Antaŭ la mikrofono

Kun nia finna aŭskultanto Jorma Ahomäki ni interparolas i.a. pri kelkaj libroj de la eldonejo Kava-Pech, kiuj apartenas al liaj ŝatataj legaĵoj kaj kiuj troviĝas samtempe en la eldonserio de UEA “Oriento-Okcidento”: Aventuroj de la brava soldato Ŝvejk dum la mondmilito de Jaroslav Hašek, Biblio, R.U.R. (Rossumaj Universalaj Robotoj) de KarelČapek. El la elsendo 05.05.2015

La sonsceno el la 42-a Malferma Tago de la CO de UEA en Rotterdamo. Ionel Onet prezentas la libroservajn novaĵojn. El la elsendo 28.04.2015

Claude Nourmont el Francio estas la antaŭmikrofona gasto de la 430a E-elsendo ĉe www.pola-retradio.org. Ŝi havas  en la Lilla LKK multajn respondecojn, i.a. pri teatraj spektakloj. Pri ili, pri iuj planoj ligitaj kun prelegoj rilataj al Francio kaj ekspozicioj ni interparolas en la hodiaŭa renkontiĝo. El la elsendo 14.04.2015

Kun nia kolego,  Maciek Jaskot ni interparolas pri lia marta vizito en Romo en la rolo de tradukisto dum la serĉado de fontinformoj por la porinfana libro pri Johano Paŭlo la 2-a. El la elsendo 03.04.2015

Ni interparolas kun Katja Boen kaj Armelle Piolat. LKK-resondeculinoj pri la ekskursa programo okaze de la 100-a UK en Lillo. La ekskursa oferto estas konsultebla pere de la Dua Bulteno ĉe uea.org kaj ĉe la adreso: https://uea.org/pdf/Dua_Bulteno2015.pdf. El la elsendo 31.03.2015

Kun Suso Moinhos el Hispanio ni interparolas pri lia poezia verkado kaj la debuta sukceso dum la Belartaj Konkursoj-2014, kiam en la banĉo prozo li gajnis la unuan premion. La interparolo, en kiu nia gasto mem prezentas siajn du poeziaĵojn aŭdiĝas en la kunteksto de la Belartaj Konkursoj-2015  de la Universala E-Asocio. Pliaj detaloj troviĝas ĉe:  http://www.uea.org/aktuale/komunikoj/2014/Belartaj-Konkursoj-de-UEA-en-2015. El la elsendo 10.03.2015

Kun Flo Martorell ni interparolas pri la spektakla programo de la 100-a UK de Esperanto en Lillo, Francio. El la elsendo 24.02.2015.

Flo Martorell el Francio en LKK de la Lilla UK respondecas pro ĝia spektakla programo. Unu el la noviniciatoj estas funkcionta dum la kongresa semajno Malferma Arta Scenejo, kiu i.a. eliminos kandidatojn por la Internacia Arta Vespero. Tio estas temo de nia hodiaŭa interparolo. El la elsendo 17.02.2015.

Kun d-ro Maciej Jaskot ni interparolas – en la kunteksto de la daŭranta studenta sesio en Pollando –  pri liaj novaj studoj pri la ukraina lingvo, entreprenitaj lastaŭtune. El la elsendo 03.02.2015.

Dum la antaŭmikrofona renkontiĝo  kun Joel Ericson el Svedio ni interparolas pri lia unua partopreno en la pola E-aranĝo kiel ARKONES, pri lia vojo al la Esperanto kaj la E-komunumo kaj lia partopreno en E-aranĝoj kun sia violono kaj muzikado, kiu aŭdiĝas ankaŭ en nia interparolo. El la ensendo 27.01.2015.