Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

La 977-a E_elsendo el la 03.07.2020 ĉe www.pola-retradio.org

En la felietono el la ciklo Koninda Polo ni proksimigas la silueton de la unua pola mondvojaĝanto franciskana monaĥo Benedictus Polonus, kiu en la 13-a jarcento atingis Azion, kiel sendito de papo. Lia partopreno en la franciskana misio fruktis per traktato pri kulturo kaj lingvoj de la Fora Oriento. La komenca riĉa kulturkroniko informas pri la nova Historia Monumento, kiu estas la historia benediktanina klostro en Staniątki; pri porcelanaĵoj de Rosenthal en la Muzeo de Gliwice kaj pri la somera varsovia evento Kultura Korto. En la komenco de la elsendo aŭdiĝas kronvirusaj aktualaĵoj. En la fino ni informas pri la jama ebleco aliĝi al Virtuala Kongreso kadre de MondaFest’ 2020. Muzike akompanas nin La Kompanoj per la kanzono „Rigardu nepre ni” el la KD kun kantoj de Brel. La akompana al la programinformo foto rilatas al nia felietono prezentante la itineron, kiun partoprenis Benedictus Polonus.
Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „felietonoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 976-a E_elsendo el la 30.06.2019 ĉe www.pola-retradio.org

Hodiaŭ ni proponas en la literatura segmento de la programo la 96-an fragmenton de la romano de Henryk Sienkiewicz „Quo Vadis” en la E-traduko de Lidia Zamenhof. Post la kronvirusa kroniko ni prezentas aktualaĵon pri polaj altlernejoj en la nunjara eldono de la prestiĝa rangolisto QS World University Ranking. Nian sciencbultenan temon ni dediĉas al la formmemorkapabla materialo kun signifaj loĝistikaj proprecoj.
La akompananta programinformon foto rilatas la hodiaŭa fragmento de „Quo Vadis”, en kiu Nerono ludas liuton dum Romo brulas. Temas pri fragmento de historia filmafiŝo el 1912. En unuopaj rubrikoj de nia paĝo eblas senĉese konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun la indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj.  La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 975-a E_elsendo el la 26.06.2020 ĉe www.pola-retradio.org

Hodiaŭ ni invitas vin gesinjoroj per nia vendreda felietono al la loko Baranów Sandomierski por rakonti pri tiu ĉi urbo kaj pri la tiea  fama renesanca-baroka kastelo. Krom la komenca kronvirusa kroniko vi trovos komence ankaŭ kulturtemajn informojn. Ili koncernas interesan ekspozicion en Gliwice (la suda Pollando) pri la porcelanaj elementoj el la sultana servico donacita de la pola reĝo kaj la ĵazfestivalon Ladies’ Jazz Festival en Gdynia (la norda Pollando). En la E-komunumo ni prezentas informojn el Bjalistoko. Pri la pretigata eldono de jurista revuo dediĉita al Esperanto www.esperantojuro.org; jurista@esperanto.ac; pri aperigo de la E-teksto de la legaĵo indikita por la septembra Tago de la Nacia Legado. „Balladyna” de Juliusz Słowacki aperas en la pola kaj E-lingva versioj. Muzike ni prezentas fragmente la novan kanzonon de i.d.c. „La jaro de l’viruso”. La interreta foto akompananta nian programinformon prezentas porcelanaĵojn el la prezento „Eksterordinara donaco de la reĝo”. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „felietonoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 974-a E_elsendo el la 23.06.2019 ĉe www.pola-retradio.org

Lastsabate okazis rete la Inaŭguro de la evento MondaFest’ 2020, Monda Festivalo de Esperanto. Pri ĝi – ne sole pri la inaŭguro, sed ankaŭ pri la tuta ideo kaj koncepto ni interparolas kun nia hodiaŭa gasto,  la vicprezidanto de UEA, Ferdinando Maia.
Post la komenca kronvirusa kroniko nia aktualaĵo rilatas al porekologia sinteno de poloj, kiun ni prezentas baze de la rilata opinisondado. La scienca temo malkovras fakton, ke la homa cerba parolstrukturo estas multe malpli nova ol supozite. Hodiaŭ en nia programo ni citas el la muzika parto de la inaŭgurita sabate MondaFest’ 2020, el la koncerto de Manno Montanna. La akompananta programinformon foto rilatas al aktualaĵo pri sinteno de poloj al ekologiaj defioj. En unuopaj rubrikoj de nia paĝo eblas senĉese konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun la indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. La interparolo kun Ferdinando Maia aŭdiĝas aparte en la rubriko „Antaŭ la mikrofono”. La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 973-a E_elsendo el la 20.06.2020 ĉe www.pola-retradio.org

La komencon de nia elsendo ni dediĉas al la okazinta sabate en la reto inaŭguro de la Monda Festivalo de Esperanto, MondaFest’ 2020. En nia elsendo ni citas sole la alparolon de UEA-prezidanto Duncan Charters. La referencaj ligoj estas ĉe fejsbuko kaj en jutubo ĉe la kanalo de UEAviva; Jen la respektivaj adresoj: https://www.facebook.com/watch/live/?v=273379227409594&ref=watch_permalink; https://www.youtube.com/channel/UC61hf6hBHvsA7NcR-vmE1nw
En la daŭro de la elsendo ni prezentas kronvirusan kronikon kaj kulturkronikan informon pri la komenciĝanta aliĝado al la konkurso „La nacia legado” https://www.prezydent.pl/kancelaria/narodowe-czytanie/narodowe-czytanie-2020/uczestnicy-akcji/zgloszenie.html. Nia vendreda felietono pri koninda polo estas dediĉita al pola pentristo, kiu forlasis karieron fariĝinte monaĥo, Adam Chmielowski. Muzike ni ĉerpas el la programo de MondaFest’ 2020 aŭdigante en la elsendo la himnon, kiun kantas Amira el Koreio. La interreta foto akompananta nian programinformon prezentas la heroon de nia felietono, fratulon Albert Chmielowski kun orfo. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „felietonoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 972-a E_elsendo el la 16.06.2019 ĉe www.pola-retradio.org

Antaŭ nia mikrofono gastas hodiaŭ Jannick Huet kaj nia interparolo rilatas i.a. al la funkciado kaj aktivadoj de unu el la plej famaj E-centroj, Kastelo Greziljono en Francio (http://gresillon.org/) En la komencaj aktualaĵoj – post mallonga kronvirusa kroniko – ni prezentas la starpunkton de la germana estro de diplomataro rilate al la israelaj planoj aneksi la palestinajn teritoriojn ĉe la Okcidenta Bordo. En la nunsemajna scienca bulteno ni prezentas du temojn: pri la kvalitatesto por la Onkologia Centro en Bjalistoko kaj pri tio, kiel la cerboj de du proksimaj personoj akordiĝas. La akompana al programinformo interreta foto prezentas faman E-kastelon, la kastelon Greziljono. En unuopaj rubrikoj de nia paĝo eblas senĉese konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun la indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. La interparolo kun nia antaŭmikrofona gasto aŭdiĝas aparte en la rubriko „Antaŭ la mikrofono”. La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 971-a E_elsendo el la 12.06.2020 ĉe www.pola-retradio.org

Nian vendredan felietonon pri koninda Pollando ni dediĉas al la ĉevalbredado en Pollando. En la kulturtema kroniko ni informas pri interesa pentrista projekto de pola arkitekto kaj akvarelistoTytus Brzozowski, pri tri festivaloj planitaj por somero en la urbo Sopot. La E-komunuma informo rilatas al la 5-a Interlingvistika Simpozio en Poznano, kiu okazos ĉi-aŭtune, sed nur rete. Fine aŭdiĝas Leterkesto. Muzike ni prezentas fragmente kanton de Mikaelo Bronŝtejn el la disko „Iom da bono”. La interreta foto akompananta nian programinformon prezentas unu el la ĉevaloj el la ĉevalbredejo en Janów Podlaski. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „felietonoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 970-a E_elsendo el la 09.06.2019 ĉe www.pola-retradio.org

Relative multan lokon en nia elsendo ni dediĉas al la lasta bita albumo de Kajto „La Universala Arbo” el kiu ni citas kelkajn el entute 14 kantoj de la albumo. Por aĉeti ĝin sufiĉas konsulti la butikon de Vinilkosmo – https://www.vinilkosmo-mp3.com/en/song-traditional-progressive/kajto-115/8-la-universala-arbo.html En la komencaj aktualaĵoj – post mallonga kronvirusa kroniko – ni informas pri la traŭmataj reagoj de infanoj je ekologiaj minacoj kaj pri pliaj paŝoj por reenkonduki abelojn en arbarojn. La scienca bulteno proponas du temojn, kiuj ligiĝas kun  laboroj de polaj sciencistoj. Temas pri reciklado de farmaciaj vezikpakoj kaj pri fajna grafena korsondilo necesa por kirurgiaj korintervenoj. La akompana al programinformo interreta foto koncernas sciencan temon pri reciklado de farmaciaj vezikpakoj. En unuopaj rubrikoj de nia paĝo eblas senĉese konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun la indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 969-a E_elsendo el la 05.06.2020 ĉe www.pola-retradio.org

Nian hodiaŭan felietonon pri koninda polo ni dediĉas al la 19-jarcenta pola inĝeniero Stanisław Janicki, kiu i.a. meritiĝis por la elkonstruo de la Sueza Kanalo. En la kulturtema kroniko ni informas pri altigo de la rango de la urba muzeo en Lublin al la Nacia kaj pri  nova ekspozicio en la krakova Wawel-kastelo. La E-komunuma informo rilatas al la planata de UEA virtuala evento MondaFest’, kadre de kiu okazos Virtuala Kongreso. Pli amplekse  en la GK Nr-o 875 (https://uea.org/aktuale/komunikoj/2020). En la fina Leterkesto ni prezentas la poemon de Victor Sadler „Spuroj de nia diasporo”. Muzike aŭdiĝas hodiaŭ fragmente la kanto „Florplenaj vojoj” de Maragan’. Ĝi devenas el la KD „Kiu semas venton” eldonita de Vinilkosmo. La interreta foto akompananta nian programinformon prezentas unu el la eksponaĵoj de la ekspozicio „Trezoroj el la epoko de Piast-dinastio” en Wawel-kastelo en Krakovo. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭskulteblaj tekstoj el la hodiaŭa programo. Temas pri „kulturkronikaj informoj” kaj „felietonoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 968-a E_elsendo el la 02.06.2019 ĉe www.pola-retradio.org

Hodiaŭ denove ni proponas pasigi kun ni kelkan tempon kun la E-literaturo. Ni prezentas la 95-an fragmenton de la romano de Henryk Sienkiewicz „Quo Vadis” en la E-traduko de Lidia Zamenhof. Nia aktualaĵo post mallonga kronvirusa kroniko koncernas eksterlandajn laboristojn en Pollando el Azio. La nunsemajna sciencbultena temo estas dediĉita al la esploroj de japanaj sciencistoj pri la terkerno. Al ĝi referencas ankaŭ la interreta foto apudanta nian programinformon. Muzike ni memorigas la kanzonon de „La Porkoj” „Jen”, devenantan el la KD „Ŝako”, kiun eldonis Vinilkosmo. En unuopaj rubrikoj de nia paĝo eblas senĉese konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun la indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D