Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

La 956-a E_elsendo el la 21.04.2019 ĉe www.pola-retradio.org

La hodiaŭa gasto de nia elsendo estas d-ro Marek Nahajowski kun kiu ni interparolas pri lia laŭvica KD, en kies libreto troviĝas denove la E-lingva priskribo (Canzony znane i nieznane), pri la lia lekcia laboro dum la kondiĉoj de la epidemiaj rigoroj kaj la ĝuo denove viziti arbarojn. Komence aŭdiĝas kronvirusa kroniko kaj la hodiaŭaj aktualaĵoj rilatas al la starpunkto de UN- Ĝenerala Sekretario rilate infanojn sekve de pandemio; ni prezentas starpunkton de Monda Sanorganzo pri manko de geflegistoj en la monda skalo. La sciencbultena temo rilatas al pola aerfiltrilo, povanta servi ankaŭ kiel buŝ- kaj nazprotekta vizaĝmasko. Muzike akompanas nin la grupo Bjalistokaj prezentaĵoj per la kanzono „Valso antaŭ la spegulo”. Krome aŭdiĝas en fragmentoj „Canzon prima” de Andrzej Jarzębski en la plenumo de Filatura di Musica. La elsendon akompanas foto de la grupo. En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. La interparolo kun nia antaŭmikrofona gasto estas aŭdebla ankaŭ eksterelsende en la rubriko „Antaŭ la mikrofono”. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 955-a E_elsendo el la 17.04.2020 ĉe www.pola-retradio.org

En nia nunsemajna felietono pri koninda Pollando ni alrigardas la historion de la epidemioj kaj pandemioj de la kontaĝaj malsanoj sur la polaj teritorioj. Komence aŭdiĝas la kelkinforma kroniko ĉirkaŭ la kronvirusa epidemio En la kulturtema kroniko ni informas pri novaj, nekonataj fotoj de Ignacy Jan Paderewski, elstara pola muzikisto kaj politikisto (http://www.wmn.poznan.pl/138-nieznanych-zdjec-ignacego-jana-paderewskiego-mamy-caly-album/), pri studoj rilataj al bitigado de artverkoj kaj arkivaĵoj, pri reta ekspozicio koncernanta polajn loĝkoloniojn en Hinda Unio dum la 2-a mondmilito (https://artsandculture.google.com/exhibit/FQKCQq9LDKemIg). En la E-komunuma segmento ni sciigas la definivitan decidon de UEA pri la 105-a UK en Montrealo. En la fino aŭdiĝas poeziaĵo de Amerigo Iannacone „Eterna metamorfozo”.
Muzike akompanas nin „Jacques Yvart” per la kanzono „Tuj la kompanar’ el la KD „Jacques Yvart kantas Georges Brassens”” eldonita de Vinilkosmo. La akompana interreta foto rilatas al la temo de nia felietono. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „novaĵoj” kaj „kulturkronikaj informoj”. Ne hezitu uzi tiun ĉi servon mem kaj rekomendi al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 954-a E_elsendo el la 15.04.2019 ĉe www.pola-retradio.org

En nia hodiaŭa elsendo denove literaturo. Temas pri la 93-a fragmento de la romano de la pola Nobel-premiito, Henryk Sieniewicz „Quo Vadis” en la E-traduko de Lidia Zamenhof. Krom la kronvirusa kroniko en la komenco de la programo niaj aktualaĵoj informas pri la klopodoj protekti la proprajn landajn firmaojn – en la pandemia epoko – kontraŭ la transpreno de ili fare de fremda kapitalo kaj pri prognozoj de Monda Valutfonduso pri la ekonomia situacio de la mondo en la kunteksto de la epidemio. La sciencbultena temo rilatas al la unua en Pollando noveca oreloperacio kun apliko de enplantaĵoj, kiuj utiligas la ostan sonperadon. Ni omaĝas la 103-an mortodatrevenon de la lingvokreinto Ludoviko Zamenhof per kelkfraza enpensiĝo kaj lia sonigita poemo „Ho, mia kor’ en la plenumo de József Dinnyés. La elsendon akompanas foto rilatanta al la noveca orelenplantaĵo pliboniganta la aŭdokapablon utiliganta ostan sonperadon.
En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 953-a E_elsendo el la 10.04.2020 ĉe www.pola-retradio.org

En nia nunsemajna vendreda elsendo ni komence donas kelkan atenton al aktualaĵoj ligitaj kun la evoluo de la kronvirusa epidemio en Pollando. Hodiaŭ pasas la 10-a datreveno de la katastrofo en kiu 96-persona delegacio fluganta por la 70-a datreveno de Katyń-krimo pereis en la aviadila katastrofo. Ni notas ĝin en nia programo. Lige kun la daŭranta Granda Semajno, kies celebradojn polaj katolikoj povas sekvi sole en la reto ni statistike alrigardas polajn sacerdotojn, kiuj en la pandemia periodo faciligas al personoj kredantaj per la reto partopreni la ĉiutagajn mesojn kaj diservojn. La kulturkronika kroniko enhavas informojn pri revenigo de la altaro Pietas Domini al Gdansko kaj pri bitigitaj artverkoj el la krakova regiono (https://sdm.upjp2.edu.pl/). En nia ampleksa E-komunuma segmento ni notas la 95-jariĝon de la Estona Instituto de Esperanto, kiu pasos la 13-an de aprilo; ni informas i.a. pere de Gazetaraj Komunikoj pri la planoj de UEA prokrasti la Montrealan UK-on. Kaj fine ni informas pri nova E-retejo: karesmo.org Fine de la programo ni proponas leterkestan renkontiĝon.
Muzike akompanas nin „Kompanoj” per fragmento de la kanzono „Konfeso” el la KD „Survoje” eldonita de Vinilkosmo. La akompana interreta foto prezentas la altaron Pieta Domini, kiu post 78 jaroj revenis al Gdansko, Pollando. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „novaĵoj” kaj „kulturkronikaj informoj”. Ne hezitu uzi tiun ĉi servon mem kaj rekomendi al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 952-a E_elsendo el la 07.04.2019 ĉe www.pola-retradio.org

Lastsabate, la 4-an de aprilo 2020 pasis 61 jaroj post la historia evento, la ekfunkcio de la unua profesia E-redakcio, en la ŝtata Pola Radio. Tiuokaze ni gastigas antaŭ nia mikrofono nian eksan redakcian kolegon, Andrzej Pettyn – kiu jen rememoras, jen rakontas pri kio li okupiĝas nun, kiel li superis sian gravan sanlezon de antaŭ tri jaroj. En jutubo dank’ al Flo Martorell eblas vidi etan sonscenon el la pollingva filma kroniko, antaŭtage de la evento, kiam E-Redakcio de la Pola Radio pretigis sin al satelita emisiado de la elsendoj: https://www.facebook.com/flo.martorell/videos/vb.756238348/10154559658138349/?type=2&theater Niaj aktualaĵoj traktas temojn pri la reganta kronvirusa pandemio. Unue aŭdiĝas nia ĉiuelsenda mallonga kroniko. Pli amplekse ni traktas temojn pri la helpo de la fiskaj kompanioj en la kontraŭbatalado de la epidemio en Pollando kaj la finiĝon de la kampanjo LOTdoDomu „Flugo hejmen”. Nia scienbultena temo traktas la fenomenon de lumpolucio. Tiun fenomenon ilustras la interreta foto akompananta nian programinformon. Muzike akompanas nin Zhou-Mack Mafuila per la kanzonfragmento „Intergenta am’ devenanta el la KD „Originoj”, eldonita de Vinilkosmo. Muzike ni citas la hispanan kanton Resistiré, kiu fariĝis en marto 2020 neoficiala rezistokanto kontraŭ la pandemion. En jutubo eblas trovi ĝin kun E-vortoj (https://www.youtube.com/watch?v=2jD_mV6Dmxc). En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. En la rubriko „Antaŭ la mikrofono” eksterelsende aŭdiĝas interparolo kun nia antaŭmikrofona gasto. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 951-a E_elsendo el la 03.04.2020 ĉe www.pola-retradio.org

Nia vendreda felietono ĉi-semajne prezentas la silueton de pola bakteriologo kaj virusologo, profesoro Feliks Przesmycki, establinto kaj direktoro de la plej granda pola instituto okupiĝanta pri epidemiologio, la varsovia Ŝtata Instituto pri Higieno.
Post komencaj kronikaj notoj pri la evoluo de la kronvirusa pandemio ni prezentas kulturkronikajn informojn. Ili rilatas al la reta festivalo Miteria Paschalia, al la projekto restaŭri malnovajn tolaĵojn el Artus-domo en Gdansko, al spiritaj karesmaj ekzercoj dediĉitaj al la religia arto. Nia E-komunuma segmento referencas al du lastaj numeroj de Gazetaraj Komunikoj de UEA. Muzike akompanas nin „La Perdita Generacio” per fragmento de la kanzono „Alia aventuro” el la KD „Ĉiamen plu” eldonita de Vinilkosmo. La akompana interreta foto prezentas Artus-domon en Gdansko en la kunteksto de dekkelkaj ĝiaj restaŭrotaj tolaĵoj. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „Felietonoj”. Ne hezitu uzi tiun ĉi servon mem kaj rekomendi al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 950-a E_elsendo el la 31.03.2019 ĉe www.pola-retradio.org

Hodiaŭ pasas la 100-a mortodatreveno de la kreinto de Universala E-Asocio, Hector Hodler. I.a. en ĉi tiu kunteksto ni ĉerpas el nia arkivo historian interparolon kun Andreas Künzli pri lia prelego dum la  Malferma Tago de la CO de UEA aŭtune 2008 dediĉita al Hector Hodler laŭ aparta aspekto, kiel modelo de sia fama patro, pentristo Ferdinand Hodler. En la privata blogo de nia interparolanto Plansprachen.ch troviĝas kelkaj liaj  artikoloj kaj prilaboraĵoj dediĉitaj al Hector Hodler – i.a. en la kunteksto de liaj pacismaj ideoj pri milito kaj paco.
Niaj aktualaĵoj rilatas amplekse al la situacio ĉirkaŭ la koronvirusa pandemio en Pollando. Krom mallongaj informoj pli amplekse ni informas pri pliaj sociaj rigoroj ligitaj kun la epidemio, enviviĝontaj ekde aprilo. Ni informas pri helpaj iniciatoj por lernantoj, kiel kromlecionoj virtualaj de studentoj aŭ aparta programo de la kulturcentro Kopernik. Nia sciencbultena temo rilatas al la jam entreprenitaj esploroj pri la bonfarto de poloj en la kondiĉoj de hejma izoliĝo. Tute aparte ni informas pri la grava perdo por la pola kulturo, kiu estas morto de la mondkonata pola komponisto Krzysztof Penderecki.
Muzike akompanas nin Sepa & Asorti en fragmento de la kanzono „Teo kaj Amo”. La interreta foto akompananta la programinformon prezentas „la patron” de UEA, Hector Hodler.
En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 949-a E_elsendo el la 27.03.2020 ĉe www.pola-retradio.org

Nia vendreda felietono pri Koninda Pollando traktas la malmulte konatan legendon pri ŝtona urso antaŭ la preĝejo de Dipatrino la Gracoplena en la Malnovurba Kvartalo de Varsovio. Komence ni memorigas la pasantan hodiaŭ Mondan Tagon de Teatro kaj en tiu kunteksto la koncernajn konkursbranĉojn en la Belartaj Konkursoj de UEA (limdato 31.03.2020), ni prezentas sekve jam kutiman bedaŭrinde kronikon pri eventoj ligitaj kun la kronvirusa pandemio. La kulturtema kroniko informas pri la novaj laŭreatoj de la krakova Jasieński-premio, pri restaŭrado de freskoj en la ortodoksa kirko en Supraśl kaj pri la prokrastita varsovia Nokto de Muzeoj, kutime okazanta en majo. En la E-komunuma segmento ni transdonas i.a. korskuan informon pri la forpaso pro la kronviruso de esperantista verkista paro el Italio – Julia Sigmond kaj Filippo Franceschi, konata kiel Sen Rodin.
Por la muzika ornamo ni elektis la kanton de Helena Melnikova „Mi sorĉas”. La akompana interreta foto prezentas la ŝtonan urson pri kiu traktas nia felietono. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „Felietonoj”. Ne hezitu uzi tiun ĉi servon mem kaj rekomendi al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 948-a E_elsendo el la 24.03.2019 ĉe www.pola-retradio.org

Hodiaŭ  ni ĉerpas el nia arkivo de sondokumentoj de la E–Redakcio de Pola Radio memorigante la interparolon de Andrzej Pettyn kun Ada Fighiera-Sikorska. En ĝi ŝi parolas pri siaj postmilitaj sortoj kaj vojo al Esperanto, en kies rezulto ŝi estis i.a. inter la kunfondintoj de la E-Redakcio de Pola Radio en 1959. La 4-an de aprilo pasos 61 jaroj post ĝia establo. Poste dum multaj jaroj ŝi estis redaktoro de “Heroldo de Esperanto”.
Niaj aktualaĵoj rilatas amplekse al la situacio ĉirkaŭ koronvirusa pandemio en Pollando, ni memorigas la pasantan hodiaŭ Memortagon pri poloj savantaj judojn sub la germana okupacio. Nia sciencbultena temo traktas novajn malkovrojn pri rolo de kupraj nanoelementoj en kontraŭbatalado de kancero. Muzike akompanas nin Ĵomart kaj Nataŝa per fragmento de sia kanzono „Ni iĝu arboj”. La interreta foto akompananta la programinformon prezentas iun el la varsoviaj metroostacioj en la tempo de epidemio.
En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 947-a E_elsendo el la 20.03.2020 ĉe www.pola-retradio.org

Nian felietonon pri koninda polo ni dediĉis al elstara pola lingvisto Jan Niecisław Baudouin de Courtenay, kies 175-a naskiĝdatreveno pasis la 13-an de marto 2020. Notindas, ke en siaj esploroj li okupiĝis ankaŭ pri Esperanto, kiun li konis. Komence ni donas kelkan atenton al la situacio ĉirkaŭ koronviruso en Pollando. La kulturkronikaj informoj rilatas al la nova literatura premio de Krakovo, kiel Unesko-urbo, al la ĉiam pli multaj funkciantaj rete muzeoj kaj kulturinstitucioj, al planata nova ekspozicio dediĉita al Maria Konopnicka en ŝia muzeo en la loko Suwałki. El la E-komunumaj informoj eblas ekscii pri nova aliĝdato por la 105-a UK en la dua favorperiodo, pri la programo de nunjara IKU. Ambaŭ baziĝas sur la lastaj Gazetaraj Komunikoj de UEA (uea.org).
Muzike ni prezentas la faman brazilan kanton „La pac’” en la plenumo de Eric Languillat. La akompana interreta foto prezentas iun el la eksponaĵoj el la vizitebla rete Muzeo de la pramalnova setlejo Biskupin. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „Felietonoj”. Ne hezitu uzi tiun ĉi servon mem kaj rekomendi al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.