Antaŭ la mikrofono

Kun Eliza Kehlet el Danlando, unu el la ideo­donintoj de la Kultura Kaso por la arta programo de la Jubilea 100-a UK en Lillo, ni interparolas pri tio, kiel kreiĝis la ideo de la Kaso, kion ĝi celas kaj kiel eblas al ĝi kontribui. ĉar ŝi mem kontribuas al la Kaso i.a. por omaĝi la memoron de siaj  gepatroj, ankaŭ la vefto ligita kun la E-familio edukanta denaskulojn aŭdiĝas en nia interparolo surbendigita dum la Malferma Tago en Roterdamo.El la elsendo 26.12.2014.

Kun Dominika Krajniewska el Pollando, talenta dekkelkjarulino renkontita dum Arkones en Poznano ni interparolas pri  kelkaj ŝiaj interesiĝoj, kaj ankaŭ pri ŝia ŝato aŭskulti E-elsendojn de la Pola RetRadio. El la elsendo 26.12.2014.

Kun Marc Bavant el Francio ni referencas al lia prelego dum la septembra lingvistika Simpozio en Poznano pli detale traktante la rezultindikajn proprecojn de Esperanto. El la elsendo 23.12.2014.

Kun d-ro Maciej Jaskot el Pollando ni interparolas pri lia laŭvica partopreno en  scienca konferenco ĉi-foje lingvistika  konferenco de universitataj fakuloj en Parizo novembre lastjare. El la elsendo 16.12.2014.

Kun d-ro Ulrich Lins  el Germanio  ni interparolas pri la historiaj eventoj de antaŭ 60 jaroj en Montevideo kaj pri la historia dokumentado en la E-komunumo. D-ro Lins estas la kun­redaktoro de la aperinta antaŭ 40 jaroj “Esperanto en Perspektivo” de Ivo Lapenna, enhavanta faktojn kaj­ analizojn pri la Internacia Lingvo. Ĝi i.a. registras faktojn gravajn por la nuna datrevena semajno, en kiu pasis la 60-a datreveno de la starigo de la konsultaj rilatojn inter UEA kaj Unesko kaj en kiu pasos la 60-jariĝo de la unua Unesko-rezolucio pri Esperanto el la 10. 12.1954. El la elsendo 09.12.2014.

Sonsceno pri la inaŭgura programero de la Malferma Tago de la CO de UEA en Rotterdamo la 29-an de novembro 2014. Ionel Onet prezentas libroservajn novaĵojn.

La 3-an de decembro ni prezentas la surbendigitan lastdimanĉe interparolon kun TEJO-estraranoj kaj TEJO-volontulo (Paweł Fischer-Kotowski) partoprenintaj sian estrarkunsidon en la Centra Oficejo de UEA en Roterdamo kaj la unuan fojon renkontiĝ­inte tie kun la publiko de la 41-a Malferma Tago fine de novembro 2014.

Kun Mark Bavant el Francio renkontita en septembro 2014 en Poznano ni interparolas pri lia kontribuo al la Interlingvistikaj Studoj en Poznano, partopreno en la okazinta tie Interlingvitika Simpozio kaj lia kontribuo  titolita “Rezultindika aspekto: ĉu Esperanto provizus modelon por lingvoscienca analizo”. El la elsendo 18.11.2014.

Kun Ivan Colling kaj Rita de Moraes el Brazilo ni interparolas pri iliaj interlingvistikaj studoj en Adam Mickiewicz-Universitato en Poznano, kiujn ili finis lastseptembre per prezento de siaj finlaboraĵoj. El la elsendo 04.11.2014.

Kun Marcin Ptaszyński, nia aŭskultanto el Germanio ni interparolas ne sole pri niaj E-elsendoj, kiuj gravis en lia esperanistiĝo, sed ankaŭ pri lia brile finiĝinta porinstruista studjaro en la Universitato de Adam Mickiewicz en Poznano kaj komenciĝanta en oktobro nova instrujaro de E-o en Germanio. Marcin Ptaszyński gvidas du kursojn: en sia universitato kaj en popolaltlernejo. El la elsendo 28.10.2014.