Antaŭ la mikrofono
Teresa Nemere pri sia laboro en la Etnografia Muzeo de Toruń
La 1-an de decembro forpasis konata pola esperantistino el Toruń, Teresa Nemere. En sia laboro en la tiea Etnografia Muzeo ŝi kreis i.a. spacon por kunlaboro pri folkloraj temoj, en kiu la pontan rolon ludis Esperanto. El nia arkivo ni prezentas fragmenton de intervjuo, kiun antaŭ multaj jaroj ŝi donis al nia redakcio ĝuste pri utiligo de Esperanto en sia profesia laboro.
El la arkivo de la E-Redakcio de Pola Radio
El la elsendo 05.12.2025 – 04′ 21″
La E-movado de UEA en Afriko
Nia antaŭmikrofona gasto estas Jérémie Sabiyumva, la laŭvican jam fojon estrarano de UEA respondeca pri aktivula maturigo kaj Afriko. Ĝuste E-movado en Afriko, kaj la unua UK en Tanzanio estas temo de nia antaŭmikrofona renkontiĝo.
Interparolis red. Barbara Pietrzak
El la elsendo 30.11.2025 – 09′ 59”
Kun la karmemora redaktoro Roman Dobrzyński
Nia elsendo el la 15.11.2025 grandparte estis dediĉita al la memoro de la forpasinta la 13-an de novembro 2025 konata pola esperantisto, Roman Dobrzyński. El nia arkivo ni memorigas ampleksan interparolon el 2006, faritan en la E-Redakcio de Pola Radio, post lia trimonata instruado de Esperanto en Ĉinio.
Interparolis red. Barbara Pietrzak
El la elsendo 15.11.2025 – 18′ 42″
D-ro Gabriel Beecham i.a. pri sia vojo al Esperanto
Antaŭ nia mikrofono gastas d-ro Gabriel Beecham renkontita dum la 110-a UK en Brno. Li rakontas pri sia esperantistigo, ni krome ekscias, ke la nuna prezidanto de BEA estas profesie kuracisto anestezisto. Kaj kompreneble ĝojigis nin la informo, ke ankaŭ al li niaj E-elsendoj el Varsovio ne estas nekonataj.
Interparolis red. Barbara Pietrzak
El la elsendo 10.11.2025 – 08′ 35″
Pri niaj elsendoj kun slovena aŭskultanto P. Grbec
En nia leterkesta programero (05.11.2025) – krom trakti aktualajn korespondaĵojn ni aŭdigisi mallongan interparolon kun nia slovena aŭskultanto, Peter Grbec renkontita en la 110a UK, kiu dividas siajn opiniojn pri niaj elsendoj.
Interparolis red. Barbara Pietrzak
El la elsendo 05.11.2025 – 03′ 57″
Intervjuo kun So Jinsu, la prezidanto de la Korea E-Asocio
Hodiaŭ nia antaŭmikrofona gasto estas So Jinsu, sed ĉi-foje en la rolo de la prezidanto de Korea E-Asocio. Kaj ĝuste atingaĵoj, problemoj kaj planoj, kiuj staras antaŭ la asocio, estas la temo de nia intervjuo farita dum lia somera vizito en Pollando.
Interparolis red. Barbara Pietrzak
El la elsendo 20.10.2025 – 13′ 38″
Dum la 110-a UK kun Rico Giacometto
La rerenkontita dum la 110-a UK en Brno Rico Giacometto en la interparolo kun nia redakcio dividas novaĵojn pri sia laboro en la Londona E-klubo, kun edukado.net kaj uea.facila.org. Ni ekscias iom ankaŭ pri pliaj aktivadoj, kiujn li planas.
Interparolis red. Barbara Pietrzak
El la elsendo 10.10.2025 – 09′ 03″
Ognian Kabranow, aŭskultanto el Usono
Dum la 110-a UK en Brno inter niaj tie renkontitaj aŭskultantoj troviĝis ankaŭ Ognian Kabranow el Usono. Antaŭ nia mikrofono li dividis siajn opiniojn pri la E-elsendoj de la Pola RetRadio, aparte en la kunteksto de la komencanta esperantisto. Li ankaŭ esprimas siajn dezirojn ligitajn kun la enhavo de la elsendoj.
Interparolis red. Barbara Pietrzak
El la elsendo 05.10.2025 – 08′ 38″
Pastro Roman Gmyrek invitas por Preĝotagoj en Częstochowa
Semajnfine, inter la 10-12-a de oktobro 2025 en la konata pola pilgrimloko okazos tradiciaj Preĝotagoj de esperantistoj. Pri tiu evento interparolas red. Maciej Jaskot kun animzorganto de polaj katolikaj esperantistoj, pastro Roman Gmyrek.
Interparolis red. Maciej Jaskot
El la elsendo 05.10.2025 – 02′ 29″
Kun Rakoen Maertens pri la Premio Grégoire Maertens
Laŭ informo de Michela Lipari perita en la nomo de la ĵurio „Premio Maertens” nunjare je unu monato pli longe, t.e. ĝis la 31-a de oktobro 2025 eblas prezenti kandidatojn por Maertens-premio 2026 (GK N-ro 1240). Pri la ideo de ĉi tiu premio kaj unua solena enmanigo dum la 110-a UK en Brno ni interparolas kun la nepo de la eksa prezidanto de UEA, Rakoen Maertens.
Interparolis red. Barbara Pietrzak
El la elsendo 30.09.2025 – 07′ 52″