Podkasto: Ludu en nova fenestro | Elŝutu

En la 1306-a E_elsendo el la 10.03.2024 ĉe www.pola-retradio.org:

• Nia antaŭmikrofona gasto estas Fábio Fortes el Brazilo, kiu rakontas al ni pri brazila literaturo, aparte ĝia „sorĉisto” Machado de Assis. Ĉi-teman prelegon li prezentis dum la lasta ARKONES en Poznano, Pollando.
• En la komencaj aktualaĵoj ni informas pri aparta ekspozicio en Berlino, dediĉita al polinoj batalantaj por politikaj rajtoj, kiu estis inaŭgurita antaŭ la 8-a de marto. Sekve ni sciigas pri la decido de la kanada parlamento omaĝi en majo Monaton de la Pola Heredaĵo.
• La sciencbultenan rubrikon ni dediĉas al la signifo kaj graveco de kokleaj enplantaĵoj aparte gravaj por la evoluo de la infanoj, kiuj malgraŭ denaska surdeco povas fariĝi personoj aŭdokapablaj. La 3-an de marto pasis Monda Tago de Aŭdokapablo.
• Muzike akompanas nin fragmente la kaznono de TIM „Bela vivo” el la bitalbumeto aperinta ĉe Vinilkosmo antaŭtage de la 8-a de marto: https://www.vinilkosmo-mp3.com/eo/popo-roko-hiphopo-elektronik/tim/2-bela-vivo.html.
• Nia interreta foto ĉe la programinformo rilatas al reakirata aŭdokapablo dank’ al kokleaj enplantoj.
• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.