Antaŭ la mikrofono
Kun Lidia Ligęza – proksimigi la polan poezion al la mondo
Interparolo kun pola poetino kaj tradukistino de la pola poezio en Esperanton, Lidia Ligęza. Ŝi prezentas iun el siaj tradukoj de poeziaĵoj pri Krakovo, ja ni renkontiĝis okaze de la 33-aj E-Tagoj de tiu urbo. Ni parolas ankaŭ pri ŝia tradukista laboro.
El la elsendo 25.06.2022. Interparolas red. Barbara Pietrzak – 12’50”
La 33-aj E-Tagoj en Krakovo
Hodiaŭ ni prezentas etan raporton kun du sondokumentoj pri la okazintaj lastsemajnfine 33-aj Krakovaj E-Tagoj. Antaŭ nia mikrofono gastas Kinga Gierula-Mirocha, kiu ligas al sia prelego pri graveco de aloo en nia sancela vivo kaj Piotr Karcz, unu el studentoj de interlingvistikaj studoj en Poznano, por kiu tamen la Tagoj estis la unua iom granda e-ista evento.
El la elsendo 10.06.2022. Prilaboris red. Barbara Pietrzak -11’31”
Kun junulara aktivulo el Varsovio, Kamil Getka
Hodiaŭ ni interparolas kun juna varsovia esperantisto Kamil Getka, eksa estrarano de Pola E-Junularo, studinto ĉe la Instruista Trejnado de la Interlingvistikaj Studoj en Poznano, nun enĝaĝita ŝakisto kaj ŝakinstruktoro.
El la elsendo 25.05.2022. Interparolis red. Barbara Pietrzak – 07’00”
Post la kanonizo de Tito Brandsma, ankaŭ aktiva esperantisto
Lastdimanĉe inter la sanktuloj de la Rom-katolika Eklezio estis proklamita la karmelana sacerdoto el Nederlando Tito Brandsma. Tiu ĉi religiulo, filozofo, akademia instruisto, ĵurnalisto, eklezia asistanto de katolikaj periodaĵoj estis ankaŭ dum sia vivo ĝis la martira morto en Dachau aktiva esperantisto. Tio estas la okazo interparoli antaŭmikrofone kun Marija Belošević, la prezidantino de IKUE – Internacia Katolika Unuiĝo Esperantista.
El la elsendo 20.05.2022. Interparolas red. Barbara Pietrzak – 16′ 17”
Interparolo kun Ilia Dewi
Hodiaŭ ni gastigas antaŭ nia mikrofono Ilia Dewi, la prezidantinon de la Indonezia E-Asocio, kun kiu ni interparolas pri la plej gravaj defioj, kiujn frontas la movado formale kreiĝinta en 2013 dum la 1-a Kongreso de indoneziaj esperantistoj. Pri avantaĝoj, kiujn portis retaj zoom-kontaktoj en tiu vasta lando.
El la elsendo 05.05.2022. Interparolas red. Barbara Pietrzak – 10′ 28”
Interparolo kun Maciej Jaskot pri helpo por ukainaj rifuĝintoj
Hodiaŭ en interparolo kun d-ro Maciej Jaskot ni fokusiĝas pri lia helpo – kaj helpo de liaj kolegoj el Eŭropa Kolegio – portata al la ukrainaj rifuĝintoj en Pollando.
El la elsendo 25.04.2022. Kun d-ro Maciej Jaskot interparolas red. Barbara Pietrzak – 12’56”
Interparolo kun Tobiasz Kaźmierski
Nia antaŭmikrofona gasto estas Tobiasz Kaźmierski, kun kiu ni parolas pri milito en Ukrainio, aparte pri lia engaĝiĝo ĉi-rilata i.a. kiel stiristo de ambulanco en nederlanda helpkonvojo kaj aventuro, en kiu senavaran helpon donis esperantistoj el Herzberg.
El la elsendo 01.04.2022 – 10′ 04″
Interparolo kun Jarek Parzyszek
Ni renkontiĝas antaŭmikrofone kun konata pola esperantisto, Jarek Parzyszek el PSEK, Pola Studenta E-Komitato kiu antaŭnelonge (15.02.1022) solenis la 50-an datrevenon de sia kreiĝo.
El la elsendo 08.03.2022 – 13′ 45″
Interparolo kun prof. Ilona Koutny
Nia antaŭmikrofona gasto estas prof. Ilona Koutny gvidanta Interlingvistikajn Studojn en Poznano. La temo de nia interparolo estas i.a. ilia ĵus finiĝinta virtuala februara sesio.
El la elsendo 15.02.2022 – 13′ 00″
Interparolo kun Katalin Kovats
Lige kun la nunjara Internacia Tago de Edukado antaŭ nia mikrofono gastas Katalin Kovats el edukado.net por iom retririgardi al la funkciado de la retejo lige kun ĝia 20-jariĝo, grandaj planoj renovigi ĝin, la atinaĵoj de edukado.net de la lasta jaro kaj defiaj taskoj, kiujn la retejo frontas.
El la elsendo 25.01.2022 – 15′ 26″