Antaŭ la mikrofono
Botanika terminaro
Dum la aŭtuna ARKONES Irek Bobrzak prezentis prelegon pri E-terminologio rilate plantojn kaj botanikon. Tiu temo, kaj la vojo, kiu kondukis lin de ĝardenumado ĝis terminologio estas la temo de nia antaŭmikrofona renkontiĝo.
Interparolis redaktorino Barbara Pietzak
El la elsendo 20.11.2024 -13′ 19″
Kun profesorino Sabine Fiedler, la prezidanto de GIL
En la hodiaŭa programo ni gastigas antaŭmikrofone profesorinon Sabine Fiedler, kiu ĉi-foje kiel la prezidanto de GIL, Societo pri Interlingvistiko informas nin pri ĝia agado kaj ĝia nunjara konferenco en novembro. Ni krome ekscias pri ŝia rete konsultebla libro “Esperanto – Lingua Franca and Language Community” kiun ŝi kunaŭtoras kun Cyril Brosch.
Interparolis redaktorino Barbara Pietrzak
El la elsendo 15.11.2024 – 09′ 55″
La arkivaĵoj de Lucien Péraire
Hieraŭ estis lanĉita en Parizo arkivejo dediĉita al la bicikla veturo de Lucien Péraire kadre de la projekto Savespero. Lime de la 20-aj kaj 30-aj jaroj li entreprenis eksterordinaran biciklan veturon tra Eŭropo, Sovetunio, Manĝurio, Japanio, la suda Ĉinio, Indoĉinio kaj Indonezio por i.a. kompreni la militkaŭzojn. Pri li kaj lasitaj de li arkivaĵoj ni interparolis kun Pascal Dubourg Glatigny dum ARKONES, kaj tiun interparolon ni prezentas en nia hodiaŭa elsendo. Jen la adreso de la retejo: https://peraire.huma-num.fr/.
Interparolis redaktorino Barbara Pietrzak
El la elsendo 05.11.2024 – 14′ 59″
Intervjuo kun prof-ino Sabine Fiedler retrorigarde al la Lingvista Kongreso en Poznano
Antaŭ nia mikrofono gastas profesorino Sabine Fiedler, kiu en la donita al ni intervjuo aferkerne retrorigardas al la aŭtuna Lingvista Kongreso en Poznano, kadre de kiu okazis speciala sekcio pri interlingvistiko. Ŝi dividas kun ni siajn opiniojn pri la nuna stato de Interlingvistiko kaj Esperantologio, akcentante la signifon de universitataj studoj pri ĉi tiuj fakoj.
Interparolis redaktorino Barbara Pietrzak
El elsendo 30.10.2024 – 12′ 34″
Kun Ana Alebić-Juretić pri la esploroj faritaj lige kun sia diplomlaboraĵo
Ni gastigas hodiaŭ Ana Alebić-Juretić el Kroatio la diplomiĝinton de la Interlingvitikaj Studoj en Poznano kaj partopreninton de la tiea septembra Lingvistika Kongreso. Ŝi rakontas pri la esploroj faritaj lige kun sia diplomlaboraĵo, kiujn ŝi prezentis ankaŭ en la kongresa sekcio pri historia lingvistiko.
Interparolis redaktorino Barbara Pietrzak
El la elsendo 25.10.2024 – 07′ 52″
Kun Peter Baláž pri KAEST 2024
Hodiaŭ antaŭ nia mikrofono ni gastigas Peter Baláž, kiu en la nomo de E@I estas la organizanto de KAEST 2024, Konferenco pri Aplikoj de Esperanto en Scienco kaj Tekniko. Ĉi-jare ĝi estas dediĉita al la temo “Esperanto kaj lingvolernado en la epoko de artefarita intelekto kaj virtuala realo”. Ni ekscias iom pri KAEST-origino kaj historio kaj la nunjara programo en kiu troviĝos ankaŭ multaj aliaj, ekstertemaj prelegoj kaj programeroj.
Interparolis redaktorino Barbara Pietrzak
El la elsendo 20.10.2024 – 08′ 55″
Kun Ilona Koutny emerita profesoro de Adam Mickiewicz-universitato en Poznano
Denove antaŭ nia mikrofono gastas Ilona Koutny el A. Mickiewicz-universitato en Poznano, sed ĉi-foje jam – post la solena adiaŭo – kiel profesoro-emerito. Ŝi rakontas al ni pri siaj aktualaj laboroj en Poznano, pri speciala omaĝa evento okazonta la 18-an de oktobro en Budapeŝto honore al prof. Szerdahelyi, pri la planoj daŭrigi interlingvistikajn studojn kunlabore kun profesoro Dols, pri siaj pridokumentaj planoj i.a. rilate la poznanan Interlingvistikan Sekcion kadre de Lingvistika Kongreso;
Interparolis redaktorino Barbara Pietrzak
El la elsendo 15.10.2024 – 11′ 46″
UEA preta al serva kunlaboro
En la interparolo kun Duncan Charters, la prezidanto de UEA ni referencas al la Simpozio pri handikapabloj okazinta dum la pariza paraolimpiko, al kiu kontribuon alportis ankaŭ UEA unuavice kiel servopreta kunlaboranto.
Interparolis redaktorino Barbara Pietrzak
El elsendo 10.10.2024 – 05′ 39″
Kio nova en Bjalistoko
Hodiaŭ ni proponas la antaŭmikrofonan interparolon kun la prezidanto de Bjalistoka E-Societo, Przemek Wierzbowski. Ni referencas al la plej nova kaj malnova ZEO-oj en la naskiĝurbo de Zamenhof. Ni parolas pri la nova E-volontulo memorigante la longdaŭran tradicion de la E-volontulado en la urbo kaj aludas al la plej nova projekto, kiun BES kunordigas, dediĉita al rifuĝintoj. BES-prezidanto invitas por la nunjaraj Zamenhof-tagoj 13-15.12.2024
Interparolis redaktorino Barbara Pietrzak
El la elsendo 05.10.2024 – 10′ 33″
Kun prof. Nicolau Dols post la Kongreso de Lingvistoj
Nia hodiaŭa antaŭmikrofona gasto estas profesoro Nicolau Dols, kiu dum la Interlingvistika Sekcio de la Kongreso de Lingvistoj en Poznano analizis konverĝajn kaj diverĝajn tendencojn en Esperanto surbaze de la Tekstaro. Nia interparolo rilatas al tiu temo, krome al la lasta ekzamena sesio de Interlingvistikaj Studoj. Fine ni interparolas pri lia kontribuo al Arkones-2024. Dum ĝi li deklamis en Esperanto kaj en la kataluna lingvo la poeziaĵon „La pino de Formentor”. Tiun deklamadon li ripetis speciale por niaj aŭskultantoj.
Interparolis redaktorino Barbara Pietrzak
El la elsendo 25.05.2024 – 12′ 35″