Antaŭ la mikrofono

Nia antaŭmikrofona gasto estas Andrea Schmidt el Germanio, kiun ni renkontis dum IFEF-kongreso en San Benedetto del Tronto. Tio estis la okazo ekscii iom pli amplekse ŝiajn opiniojn pri nia laboro kaj ankaŭ konatiĝi kun ŝi kiel esperantistino kaj ŝia vojo al Esperanto kaj al la E-komunumo. El la elsendo 05.09.2014

Rogener Pavinski, la redaktoro de “Kontakto” estas la antaŭmikrofona gasto de nia 366-a E-elsendo. La temo de la interparolo rilatas al  la okazinta 1-a Muzika Konkurso de Kontakto, kies rezultoj estis publikigitaj semajnfine. Ĉiuj 16 rivalantaj kantoj estas aktuale aŭskulteblaj ĉe: kontakto.tejo.org. El la elsendo 02.09.2014

Clay Magalhães, la Konstanta Kongresa Sekretario rakontas en la 353-a E-elsendo ĉe www.pola-retradio.org pri la lastaj ŝanĝoj en la kongresa programo de la 99-a UK. Li ankaŭ dividas utilajn informojn pri konekto de la flughavenoj de Bonaero al la urbocentro, valutnuancoj kaj sabata registriĝado de la kongresanoj. Informoj pri tiu UK estas troveblaj ĉe https://uea.org/kongresoj/UK/2014. El la elsendo 18.07.2014

Renato Corsetti el Italio estas i.a. la kunordiganto de UEA-Komisiono pri Meza Oriento kaj Italio. La renkontiĝo dum IFEF-kongreso en San Benedetto del Tronto estis la okazo demandi pri freŝaj informoj rilataj al la laboro de la Komisiono kaj situacio de esperantistoj en ĉi tiu regiono. El la elsendo 17.06.2014.

Kun Rodica Todor, la prezidant­ino de Internacia Fervojista Esperanto-Federacio renkontita en majo okaze de la 66-a IFEF-kongreso en San Benedetto del Tronto ni interparolas pri la plej gravaj taskoj,  kiujn nun frontas la Federacio. El la elsendo 03.06.2014

Sonscena raporto pri la 66-a IFEF-kongreso en San Benedetto del Tronto rilatas al la kongreso okazinta inter la 17-a kaj 24-a de majo 2014. El la elsendo 30.05.2014.

André Grossmann el Francio estas longdaura E-aktivulo, nun la prezidanto de Mulhouse-Esperanto kaj redaktoro de la Sud-Rejna Kuriero. Ni interparolas i.a. pri la loka movado kaj aktivadoj, pri komputila trejnado kaj evoluperspektivoj de la E-komunumo ligitaj kun junularo. El la elsendo 28.04.2014.

Profesoro Leszek Kordylewski el Usono rakontas pri sia profesia laboro en Ĉikago, Usono kaj la tiea E-vivo. Temas pri la son­dokumento el nia arkivo, premiere aŭdigita en 2006.

Thierry Saladin el Francio renkontita en marto dum la Meditereanea E-ista Semajno en Les Issambres proksimigas en la antaŭmikrofona renkontiĝo kio kaŝiĝas malantaŭ la devizo “Esperanto tuj” kaj kion celas ĉi tiu kampanjo. El la elsendo 08.04.2014.

La ge­redaktoroj Gabi Kosiarska, Andrzej Pettyn, Milada Szwedo kaj la Ĝenerala Direkoro de UEA Osmo Buller kun red. Barbara Pietrzak traktas la signifon de la unua profesia E-Redakcio de Pola Radio kreiĝinta antaŭ 55 jaroj kaj ĝiaj elsendoj por la E-komunumo. Oni koncentriĝas ankaŭ pri la plej bonaj tradicioj daŭrigataj en la elsendoj de la Pola Reradio. El la elsendo 04.04.2014.