Antaŭ la mikrofono
Interparolo kun Bertilo Wennengren
En nia hodiaŭa elsendo antaŭmikrofone gastas la nunjara distingito per la premio de Grabowski-fondaĵo, Bertilo Wennengren.
El la elsendo 22.09.2020 – 13′ 58″
Interparolo kun Zlatko Tišljar
La 8-an de septembro 2020 la E-komunumon skuis la informo pri la forpaso de konata E-aktivulo, Zlatko Tišljar. En nia elsendo ni i.a. memorigas la historian intervjuon kun li, preskaŭ tuj post kiam li fariĝis estrarano de Eŭropa Esperanto-Unio dum ĝia kongreso en Bilbao en 2004. La ĉefa temo estas la unia identeco, kun kiu devus esti ligita neŭtrala lingvo, al kiu temo nia interparolanto jam tiam donis multan atenton.
El la elsendo 11.09.2020 -11′ 53″
Forpaso de Zlatko Tišljar
La 8-an de septembro 2020 la E-komunumon skuis la informo pri la forpaso de konata E-aktivulo, Zlatko Tišljar. En nia elsendo ni i.a. memorigas la historian intervjuon kun li faritan preskaŭ tuj post kiam li fariĝis estrarano de Eŭropa Esperanto-Unio dum ĝia kongreso en Bilbao en 2004.
El la elsendo 11.09.2020 – 11′ 53″
Interparolo kun William Auld (1987)
El la arkivo de Pola Radio ni memorigas interparolon kun William Auld pri E-kulturo el 1987 kunlige kun lia 14-a mortodatreveno pasonta la 11-an de septembro 2020.
El la elsendo 01.09.2020 – 8′ 06″
Interparolo kun prof. Tonkin – parto 3
En la tria parto de intervjuo profesoro Humphrey Tonkin, la Honora Prezidanto de UEA rilatigas sin al siaj interesiĝoj pri la E-kulturo kaj al aktualaj prioritatoj en sia nuna E-aktivado. El la elsendo 21.08.2020 – 8’35”
Interparolo kun prof. Tonkin – parto 2
Denove ni proponas renkontiĝi antaŭmikrofone kun profesoro Humphrey Tonkin, la elektita de la Virtuala Kongreso, Honora Prezidanto de UEA. Ĉi foje nia gasto parolas pri kelkaj aspektoj de sia E-komunuma laboro jam kiel prezidanto de UEA. El la elsendo 18.08.2020
Interparolo kun prof. Tonkin – parto 1
La antaŭmikrofona gasto de nia elsendo estas prof. Humphrey Tonkin dum la finiĝinta lastsabate Virtuala Kongreso elektita kiel Honora Prezidanto de Universala E-Asocio. En la unua parto de nia liberetosa interparolo nia gasto referencas al sia esperantisteco kaj la komencoj de sia aktivado en la landa, brita junulara movado, sekve en TEJO-agado. El la elsendo 14.08.2020 – 10’48”
Fernando Maia pri la Virtuala Kongreso
Nia hodiaŭa elsendo sojlas la morgaŭan inaŭguron de la Virtuala Kongreso https://vk.mondafest.net/. Hodiaŭ posttagmeze ni interparolis kun vicprezidanto de UEA, Fernando Maia pri kelkaj teknikaj detaloj ligitaj kun ĝi. El la elsendo 31.07.2020 – 5’24”
Interparolo kun Leandro Abrahão pri la Oratora Konkurso
Hodiaŭ kun nia antaŭmikrofona gasto Leandro Abrahão el Brazilo ni interparolas pri la Oratora Konkurso-2020 okazonta kadre de Virtuala Kongreso. El la elsendo 17.07.2020 – 6’29”
Leandro Abrahão pri parolarto
Kun la temo de parolarto, la kulturo de la parolata lingvo estas ligita interparolo kun nia antaŭmikrofona gasto Leandro Abrahão el Brazilo, kun kiu ni interparolas pri lia ĉi-kampa laboro en Brazilo kaj nun ankaŭ en la E-komunumo. Lia grupo „Lasu min prezenti plu” troviĝas jam en Telegramo, kaj nun li invitas por la premiera Internacia Parolarta Trejnado, al kiu eblas aliĝi ĝis la 24-a de julio ĉe la adreso: https://forlaflatado.com/ipt/. El la elsendo 15.07.2020 – 13’46”