Antaŭ la mikrofono

La interparolo kun d-ro Vilmos Benczik el Hungario okazas marĝene de du liaj artikoloj el la eldonita pasintjare en Budapeŝto libro „Pri natureco kaj artefariteco de lingvoj  kaj aliaj studoj”. La okazo por la antaŭmikrofona renkontiĝo estis la februaraj Interlingvistikaj Studoj en Poznano. El la elsendo 16.05.2017 – 12’00”

Antaŭ nia mikrofono ni gastigas Veronika Poór, la Ĝeneralan Direktoron de la CO en Rotterdamo, ĉi-foje por interparoli pri la nova retejo de UEA, pri kio kelkajn aktualaĵojn eksciis la partoprenantoj de la lasta Malferma Tago en Rotterdamo. El la elsendo 12.05.2017 – 8’08”

En nia nunsemajna vendreda programo ni gastigas Konstantan Kongresan Sekretarion, Clay Magelhães kuntekste kun la 102-a UK en Seulo, Koreio, al kiu aliĝis jam 1042 personoj el 61 landoj. El la elsendo 05.05.2017 – 8’08”

Nia hodiaŭa antaŭmikrofona renkontiĝo kun Maciej Jaskot referencas al la 58-jariĝo de la unua profesia E-Redakcio en la historio de E-radiofonio, kreiĝinta en la strukturo de Pola Radio. Red. Maciej Jaskot  venis al ĝi jam en ĝia lasta fazo, sojle de la transformiĝo de la publika programo al la podksta Pola RetRadio. El la elsendo 04.04.2017 – 9’52”

Dima Ŝevĉenko kaj Anna Striganova, la novaj redaktoroj de la revuo „Eperanto” estas niaj antaŭmikrofonaj gastoj. Interparolante kun ili pasintsemajne ni demandis pri iliaj redaktaj planoj kaj ambicioj. Ni interparolis ankaŭ pri la papera (pdf-formata) kaj la reta eldonoj de la revuo kaj pri la aprila numero jam de ili redaktita. El la elsendo 21.03.2017 – 7’10”

Jam post unu monato, la 14-an de aprilo 2017 pasos la 100-a mortodatreveno de la lingvokreinto, Ludoviko Zamenhof. La datreveno aŭspiciita de Unesko estas solenata i.a. en la tuta E-komunumo. Nia hodiaŭa gasto, estas la prezidantino de Itala E-Federacio, Michela Lipari, kun kiu ni interparolas pri eventoj kaj planoj ligitaj kun la Jaro en Italio. El la elsendo 14.03.2017 – 9’40”

Fine de februaro aperis en la reta versio la Dua Bulteno de la 102-a UK en Seulo, kiu baldau atingos kongresanojn. Fine de marto finiĝas la 2-a favorpreza aliĝperiodo. Ambaŭ motivoj estas kaŭzo por gastigi antaŭ nia mikrofono la Konstantan Kongresan Sekretarion, Clay Magalhães. Ni interparolas pri plej gravaj informoj aperintaj en la Bulteno kaj kelkaj lastmomentaj aktualaĵo. El la elsendo 07.03.2017 – 12’41”

En interparolo kun nia redakcia kolego, Maciej Jaskot – ni traktas kulturan temaron.  Li rakontas pri la menciita de ni festivalo „Opera Rara” en Krakovo, kiun li partoprenis kaj pri sia prelego en unu el la varsoviaj salonoj de elektronika muziko, libro kaj gazetaro, la t.n. Empik pri historio laŭ ŝatataj pentraĵoj de la hispana arto, pri baldaŭa trarigardo de hispanlingvaj filmoj en Varsovio.  El la elsendo 24.02.2017 – 7’55”

Inter la nunjaraj prelegantoj de la  februara sesio de la Interlingvistikaj Studoj en Poznano troviĝis ankaŭ prof. Vilmos Benczik, kiu gvidis tie i.a. Literaturan Kurson. Tio estis la okazo por mallonge renkontiĝi antaŭ nia mikrofono. El la elsendo 21.02.2017 – 4’55”

La 17-an de februaro pasas la 72-a naskiĝdatreveno de konata, renoma zamenhofologo kaj esperantologo, la mortinta pasintjare, Reinhard Haupenthal.  Antaŭ nia mikrofono ni interparolas tiuokaze kun lia edzino Irmi Haupenthal pri la aktuale frontataj taskoj, pri iuj liaj faritaĵoj kaj planoj. Ni bedaŭras pro la ne tro bona teknika kvalito de la skajpa registro. El la elsendo 17.02.2017 – 15’13”