Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

Barbara Pietrzak

La 949-a E_elsendo el la 27.03.2020 ĉe www.pola-retradio.org

Nia vendreda felietono pri Koninda Pollando traktas la malmulte konatan legendon pri ŝtona urso antaŭ la preĝejo de Dipatrino la Gracoplena en la Malnovurba Kvartalo de Varsovio. Komence ni memorigas la pasantan hodiaŭ Mondan Tagon de Teatro kaj en tiu kunteksto la koncernajn konkursbranĉojn en la Belartaj Konkursoj de UEA (limdato 31.03.2020), ni prezentas sekve jam kutiman bedaŭrinde kronikon pri eventoj ligitaj kun la kronvirusa pandemio. La kulturtema kroniko informas pri la novaj laŭreatoj de la krakova Jasieński-premio, pri restaŭrado de freskoj en la ortodoksa kirko en Supraśl kaj pri la prokrastita varsovia Nokto de Muzeoj, kutime okazanta en majo. En la E-komunuma segmento ni transdonas i.a. korskuan informon pri la forpaso pro la kronviruso de esperantista verkista paro el Italio – Julia Sigmond kaj Filippo Franceschi, konata kiel Sen Rodin.
Por la muzika ornamo ni elektis la kanton de Helena Melnikova „Mi sorĉas”. La akompana interreta foto prezentas la ŝtonan urson pri kiu traktas nia felietono. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „Felietonoj”. Ne hezitu uzi tiun ĉi servon mem kaj rekomendi al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 948-a E_elsendo el la 24.03.2019 ĉe www.pola-retradio.org

Hodiaŭ  ni ĉerpas el nia arkivo de sondokumentoj de la E–Redakcio de Pola Radio memorigante la interparolon de Andrzej Pettyn kun Ada Fighiera-Sikorska. En ĝi ŝi parolas pri siaj postmilitaj sortoj kaj vojo al Esperanto, en kies rezulto ŝi estis i.a. inter la kunfondintoj de la E-Redakcio de Pola Radio en 1959. La 4-an de aprilo pasos 61 jaroj post ĝia establo. Poste dum multaj jaroj ŝi estis redaktoro de “Heroldo de Esperanto”.
Niaj aktualaĵoj rilatas amplekse al la situacio ĉirkaŭ koronvirusa pandemio en Pollando, ni memorigas la pasantan hodiaŭ Memortagon pri poloj savantaj judojn sub la germana okupacio. Nia sciencbultena temo traktas novajn malkovrojn pri rolo de kupraj nanoelementoj en kontraŭbatalado de kancero. Muzike akompanas nin Ĵomart kaj Nataŝa per fragmento de sia kanzono „Ni iĝu arboj”. La interreta foto akompananta la programinformon prezentas iun el la varsoviaj metroostacioj en la tempo de epidemio.
En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 947-a E_elsendo el la 20.03.2020 ĉe www.pola-retradio.org

Nian felietonon pri koninda polo ni dediĉis al elstara pola lingvisto Jan Niecisław Baudouin de Courtenay, kies 175-a naskiĝdatreveno pasis la 13-an de marto 2020. Notindas, ke en siaj esploroj li okupiĝis ankaŭ pri Esperanto, kiun li konis. Komence ni donas kelkan atenton al la situacio ĉirkaŭ koronviruso en Pollando. La kulturkronikaj informoj rilatas al la nova literatura premio de Krakovo, kiel Unesko-urbo, al la ĉiam pli multaj funkciantaj rete muzeoj kaj kulturinstitucioj, al planata nova ekspozicio dediĉita al Maria Konopnicka en ŝia muzeo en la loko Suwałki. El la E-komunumaj informoj eblas ekscii pri nova aliĝdato por la 105-a UK en la dua favorperiodo, pri la programo de nunjara IKU. Ambaŭ baziĝas sur la lastaj Gazetaraj Komunikoj de UEA (uea.org).
Muzike ni prezentas la faman brazilan kanton „La pac’” en la plenumo de Eric Languillat. La akompana interreta foto prezentas iun el la eksponaĵoj el la vizitebla rete Muzeo de la pramalnova setlejo Biskupin. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „Felietonoj”. Ne hezitu uzi tiun ĉi servon mem kaj rekomendi al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 946-a E_elsendo el la 17.03.2019 ĉe www.pola-retradio.org

La gasto de nia elsendo estas Istvan Ertl, kun kiu nia redakcio renkontiĝis okaze de la lasta ARKONES en Poznano. En la interparolo ni traktas liajn priliteraturajn prelegojn dum la poznanaj Interlingvistikaj Studoj kaj ankaŭ lian monologon kreitan post la morto de lia edzino, Fabienne Berthelot kaj prezentitan dum Arkones. Ĝi aŭdiĝis en nia programo la 1-an de novembro 2019 kaj estas aŭskultebla interrete. La komencaj aktualaĵoj rilatas al diversaj aspektoj de koronviruso en Pollando, koncentriĝante pri la vastskala helpo de la ŝtato revenigi per polaj aviadiloj la troviĝantajn eksterlande polojn kaj pri la speciala eduk- kaj instruprogramo de la polaj eduka kaj cifereca ministerioj por la restantaj hejme lernantoj. En la scienca bulteno ni informas pri la sciencista kadro kaj ĝia nova festo, festo de la pola scienco solenata en la naskiĝdatreveno de Nikolao Kopernik. La alia informo rilatas al novaj donitaĵoj pri la laktotrinkado kaj risko de mamkancero. Pri magia fluto, laŭ la E_versio de la fabelo “La flutisto de Hameleno” kantas Joel de Castro. La akompana interreta foto referencas al informo pri reta distanca lernado de polaj lernantoj. En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun indiko de i.a. tempodaŭro. Hodiaŭ ili alidoniĝas en la rubrikoj „novaĵoj” kaj „sciencaj informoj”. En la rubriko „Antaŭ la mikforono” eblas eksterelsende aŭdi interparolon kun nia gasto. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 945-a E_elsendo el la 13.03.2020 ĉe www.pola-retradio.org

Nia arkiva felietono kondukas nin al vizitinda loko Działdowo situanta en la norda Pollando. En 2014 ĝi estis krome kalkulita al 7 mirlokoj de Pollando en ĉi tiu jaro. La komencaj kulturkronikaj informoj rilatas al la okazintaj eliminadoj por la nunjara Internacia Chopin-konkurso en Varsovio kaj al nomumo de pola grafikistino por la premio H.Ch. Andersen. El la E-komunumaj informoj eblas ekscii pri membrostato de UEA en 2019, pri la proksimiĝanta limdato en la Belartaj Konkursoj de UEA (detaloj en revuoesperanto.org), pri premio Paul Gobbins por Nova Ĵurnalisma Talento de la revuo Monato (https://www.monato.be/nova_talento.php).
Muzike ni memorigas la kanton “Sonsistemo”, unu el la kantoj el la KD “Civilizacio” de “Strika Tango”, eldonita de Vinilkosmo. La akompana interreta foto prezentas la muldaĵon de la maldekstra mano de Frederiko Chopin, lige kun nia hodiaŭa kulturkronika informo. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „Felietonoj”. Ne hezitu uzi tiun ĉi servon mem kaj rekomendi al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 944-a E_elsendo el la 10.03.2019 ĉe www.pola-retradio.org

En la literatura segmento jam la 92-an fojon ni proponas renkontiĝi kun la herooj de la romano „Quo Vadis” de Henryk Sienkiewicz en la E-traduko de Lidia Zamenhof. La komencaj aktualaĵoj rilatas al la ŝanĝiĝanta kutimo de poloj pagi kontante, al la koronviruso, kiu pasintsemajne atinigis ankaŭ Pollandon, al planita naskiĝdatrevena koncerto de Chopin-muziko en tramo de Katowice. La sciencbultena informo koncernas neforigendan grason, kiu ĉirkaŭas homajn vaskulojn. La akompana interreta foto prezentas muzikistojn de Camerata Silezia koncertantajn en tramo. Ĉi-jare la plej proksiman ĵaŭdon tiel ili planis omaĝi la 210-an naskiĝdatrevenon de Frederiko Chopin. En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 943-a E_elsendo el la 06.03.2020 ĉe www.pola-retradio.org

Nia hodiaŭa felietono estas dediĉita al Kazimierz Stanisław Junosza Gzowski, kiu naskiĝinta kiel polo aparte meritiĝis por Usono kaj Kanado, kien li trafis post la falo de la Novembra Insurekcio 1830. Nun konata kiel sir Casimir Gzowski li multe meritiĝis aparte por Kanado i.a. kiel renoma inĝeniero, entreprenisto, politikisto, juristo. La komencaj kulturkronikaj informoj koncernas Chopin-festivalon en Hungario kaj ekspozicion pri la pentroarto de Juliusz kaj Wojciech Kossak en Bjalistoko. El la E-komunumaj informoj eblas ekscii pri la nunjara literatura eldono de la konkurso „Poezio el ĉiuj ĉieloj” https://www.iconcorsidisamideano.it/poezio-el-ciuj-cieloj-sesa/.
Muzike ni memorigas la kanton de Eterne Rima „Trankvila estu tero” el la KD „Taglibro de Brutulo” eldonita de Vinilkosmo. La akompana interreta foto prezentas la pentraĵon de Jerzy Kossak „Ĉevaloj sur montara herbejo”. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstojn el la hodiaŭa programo. Temas pri „kulturkronikaj informoj” kaj „Felietonoj”. Ne hezitu uzi tiun ĉi servon mem kaj rekomendi al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 942-a E_elsendo el la 03.03.2020 ĉe www.pola-retradio.org

La antaŭmikrofona gasto de nia redakcio estas profesoro Bengt-Arne Wickström, specialisto pri ekonomiko, kiu dum la februara interlingvistika sesio en Poznano, en sia prelegaro koncentriĝis pri tio, kiel eblas apliki ekonomikan pensadon al la komunika analizo de lingvouzo. I.a. pri tio ni parolas kun nia gasto.
La komencaj aktualaĵoj informas pri polino, Teresa Czerwińska kiu transprenis la postenon de vicprezidanto de la Eŭropa Investa Banko; pri polo, kiu antaŭnelonge starigis rekordon en la altmonta lagoplonĝado; pri problemoj de polaj familiaj firmaoj. La scienca temo traktas esplorojn pri gravito kaj teorio de kvantuma informado. En nia elsendo ni prezentas fragmente la E-version de la kanzono „Redemption” de Bob Marley en la plenumo de Alejandro Cossavella. La akompana interreta foto prezentas la polan plonĝiston, Marcel Korkuś, kiu batis la mondrekordon en la altmonta lagoplonĝado. En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Ankaŭ la interparolo kun nia gasto aŭdiĝas eksterelsende en la rubriko „Antaŭ la mikrofono”. Uzu do ĝin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 941-a E_elsendo el la 28.02.2020 ĉe www.pola-retradio.org

Nia hodiaŭa felietono kondukas al la suda Pollando, al la loko Olesno. Troviĝas tie unika, 15-jarcenta ligna sanktejo de s-ta Anna kun Maria kaj Jesueto. Ekde 2018 ĝi troviĝas en la listo de la polaj Historimonumentoj. La komencaj kulturkronikaj informoj rilatas al novaj aĉetaĵoj de la Bilblioteko de la pola Sciencakademio en Gdansko. Ĝis la mezo de marto eblas ilin rigardi en la porokaza ekspozicio. Ni informas pri la nunjara eldono de la ĵus komenciĝanta varsovia festivalo Novaj Epifanioj. Hodiaŭ apartan atenton ni donas al la aperinta antaŭ 10 tagoj originala popmuzika unuopaĵo-muzikvideaĵo „La Pordo” de Ale Kosabela, kies originala versio troviĝas ĉe jutubo https://www.youtube.com/watch?v=Grk0w024Q2k. Ĝi disponeblas en diversaj bitaj formatoj ĉe: https://www.vinilkosmo-mp3.com/eo/pop. Ĝi aŭdiĝas ankaŭ en nia elsendo. La E-komunumaj informoj koncernas literaturan konkurson de Bulgara E-Asocio, martan renkontiĝon de kubaj esperantistoj kaj junian Alp-Adrian Konferencon en Kroatio. La akompana interreta foto montras birdperspektivan bildon la stelforman preĝejon en Olesno. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstojn el la hodiaŭa programo. Temas pri „kulturkronikaj informoj” kaj „Felietonoj”. Ne hezitu uzi tiun ĉi servon mem kaj rekomendi al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 940-a E_elsendo el la 25.02.2019 ĉe www.pola-retradio.org

En nia hodiaŭa E-elsendo ni prezentas historian interparolon kun Katalin Kováts el 2018, en kiu ni referencas al ŝiaj renomaj premioj, sed krome konatiĝas kun ŝiaj ideoj pri pli vasta prezentiĝo de E-artistoj dum UK-oj kaj kun novaj projektoj de edukado.net jam parte realigataj. La komencaj aktualaĵoj informas pri malkovro de enorme grandaj kuprotavoloj malkovritaj en la okcidenta Pollando, pri zorgo de poloj pri sia sano, pri bioelektronikaj pasportoj de ukrainanoj. La scienca temo traktas malkovron de neatendita komuneco inter loĝantoj de Afriko kaj Neandertala homo.
En nia elsendo ni prezentas la kanzonon de Paŭlo Moĵajev el lia KD „Pluke-Traduke” – „Kanto pri feliĉo”. La akompana interreta foto prezentas dolĉan fritaĵon, kiun apud benjetoj poloj frandas dum karnavalo, aparte dum la pasanta hodiaŭ antaŭkaresma mardo. Tradicie eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Ankaŭ la interparolo kun nia gasto aŭdiĝas eksterelsende en la rubriko „Antaŭ la mikrofono”. Uzu do ĝin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D