Antaŭ la mikrofono

Clay Magalhães, Konstanta Kongresa Sekretario deĵoranta en la CO de UEA en Roterdamo en la interparolo kun nia Redakcio informas pri la nuna stato de la preparoj al la 99-a UK en Bonaero (komenco de decembro 2013). Fine de la jaro finiĝas la unua aliĝperiodo, do la periodo de la plej favora aliĝperiodo. El la elsendo 20.12.2013.

Pascal Dubourg Glatigny renkontita dum la aŭtuna ARKONES prelegis kaj aldone aparte antaŭ nia mikrofono dividas informojn pri la aperontaj  en 2014 du interesaj libroj. Unu estas frukto de interesa internacia eldonprojekto rilatanta al artaj interŝanĝoj en komunista periodo. La alia rilatas al liaj propraj profesiaj studoj kaj  koncernas kontaktoj inter la arto kaj scienco. Ĉeokaze ni ekscias pri interesa E-lingva ekspozicikatalogo pretigita de berlinaj artistoj – el la komence menciita eldonprojekto – por la pasintjara bienalo en Venecio. Pliaj informoj ĉe la retpaĝo de la eldonisto, kie mendeblas la katalogo de Kuehn Malvezzi ĉe la Venecia bienalo 2012 – https://www.moussepublishing.com/?product=/kuehn-malvezzi-komuna-fundamento/

El la elsendo 03.12.2013.

Maritza Gutiérrez González el Kubo. La antaŭmikrofona renkontiĝo fine de la lasta UK en Rejkjaviko fariĝis la  okazo rerigardi al la evoluo de la kuba E-movado post la lasta tiea UK, enpensiĝi ĉirkaŭ problemoj de la landa kaj regiona laboro de UEA kaj evidente paroli pri la Havanaj E-Elsendoj. El la elsendo 26.11.2013.

Ivan Colling el Brazilo. La interparolo kun nia brazila aŭskultanto rilatas i.a. al liaj Interlingvistikaj Studoj en la Universitato de Poznano kaj prezentitaj dum Arkones-2013 du liaj prelegoj pri Stela Domo en Brazilo kaj Lajbnico, la temo de liaj apartaj esploroj. El la elsendo 12.11.2013.

Ilona Kouthny el Pollando kaj Carina Pereira el Brazilo. La temo de la  renkontiĝo estas la interparolo kun Ilona Kouthny i.a. pri sukcese komenciĝinta en septembro ĉe la Lingvistikaj Studoj de la Poznana Universitato – Instruista Trejnado. Sekvas ĝin mallonga opiniinterŝanĝo kun unu el 12 partoprenantoj de la trejnado veninta el San Paulo, Brazilo. El la elsendo 05.11.2013.

Edmond kaj Arlette Plutniak el Francio. La renkontiĝo kun niaj malnovaj aŭskultantoj kaj geamikoj dum la hispana Semajno de Kulturo kaj Turismo en Lloret de Mar estis la okazo ne sole dividi la impresojn pri ĉi tiu surpriza renkonto. Ni parolas i.a. pri ilia E-laboro en Arras, preparoj al la 100-a UK en Lille kaj kompreneble pri niaj elsendoj. La plej aktuala temo estas la proksimiĝanta  25-a semajnfina Eŭropa Rendevuo en Stella Plaĝe, Jen ligilo al la retejo de  Arras Esperanto (http://arras-esperanto.fr/). El la elsendo 29.10.2013.

Edward Kozyra el Pollando. Edward Kozyra estas unu el la vicprezidantoj de la Asocio EDE-Pollando – https://www.e-d-e.org/-PL-Pollando-. Ni interparolas pri la kreiĝo de la asocio, la pola parlamenta grupo subtenanta Esperanton en la  pola  Senato kaj daŭranta kampanjo cele enskribon de Esperanto sur la liston de la Pola Kulturheredaĵo. El la elsendo 25.10.2013.

Luis Serrano Pérez kaj Antonio Martinez el Hispanio. Kun Luis kaj Antonio ni interparolas pri la nunjara 21-a Internacia Semajno de Kulturo kaj Turismo en Lloret de Mar de jaroj organizata de Barcelona E-Grupo. La nunjara distingito de la premio Ada Fighiera-Sikorska fariĝis Alicja Lewanderska-Quednau. Venontjare ĝi estos atribuita la 10-an fojon dum aranĝo okazonta sude de Barcelono. El la elsendo 15.10.2013.

Antoni Beyga el Pollando. Antoni Beyga estas ne nur nia aŭskultanto, utiliganta en sia informa agado niajn E-elsendojn. Li kapablis kaj daŭre kapablas diversmedie paroli konvinke pri Esperanto, sendepende ĉu temas pri infanoj kaj gejunuloj aŭ ĉu pri respondeculoj de la regionaj administraj aŭtoritatoj. Ĉi-semajne (11.10.2013) li estas la antaŭmikrofona gasto de nia Leterkesto.

Dominika Krajeńska el Pollando. La plej juna esperantistino partopreninta la nunjaran eldonon de ARKONES en mallonga antaŭmikrofona renkontiĝo klarigas la motivojn de sia interesiĝo, la jamajn E-kontaktojn. Rilate niajn E-elsendon ŝi sincere konfesas la deziron aŭdi pli da E-muziko kaj literaturaĵojn. El la elsendo 08.10.2013,