Antaŭ la mikrofono
interparolo kun Przemysław Wierzbowski (septembro, 2021)
Septembro 2021 komencas multloke novan laborjaron post la feria paŭzo. Bjalistoko komencas ĝin literatureme, pri kio ni interparolas kun Przemysław Wierzbowski, la prezidanto de Bjalistoka E-Societo.
El la elsendo 01.09.2021 – 10′ 35″
Interparolo kun Georgo Nanovfszky
UEA informis per sia N-ro 975 (2021-08-14) pri la forpaso de sia Honora Membro, ambasadoro NANOVFSZKY György. Georgon Nanovfszky nia redakcio gastigis antaŭ la mikrofono en 2003 kadre de la UK de Eo en Gotenburgo. Tiam ni havis la okazon ekscii iom pri liaj ligoj kun Pollando kun poloj. Ni parolis ankaŭ pri lia diplomatia laboro.
El la elsendo 17.08.2021 – 8′ 19
Interparolo kun Duncan Charters
Ni prezentas la kerman parton de la malferma parolado de UEA-prezidanto, Duncan Charters dum la inaŭguro de la Viirtuala Kongreso de Esperanto, la 17-an de julio 2021.
El la elsendo 17.07.2021 -11′ 32″
Interaparolo kun Fernando Maia
La Virtuala Kongreso, VK-2 proksimiĝas. En tiu kunteksto ni gastigas antaŭ nia mikrofono la vicprezidanton de UEA, Fernando Maia parolante kaj informante pri la kongreso kaj ties unuopaj programeroj, pri la daŭra aliĝebleco pere de https://vk.esperanto.net/.
El la elsendo 13.07.2021 – 12′ 34″
Interparolo kun Tsvi Sadan
Hodiaŭ ni proponas interparolon el nia arkivo de antaŭ 10 jaroj kun profesoro Tsvi Sadan. Ĝi koncernas lian AIS-kurson dum la Kopenhaga UK pri la temo „La reviviĝo de la hebrea sen mitoj”.
El la elsendo 06.07.2021 -12′ 11″
Interparolo kun Yves Nevelsteen
La antaŭmikrofona gasto de nia programo estas Yves Nevelsteen kun kiu ni interparolas pri la projekto por 300 000 artikoloj en Vikipedio ĝis julio 2021
El la elsendo 08.06.2021 – 12’25”
Interparolo kun Krystyna Grochocka
Antaŭ nia mikrofono gastas nia redakcia kolegino, Krystyna Grochocka, kun kiu ni interparolas pri ŝia finlaboraĵo dediĉita al E-Sumoo (http://www.esperanto-sumoo.pl/) skribita post ŝia partopreno en la instruista trejnado en Poznano.
El la elsendo 25.05.2021 – 7′ 10″
Interparolo kun prof. Aleksander Melnikow
En nia hodiaŭa marda elsendo ni proponas arkivan interparolon kun prof. Aleksander Melnikow el Rusio pri lia prelego dediĉita al la temo: E-etno, E-komunumo, E-identeco. Li prezentis ĝin dum la Lingvistika Simpozio en Poznano 2008.
El la elsendo 18.05.2021- 13′ 17″
Interparolo kun Roman Dobrzyński
El nia arkivo ni memorigas la interparolon kun Roman Dobrzyński pri kontaktoj de Pablo Picasso kun Pollando, aparte en la kunteksto de la pentrita de li en Varsovio Sireneto, la simbolo de la pola ĉefurbo. (La interparolo estis originale elsendita en 1993.)
El la elsendo 04.05.2021 – 11′ 44″
Interparolo kun Miguel Gutiérrez Adúriz (aprilo, 2021)
En la hodiaŭa elsendo ni proponis la antaŭmikrofonan renkontiĝon kun la sekretario de la Belartaj Konkursoj, Miguel Gutiérrez Adúriz. La intervjuo i.a. memorigas pri la finiĝanta aliĝperiodo al la nunjara eldono de la konkursoj kaj alportas la informon pri nova eldonaĵo de la belarta konkurso dediĉita al la premiitaj ĝis nun mininoveloj.
El la elsendo 27.04.2021 – 9′ 36″