Antaŭ la mikrofono

Kun d-ro Ulrich Lins  el Germanio  ni interparolas pri la historiaj eventoj de antaŭ 60 jaroj en Montevideo kaj pri la historia dokumentado en la E-komunumo. D-ro Lins estas la kun­redaktoro de la aperinta antaŭ 40 jaroj “Esperanto en Perspektivo” de Ivo Lapenna, enhavanta faktojn kaj­ analizojn pri la Internacia Lingvo. Ĝi i.a. registras faktojn gravajn por la nuna datrevena semajno, en kiu pasis la 60-a datreveno de la starigo de la konsultaj rilatojn inter UEA kaj Unesko kaj en kiu pasos la 60-jariĝo de la unua Unesko-rezolucio pri Esperanto el la 10. 12.1954. El la elsendo 09.12.2014.

Sonsceno pri la inaŭgura programero de la Malferma Tago de la CO de UEA en Rotterdamo la 29-an de novembro 2014. Ionel Onet prezentas libroservajn novaĵojn.

La 3-an de decembro ni prezentas la surbendigitan lastdimanĉe interparolon kun TEJO-estraranoj kaj TEJO-volontulo (Paweł Fischer-Kotowski) partoprenintaj sian estrarkunsidon en la Centra Oficejo de UEA en Roterdamo kaj la unuan fojon renkontiĝ­inte tie kun la publiko de la 41-a Malferma Tago fine de novembro 2014.

Kun Mark Bavant el Francio renkontita en septembro 2014 en Poznano ni interparolas pri lia kontribuo al la Interlingvistikaj Studoj en Poznano, partopreno en la okazinta tie Interlingvitika Simpozio kaj lia kontribuo  titolita “Rezultindika aspekto: ĉu Esperanto provizus modelon por lingvoscienca analizo”. El la elsendo 18.11.2014.

Kun Ivan Colling kaj Rita de Moraes el Brazilo ni interparolas pri iliaj interlingvistikaj studoj en Adam Mickiewicz-Universitato en Poznano, kiujn ili finis lastseptembre per prezento de siaj finlaboraĵoj. El la elsendo 04.11.2014.

Kun Marcin Ptaszyński, nia aŭskultanto el Germanio ni interparolas ne sole pri niaj E-elsendoj, kiuj gravis en lia esperanistiĝo, sed ankaŭ pri lia brile finiĝinta porinstruista studjaro en la Universitato de Adam Mickiewicz en Poznano kaj komenciĝanta en oktobro nova instrujaro de E-o en Germanio. Marcin Ptaszyński gvidas du kursojn: en sia universitato kaj en popolaltlernejo. El la elsendo 28.10.2014.

Kun Aleksandro Serafim el Brazilo, renkontita dum la Bonaera UK ni interparolas pri liaj spertoj de la unuafoja kongresano dum la Universala Kongreso en Havano kaj pri la rolo de E-elsendoj por ekregi la komprenon de la parolata lingvo kun aparta konsidero de la E-elsendoj de la Pola Retradio. El la elsendo 24.10.2014.

Kun Xavier Dewidehem, la prezidanto de la Lilla UK kaj vicezidanto de UFE ni mallonge interparolas pri la semajnfina kunsido  de LKK en Parizo, en kiu partoprenis reprezentantoj de UEA-estraro kaj de la CO. El la elsendo 21.10.2014.

Kun profesorino Sabine Fiedler el Germanio ni interparolas pri oftecvortaroj kun aparta konsidero de ŝiaj ĉi-rilataj laboroj en la Universitato de Lajpcigo kaj preparita de ŝi Esperanta Frekvencvortaro. Tiun temon ŝi prezentis en la septembra Interligvistika Simpozio en Poznano. El la elsendo 07.10.2014.