Antaŭ la mikrofono

La antaŭmikrofona gasto ĉi-semajne estas germana lingvisto, Cyril Brosch (http://www.cyrilbrosch.net), kun kiu ni interparolas pri la  Mime-projekto kaj lia kontribuo  al ĝia efektivigo. El la elsendo 23.02.2016 – 9’29” 

Kun Zsofia Korody el la Kultura E-Centro en Herzberg am Hartz, de 10 jaroj konata ankaŭ kiel E-urbo ni parolas pri eventoj ligitaj kun la Semajno de Internacia Amikeco (22-28.02.2016) kaj posonta dum ĝi Tago de la Gepatra Lingvo. La temo de la interparolo estas ankaŭ aliaj aktivaĵoj, inkluzive de la solenota la 9-an de julio 10-jariĝo de Herzberg kiel Esperanto-urbo. El la elsendo 16.02.2016 – 9’08” 

Kun Konstanta Kongresa Sekretario, Clay Magalhães el la Centra Oficejo de UEA ni interparolas pri aktuala stato de laboroj ĉirkaŭ la 101-a Universala Kongreso de Esperanto en Nitro. La plej grava informo estas, ke tre baldaŭ estos disponigita fizike la Dua Bulteno. Post nia interparolo ĝi jam aperis interrete: http://uea.org/pdf/ DuaBulteno2016.pdf  El la elsendo 12.02.2016 – 8’54” 

Kun d-ro Maciej Jaskot  en Varsovio ni renkontiĝas antaŭmikrofone por retrorigardi al la 6-a eldono de la konkurso pri la hispana lingvo, la tn. Hispana Olimpiko. Nunjare ĝi logis pli da rivalantoj, kies entuziasmo pri la hispana lingvo kaj kulturo estas nekompareble pli alta ol de studentoj de la hispana filologio. El la elsendo 08.02.2016 – 4’27”

La hodiaŭa interparolo de Barbara Pietrzak kun d-ro Maciej Jaskot rilatas al la signifo de parola lingvo en la lernado de la fremdaj lingvoj kaj al kelkaj ekzemploj, kiel la E-elsendoj de Pola RetRadio servas por la altigado de la lingvokono. El la elsendo 26.01.2016 – 11’25” 

Inter la antaŭmikrofonaj gastoj de nia Redakcio dum la 100-a UK en Lillo estis ankaŭ Marek Blahuš el Ĉeĥio informante pri siaj aktualaj laboroj kaj sia 12-jara esperantista aktivado. El la elsendo 15.01.2016 – 4’33” 

Dum la Lilla UK, kadre de la  38-a Esperantologia Konferenco dediĉita al 40 jaroj de Esperantologio  inter la paroladintoj troviĝis  profesoro Humphrey Tonkin el Usono. El la elsendo 12.01.2016 – 15’38” 

Kun Uriel Gurdián el Nikaragvo ni interparolas pri la historio, la nuna stato, progresoj kaj planoj de la E-movado en ĉi tiu lando, kiu entreprenis klopodojn fariĝi la laŭvica LA de UEA. El la elsendo 25.12.2015 – 9’15”

Lige kun la  nunjara Zamehof-Tago, solenata ankaŭ kiel Tago de la E-libro ni interparolas kun Jorma Ahomäki el Finnlando pri lia hobio legi kaj analizi E-literaturon. Kiel ekzemplo en nia interparolo servas la romano “Sep fratoj” de Aleksis Kivi, kiun nia interparolanto havas en la tradukoj esperanta, sveda, estona kaj angla.  El la elsendo 15.12.2015 – 10’04”

Kun Osmo Buller, la Ĝenerala Direktoro de UEA en Roterdamo, Nederlando  ni interparolas reference al la lastsabata Malferma Tago de la Centra Oficejo en Roterdamo. Ĝi estis la lasta en lia nuna posteno.  La temo estas la historio de la tagoj kaj ilia etoso, kelkaj programeroj de la lastsabata 43-a tago kun aparta konsidero de programeroj, al kiuj Osmo Buller mem kontribuis. Tio estis  la prelego “Nieuwe Binnenweg en bildoj” kaj ferma horo de la tago “Osmo Buller respondas”. El la elsendo 02.12.2015