Antaŭ la mikrofono

Tradicie en la kongresa programo Kleriga Lundo eblis konatiĝi kaj kleriĝi pri la plej diversaj temoj. La unuan temblokon malfermis la programero de Tali Wandel pri Eŭritmio. Enkondukon al la temo scivolemuloj povis trovi en la 1-a numero de la Kongresa Numero. „Kiel eblas kultivi vian aŭskultadon kaj komunikadon inter si mem, grupo da homoj kaj la mondo samtempe? Tra prelego kaj fizika praktiko de la movoarto eŭritmio, ni esploru kiel estado de la diversaj artoj kultivas la arton esti homo kune kaj la unika individuo, kiu ĉiu el ni estas. Eŭritmio estas movoarto, kiu videbligas la paroladon kaj kantadon”. Pri tiu temo kun Tali Wandel interparolis Milada Szwedo. El la elsendo 25.08.2015

D-ro Maciej Jaskot  laboras en la unusola pola altlerneja grupo pri la reformo de la Europa Referenckadro rilate la lernadon de la fremdaj lingvoj. Ĝiaj ĝisnunaj  kaj septembraj taskoj estas la temo de nia interparolo. El la elsendo 18.08.2015

Dum la Lilla UK estis aparta okazo interparoli kun Ursula Grattapaglia pri ege sukcesa spektaklo “Ursula” kreiĝinta i.a. baze de libro de Roman Dobrzyński “Bona Espero – idealo kaj realo” kaj pri la nuna situacio en Bona Espero. El la elsendo 11.08.2015

La 4-an de aŭgusto, jam post la 100-a UK en Lillo, sed en la unua postkongresa raporto el Varsovio ni proponas emociigan sonscenon el la Solena Fermo okazinta la 1-an de aŭgusto. El la elsendo 04.08.2015

Kun Maciej Jaskot ni referencas al la konferenco de la polaj lingvoinstruistoj (de la baza, meza kaj supera instruniveloj) pri la rolo de la gepatra lingvo en la alproprigado de fremdaj lingvoj. El la elsendo 14.07.2015

Lastsabate, la 27-an de junio en Bjalistoko okazis la kunsido de la Konsilio de Zamenhof-Fondumo.  Kun nia antaŭmikrofona gasto Konrad Andrzejuk, la sekretario de la estraro de ZF ni interparolas pri la faritaĵoj, atingaĵoj kaj planoj de Zamenhof-Fondumo en Bjalistoko. El la elsendo 30.06.2015

Kun nia kolego Maciej Jaskot ni interparolas pri diferencoj en la konceptoj rilatantaj al la parola lingvo. Ĉu sole kono de la vortsignifoj ebligas interkomprenon, kio estas lingvokodo. Unuvorte ni interparolas pri la lingvofenomenoj, kiujn ni ĉiutage frontas en la diverslingva  komunikado. El la elsendo 26.05.2015

Clay Magalhães, la Konstanta Kongresa Sekretario dividas la postvizitajn informojn en du kongresurboj – la nunjara  Bonaero kaj venontjara Lille. El la elsendo 16.05.2015.

Fine de aprilo en Vjetnamio okazis solenaĵoj ligitaj kun la 40-a datreveno de la finiĝo de  milito. Osmo Buller, la Ĝenerala Direktoro de UEA, kiu estis  invita por la solenaĵoj kiel reprezentanto de la E-movado rakontas pri ili, pri sia promociado de Esperanto en la medio de Amikecsocietoj kun Vjetnamio,  kaj renkontiĝoj kun vjetnamaj esperantistoj. El la elsendo 12.05.2015

Kun nia finna aŭskultanto Jorma Ahomäki ni interparolas i.a. pri kelkaj libroj de la eldonejo Kava-Pech, kiuj apartenas al liaj ŝatataj legaĵoj kaj kiuj troviĝas samtempe en la eldonserio de UEA “Oriento-Okcidento”: Aventuroj de la brava soldato Ŝvejk dum la mondmilito de Jaroslav Hašek, Biblio, R.U.R. (Rossumaj Universalaj Robotoj) de KarelČapek. El la elsendo 05.05.2015