznana Universitato de Adam Mickiewicz. El la elsendo 11.10.2016

En nia programo ni informis aparte pri grava religia evento, kiun konsisitigis Mondaj Tagoj de Junularo en Krakovo. Por la evento okazinta fine de julio venis al. Pollando kelkcent mil gejunuloj el la tuta mondo.  Komence – inter la 20-a kaj 25-a de julio ili disvolviĝis en unuopaj diocezoj, poste en Krakovo. Siajn impresojn kaj spertojn pri la partopreno en la tagoj dividas kun ni Dominika Krajniewska, renkontita dum la lasta ARKONES en Poznano. El la elsendo 07.10.2016

Nia sonsceno el Poznano rilatas al la okazintaj tie en septembro 2016 Interlingvistikaj Studoj, inkluzive de Instruista Trejnado. La eventon en la inaŭguro de la 32-a Arkones sumigas profesorino Ilona Koutny kaj kelkaj gestudentoj. El la elsendo 30.09.2016

Tobiasz Kazimierski el Pollando/Nederlando, unu el la ĉeforganizantoj de ARKONES en Poznano dividas varmmomente siajn impresojn pri la 32-a eldono de la evento, kiu venigis multnombre partoprenantojn ne sole el Eŭropo. El la elsendo 28.09.2016

Kun la renkontita dum la Interlingvistikaj Studoj en Poznano Katalin Kováts el Nederlando ni interparolas pri rekono por ŝia laboro en edukado.net en la formo de la atribuita Esperanto-Kulturpremio de la urbo Aalen kaj pri la komenciĝinta unujara trejnista kurso kadre de la tria studojaro en Poznano. El la elsendo 28.09.2016

Paul Hopkins el Kanado rakontas en la interparolo kun Maciej Jaskot pri siaj interesiĝoj, studoj kaj esploroj pri la la kaŝuba lingvo. Ekde 2005 ĝi havas la statuson de la unusola regiona lingvo en Pollando. El la elsendo 20.09.2016 

Kun la renkontita  dum Baltaj E-Tagoj en Birštonas, Litovio – Aleksandro Melnikov el Rusio ni interparolas pri lia konciza leksikono de la E-kulturo „Gvidlibro tra Esperantio”. El la elsendo 16.09.2016 – 13’49”

Reference al la kongresaj tagoj en Nitro ni prezentas interparolon de Maciej Jaskot kun Anna Striganova antaŭ la Aŭtora Duonhoro en la kongresa Libroservo pri ŝiaj prifabelaj interesiĝoj. El la elsendo 02.09.2016 – 6’17”