Antaŭ la mikrofono

La lasta Arkones denove estis la okazo por renkontiĝi i.a. kun studentoj kaj prelegantoj de la Interlingvistikaj Studoj en Poznano. Kun Věra Barandovská-Frank el Germanio, kunlaboranta kun Ilona Kouthny kaj A. Mickiewicz-Universitato ekde la komenco ni interparolas pri la aŭtuna sesio kaj talentaj studenoj. El la elsendo 13.10.2015

Kun Tobiasz Każmierski el Pollando/Nederlando ni retrorigardas al la programo de la nunjara eldono de ARKONES-2015 kun specimena prezento de la pola kanzono de Seweryn Krajewski kaj la grupo Ruĝaj Gitaroj el la koncerta programo de Ĵomart kaj Nataŝa. El la elsendo 02.10.2015

Kun doktorino Ilona Kouthny ni retrorgardas al la aŭtuna sesio de la Interlingvistikaj Studoj en Poznano, kiujn partoprenis 20 studentoj el diversaj landoj – kelkfoje kontribuinte al la programo de Artaj Konfrontoj en Esperanto, ARKONES. El la elsendo 29.09.2015

Kun Małgosia Komarnicka ni interparolas pri la planata por la venonta jaro evento Kultura E-Semajno, okazonta pararale kun IJK en Vroclavo, kiam tiu ĉi tiu urbo estos Eŭropa Ĉefurbo de Eŭropo. Pli da atento ni donas al la sukcesa rolado de nia interparolantino en la spektaklo “Ursula” kiu furoris dum la Lilla UK kaj baldaŭ rigardos ĝin partoprenantoj de ARKONES 2015 (25-27.09.2015). El la elsendo 19.09.2015

Kun Petro Baláž el Slovakio,  ni interparolas pri la finiĝinta lastĵaŭde (10.09.2015) grava evento en la centra-orienta Eŭropo, kiu la 25-an fojon venigis politikistojn, ekonomikiistojn, ekspertojn, homojn de la kultura mondo kaj ĵurnalistojn al la sudpola kuracloko Krynica. De 10 jaroj laŭvice sian standon kadre de la Ekonomia Forumo, kiel la unusola neregistara organizo havas Eŭropa E-Unio dank’ al la subteno i.a. de UEA kaj ESF. El la elsendo 13.09.2015

Kun d-ro Maciej Jaskot ni interparolas pri lia lastsemestra universitata laborgrupo pri konstruataj lingvoj kaj pliaj planoj por trakti la temon en liaj okupoj kun  studentoj. El la elsendo 08.09.2015

Tradicie en la kongresa programo Kleriga Lundo eblis konatiĝi kaj kleriĝi pri la plej diversaj temoj. La unuan temblokon malfermis la programero de Tali Wandel pri Eŭritmio. Enkondukon al la temo scivolemuloj povis trovi en la 1-a numero de la Kongresa Numero. „Kiel eblas kultivi vian aŭskultadon kaj komunikadon inter si mem, grupo da homoj kaj la mondo samtempe? Tra prelego kaj fizika praktiko de la movoarto eŭritmio, ni esploru kiel estado de la diversaj artoj kultivas la arton esti homo kune kaj la unika individuo, kiu ĉiu el ni estas. Eŭritmio estas movoarto, kiu videbligas la paroladon kaj kantadon”. Pri tiu temo kun Tali Wandel interparolis Milada Szwedo. El la elsendo 25.08.2015

D-ro Maciej Jaskot  laboras en la unusola pola altlerneja grupo pri la reformo de la Europa Referenckadro rilate la lernadon de la fremdaj lingvoj. Ĝiaj ĝisnunaj  kaj septembraj taskoj estas la temo de nia interparolo. El la elsendo 18.08.2015

Dum la Lilla UK estis aparta okazo interparoli kun Ursula Grattapaglia pri ege sukcesa spektaklo “Ursula” kreiĝinta i.a. baze de libro de Roman Dobrzyński “Bona Espero – idealo kaj realo” kaj pri la nuna situacio en Bona Espero. El la elsendo 11.08.2015

La 4-an de aŭgusto, jam post la 100-a UK en Lillo, sed en la unua postkongresa raporto el Varsovio ni proponas emociigan sonscenon el la Solena Fermo okazinta la 1-an de aŭgusto. El la elsendo 04.08.2015