Antaŭ la mikrofono
Interparolo kun Stela Besenyei-Merger
Nia antaŭmikrofona gasto estas la renkontita dum la 110-a UK en Brno Stela Besenyei-Merger, laŭreatino de la unua Maertens-premio pro siaj originalaj, inspiraj kaj plurflankaj kontribuoj al la organiza kaj kultura vivo de la Esperanto-movado. Ni interparolas kun ŝi pri diversaj facetoj de ŝia aktivado i.a. esploroj pri denaskuloj en la E-komunumo, Bobelarto kaj ŝia plej nova projekto, podkasto „Radikala Tenero”.
Interpaprolis red. Barbara Pietrzak
El la elsendo 30.08.2025 -14′ 18″
Redakcie pri dorlotbestoj, unuavice hundoj
Nian hodiaŭan redakcian interparolon de red-inoj Barbara Pietrzak kaj Gabi Kosiarska ni dediĉas al dorlotbestoj, unuavice hundoj. Kaj la temon spronis ĵus katalogita en la Pola Nacia Biblioteko libro el Hector Hodler kolekto „Bela Joe” de Margaret Marshall Saunders, opiniata klasikaĵo de E-literaturo.
El la elsendo 20.08.2025 – 12’56”
Daŭra fokuso al la Azia E-movado en la estraro de UEA
Hodiaŭ nia antaŭmikrofona gasto estas SO Jinsu, la estrarano de UEA, respondeca pri la Azia E-movado nun rekandidatiĝanta por la nova oficperiodo. Nia interparolo koncentriĝas pri la faritaj taskoj, liaj realigitaj kaj nerealgitaj planoj kaj planoj celotaj, se li eniros la konsiston de UEA-estraro en elektoj dum UK en Brno.
Interparolis redaktorino Barbara Pietrzak
El la elsendo 20.07.2025 – 10′ 37″
Redakcie pri la civitana buĝeto en Pollando
En la antaŭmikrofona renkontiĝo kun red. Gabi Kosiarska ni interparolas pri la t.n. civitana buĝeto, tio estas procedura mekanismo dank’ al kiu mezaj civitanoj mem decidas pri la destino de parto de buĝetaj rimedoj de sia urbo aŭ komunumo por konkretaj projektoj. Gabi jam delonge aktive engaĝiĝas en ĉi tiun agadon, do ni aŭdos i.a. pri ŝiaj tiurilataj spertoj
Interparolis red-inoj Barbara Petrzak kaj Gabi Kosiarska
El la elsendo 10.07.2025 – 12′ 30″
Kun la prezidanto de Litova E-Asocio, Povilas Jegorovas ne sole pri BET 59
Nia antaŭmikrofona gasto antaŭtage de Baltiaj E-Tagoj 59 estas prezidanto de Litova E-Asocio, Povilas Jegorovas. La temo ne estas sole la baldaŭ komenciĝonta evento en Kaunas, sed ankaŭ preparoj de LEA por inviti UK-on al ĉi tiu urbo kaj la demando ĉu Esperanton eblus kalkuli kiel kulturan heredaĵon de Litovio.
Interparolis redaktorino Barbara Pietrzak
El la elsendo 05.07.2025 – 06′ 52″
El la Kansaja E-Kongreso
La prezidantino de la Japana E-Instituto, Ikuko Katagawa raportas rekte el la Kansaja E-kongreso. Ŝiaj interparolantoj estas s-ino Fujii Yumiko, s-ro Nakashima Toshihiko kaj s-ino Teramoto Motoko; Venas invito por septembraj kongresoj en Okayama: https://www.jei.or.jp/eo/aok2025.
Raportis Ikuko Kitagawa el Japanio
El la elsendo 30.06.2025 – 02′ 30″
Kun Maria Niemyjska, la estro de la Podlaĥia E-Libraro en Bjalistoko
Nia antaŭmikrofona gasto estas hodiaŭ Maria Niemyjska el la Podlaĥia E-Libraro en Bjalistoko kun kiu ni interparolas i.a. pri la nunjara 15-a literatura konkurso „Esperanto ligas homojn” por rakonto pri la temo Perditaj en la reto https://espero.bialystok.pl/eo/15-a-literatura-konkurso-esperanto-ligas-homojn/?v=288404204e3d
Interparolis redaktorino Barbara Pietrzak
El la elsendo 30.06.2025 – 06′ 10″
Infanaj libroj el katalogata kolekto Hector Hodler
En la redakcia interparolo kun Gabi Skonieczna ni traktas librojn por infanoj kaj junularo, kiujn ŝi laste foliumis katalogante kolekton Hector Hodler por la Pola Nacia Biblioteko.
Interparolas red-inoj Barbara Pietrzak kaj Gabriela Skoniecza
El la elsendo 25.06.2025 – 12′ 40″
El nia arkivo – kun François Lo Jacomo pri edukado de E-infanoj
Konsiderante la tutan junion kiel monaton, en kiu nia atento fokusiĝas ĉirkaŭ infanoj, el nia arkivo ni memorigas interparolon kun François Lo Jacomo el 2004 pri edukado de E-infanoj.
Interparolis redaktorino Barbara Pietrzak
El la elsendo 05.06.2025 – 06′ 10″
Kun Georgo Handzlik ne sole pri lia rolo Bardo sen barbo
Post kelka tempo denove antaŭ nia mikrofono gastas Bardo sen barbo t.e. Georgo Handzlik, E-kantaŭtoro, aktoro, eldonisto. Hodiaŭ tamen la temo de la interparolo superas la E-komunuman kadron kaj ni ekscias iom pli pri lia laboro kiel manaĝero kaj posedanto de lokaj radiostacioj en Bielsko-Biała.
Interparolis redaktorino Barbara Pietrzak
El la elsendo 10.04.2025 – 11′ 56″