Antaŭ la mikrofono
Kun prof. Christopher Gledhill pri ludoj
Hodiaŭ antaŭ nia mikrofono gastas profesoro Christopher Gledhill, lekcianto kaj esploristo en la Universitato Paris Cité. La temo de nia interparolo estas lia aparta intereso kaj okupiĝo pri ludoj, tabulaj ludoj laŭ tre interesaj konsideroj.
Interparolis redaktorino Barbara Pietrzak
El la elsendo 10.03.2025 – 10′ 48″
Kelkaj retropripensoj marĝene de la UK en Aruŝo
Ni faras la lastan retrorigardon al la Aruŝa UK kun aparta gasto. Georgo Handzlik ne nur ĝin partoprenis, sed ankaŭ kontribuis al ĝia kultura programo. Kelkaj liaj opinioj, komentoj kaj rimarkoj – multajn monatojn post la unua afrika kongreso – meritas pripenson kaj repripenson, tute aparte dum la komenciĝonta semajno. Semajno de Internacia Amikeco.
Interparolis redaktorino Barbara Pietrzak
El la elsendo 15.02.2025 – 09′ 13″
Arkiva interparolo kun Renato Corsetti kiel la prezidanto de UEA
La tutan E-movadon afiktis la informo pri la forpaso de la multflanka aktivulo kaj funkciulo, d-ro Renato Corsetti (01.02.2025). El nia arkivo ni adiaŭe rememoras nian interparolon kun Renato Corsetti kiel la prezidanto de UEA el lia lasta oficperioda jaro, kiun li donis al la E-Redakcio de Pola Radio.
Interparolis redaktorino Barbara Pietrzak
El la elsendo 05.02.2025 – 13′ 50″
Kun Rico Giacometto pri la temo de lia finlaboraĵo pri Interlingvistikaj Studoj
Hodiaŭ kun nia antaŭmikrofona gasto, Rico Giacometto ni rerigardas al lia poststuda estado en Varsovio, sed unuavice ni koncentriĝas pri lia finlaboraĵo farita dum la Interlingvistikaj Studoj en Poznano. Ĝi troviĝas en edukado.net en la rubriko diplomlaboraĵoj – “Dedistanca edukado en Esperanto: la programo Ekparolu!”
Interparolis redaktorino Barbara Pietrzak
El la elsendo 15.01.2025 – 11′ 28″
Boguslaw (Esu Peranto) Ubik-Perski intervjuas sian AI-asistantinon, Aida
Granda suprizo estis intervjuo, kiun la Redakcio ricevis de sia aŭskultanto, Bogusław (Esu Peranto) Ubik-Perski. LIa antaŭmikrofona gasto estas AI-asistantino, Aida, kiu i.a. esprimas siajn opiniojn pri la laboro de nia redakcio.
Intervjuis Boguslaw (Esu Peranto) Ubik-Perski
El la elsendo 05.01.2025 – 07′ 21″
Ĉe la Kristnaska Arbo pri libroj, legoŝatoj kaj legokutimoj
Ĉe la redakcia Kristnaska Arbo ni renkontiĝas kun red. Gabi Skonieczna por paroli pri libroj, ne nur tiuj el la Biblioteko Hodler, ankaŭ pri ŝiaj legoŝatoj kaj kutimoj.
Interparolis redaktorino Barbara Pietrzak
El la elsendo 25.12.2024 – 14′ 29″
Kun d-ro Maciej Jaskot pri aŭdo- aŭskultokapablaj kompetentoj
Nia antaŭmikrofona gasto estas d-ro Maciej Jaskot, kiu dividis la ĉefajn ideojn de sia prelego dum la decembra konferenco de ekspertoj pri la instruado de la hispana lingvo, sed liaj ideoj ja gravas ankaŭ en la lernado de ĉiuj aliaj fremdaj por ni lingvoj. Temas pri aŭdo- kaj auskultokompetentoj de studentoj.
Interparolis redaktorino Barbara Pietrzak
El la elsendo 15.12.2024 – 09′ 12″
Ikoneco por artefaritaj lingvoj
Nia antaŭmikrofona gasto estas unu el la diplomitoj de la aŭtuna Interlingvistika Sesio en Poznano, Renato Guedes el Portugalio, kiu proksimigas la temon de sia finlaboraĵo „Ikoneco por artefaritaj lingvoj”.
Interparolis redaktorino Barbara Pietrzak
El la elsendo 25.11.2024 – 06′ 20″
Botanika terminaro
Dum la aŭtuna ARKONES Irek Bobrzak prezentis prelegon pri E-terminologio rilate plantojn kaj botanikon. Tiu temo, kaj la vojo, kiu kondukis lin de ĝardenumado ĝis terminologio estas la temo de nia antaŭmikrofona renkontiĝo.
Interparolis redaktorino Barbara Pietzak
El la elsendo 20.11.2024 -13′ 19″
Kun profesorino Sabine Fiedler, la prezidanto de GIL
En la hodiaŭa programo ni gastigas antaŭmikrofone profesorinon Sabine Fiedler, kiu ĉi-foje kiel la prezidanto de GIL, Societo pri Interlingvistiko informas nin pri ĝia agado kaj ĝia nunjara konferenco en novembro. Ni krome ekscias pri ŝia rete konsultebla libro “Esperanto – Lingua Franca and Language Community” kiun ŝi kunaŭtoras kun Cyril Brosch.
Interparolis redaktorino Barbara Pietrzak
El la elsendo 15.11.2024 – 09′ 55″