Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

La naskiĝurbo de Esperanto

Arkivoj

Kategorioj

La 624-a E-elsendo el la 14.02.2017 ĉe www.pola-retradio.org:

– Hodiaŭ post kelka paŭzo ni denove invitas foliumi kun ni lastatempe venintajn al la Redakcio E-gazetojn. Hodiaŭ ni parolas pri la januaraj numeroj de „La Lanterno Azia” de Korea E-Asocio kaj „La Revuo Orienta” de Japana E-Instituto.
– La komencaj aktualaĵoj rilatas al ekonomiaj aferoj. Unue ni informas pri la amendo de la Punkodo malfaciligonta trompojn rilate la aldonvaloran imposton kaj pri bonaj prognozoj de la Eŭropa Komisiono, laŭ kiuj Pollando en 2017 troviĝos inter 6 plej rapide evoluantaj mastrumadoj de la Unio.
– La scienca bulteno liveras informojn pri la minacitaj senjorinoj, kiuj praktikas senmovan vivstilon antaŭ komputilo kaj pri nova aparato, kiu dank’ al sia favorpreza kosto ebligos al pli da poloj ekzameni ĉu ili ne suferas dormapneon.
La aktualaĵoj, la scienbultenaj temoj kaj la Trarigardo estas paralele legeblaj kaj aŭskulteblaj en la koncernaj rubrikoj de nia paĝo.
Muzike en la korvarman etoson enkondukas Kajto i.a. lige kun la hodiaŭa festo de enamiĝintoj. „Rave kun vi” devenas el la KD „Duope”
Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D.
La akompana al ĉi tiu informo foto prezentas SHIN EŬN SOOK, E-nome Sonĝanta, la ĉeforganizanton de la Seŭla Internacia Infana Kongreseto. La retejo de la Seula UK troviĝas ĉe la adreso: http://www.2017uk.net/

Play

  La 623-a E-elsendo el la 10.02.2017 ĉe  www.pola-retradio.org:

Valora manuskripto denove en Pollando

– Hodiaŭ gastas antaŭ nia mikrofono prof. Ilona Koutny kun kiu ni interparolis en Poznano en la daŭro de la februara sesio de la Interlingvistikaj Studoj, i.a. okaze de la Simpozio pri la Lernanto en la lingvolerna procezo.
– La kultura kroniko liveras informojn pri valorega aĉeto de la Nacia Biblioteko de la 15-jarcenta kodo enhavanta la liturgian propetan preĝon en la katolika Eklezio aranĝitan laŭ la brevieraj horoj, kiu perdiĝis en la fino de la 19-a jarcento.
– La E-komunuma segmento informas pri la novaj redaktoroj de UEA-revuo „Esperanto”, kiuj fariĝos ekde la aprila numero Dima Ŝevĉenko kaj Anna Striganowa. Muzike akompanas nin Helena Melnikova per fragmento de sia kanzono „Vi rakontu”.
– La akompana foto ĉe la programinformo devenanta el la Interreto prezentas la plej novan aĉeton de la Nacia Bilbioteko, kiu jam bitigita troviĝas en la paĝo de la bita Nacia Bilbioteko – Polona.pl.
– La kulturkronika informo estas paralele legebla kaj aŭskultebla en la koncerna rubriko de nia paĝo. Aparte aŭdiĝas interparolo kun prof. Ilona Koutny.
– Nia elsendo estas aŭskultebla ankaŭ en la jutubo: https://www.youtube.com/results?q=pola+retradio&sp=CAI%253D

Play

La 622-a E-elsendo el la 07.02.2017 ĉe www.pola-retradio.org:

– Hodiaŭ ni invitas ĉiujn literaturamantojn sekvi la 51-an fragmenton de la romano de la pola Nobel-premiito Henryk Sienkiewicz „Quo Vadis” en la E-traduko de Lidia Zamenhof.
– La komencaj aktualaĵoj rilatas al la marda vizito de la germana kanceliero Angela Merkel en Varsovio. Ni informas krome pri la ĵus komencinta funkcii Pola Agentejo por Investaĵoj kaj Komerco.
– La sciencbultenaj temoj rilatas al la revolucia metodo prilaborita de la polaj-nederlandaj sciencistoj ebliganta miloble pli rapide registri la informdonitaĵojn kaj al la duvalvulo macenaria macenaria, kiuj helpos sekvi la ŝanĝojn de la klimato.
La aktualaĵoj kaj la scienbultenaj temoj estas paralele legeblaj kaj aŭskulteblaj en la koncernaj rubrikoj de nia paĝo.
Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D.
La akompana al ĉi tiu informo foto devenas el la Interreto kaj prezentas la duvalvulon macenaria macenaria, pri kiu ni porolas en la scienca bulteno.

Play

La 621-a E-elsendo el la 03.02.2017 ĉe www.pola-retradio.org:

– En nia ĉi-semajna felietono pri koninda polo ni memorigas la figuron de la forpasinta antaŭ kvin jaroj pola Nobel-premiitino, Wisława Szymborska prezentante krome en la E-traduko ŝian poeziaĵon „Kato en malplena loĝejo” verkitan post la morto de ŝia partnero Kornel Filipowicz en 1990.
– La kultura kroniko alportas informon ligitan kun la heroino de nia felietono, pri la 500-paĝa eldono de ŝiaj prozaĵoj en Hispanio. Ni informas krome pri la nunjara eldono de la festivalo „Opera Rara” en Krakovo kaj pri restaŭrigita varsovia naskiĝdomo de Maria Skłodowska-Curie, kies 150-a naskiĝdatreveno pasos ĉi-aŭtune.
– La E-komunuma segmento liveras informon pri la komenciĝonta venontsemajne 5-monata reta E-kurso de la Jagelona Universitato sub la gvido de Maria Majerczak (goo.gl/x1S3AH).
Ni informas pri novaj skanaĵoj de Esperantomuzeo kaj de la Kolekto por Planlingvoj (http://data.onb.ac.at/rec/AC01262463; http://data.onb.ac.at/rec/AC02733406; http://data.onb.ac.at/rec/AC00650520; http://data.onb.ac.at/rec/AC05003222; http://data.onb.ac.at/rec/AC03512601) kaj Verkoj (1887-1930) de Ludoviko Zamenhof: https://www.onb.ac.at/eo/bibliothek/sammlungen/kolekto-por-planlingvoj/digitaj-dokumentoj/ludwik-l-zamenhof/
– Muzike ni informas pri la fizika aperigo de la KD “Kreaktiva” de Jonny M mendebla ĉe Vinilkosmo.
– La akompana foto ĉe la programinformo prezentanta la enmanigon de Nobel-premio al Wisława Szymborska devenas el la Interreto.
– La kulturkronikaj informoj kaj la felietono estas paralele legeblaj kaj aŭskulteblaj en la koncernaj rubrikoj de nia paĝo.
– Nia elsendo estas aŭskultebla ankaŭ en la jutubo: https://www.youtube.com/results?q=pola+retradio&sp=CAI%253D

Play

La 620-a E-elsendo ĉe www.pola-retradio.org el la 31.01.2017:

– Kun profunda malĝojo ni ricevis la informon pri la forpaso de konata pola esperantisto, sociologo okupiĝanta rilate la E-komunumon pri la sociologiaj aspektoj de la E-movado, d-ro Zbigniew Galor. En nia elsendo ni prezentas fragmenton de lia prelego pri tiu temo prezentitan dum la Interlingvistika Simpozio en Poznano en 2011.
– En la komencaj aktualaĵoj ni informas pri subvencio por elkonstrui tunelon inter la polaj insuloj Uznam kaj Wolin; pri aperigita en la reto bazo de ĉ. 8 kaj duona mil nomoj de SS-viroj el la eksa germana koncentrejo-mortotendaro Auschwitz (www.truthaboutcamps.eu/zalogass); pri la jubileo de la programo Erasmus.
– La scienca bulteno liveras informojn pri polaj-israelaj esploroj pri agresa kolumpsitako dekumanta la israelajn upupojn.
– Hodiaŭ kantas Amindaj „Ĉar ankoraŭ batas via kor’”, la kanzonon devenantan de ilia KD eldonita de Vinilkosmo.
– Aktualaĵoj kaj sciencbultena informo estas paralele legeblaj kaj aŭskulteblaj en la koncernaj rubrikoj de nia paĝo.
Nia elsendo estas aŭskultebla ankaŭ pere de: https://www.youtube.com/results?q=pola+retradio&sp=CAI%253D. La akompana al ĉi tiu informo foto devenanta el wikipedia.pl prezentas la mapon de la insuloj Uznam kaj Wolin, kiujn ligos submara tunelo.

Play

La 619-a E-elsendo el la 27.01.2017 ĉe www.pola-retradio.org:

La koncentrejo-mortotendaro Auschwitz-Birkenau

– Ĉefloke ni referencas al la pasanta hodiaŭ 72-a datreveno de la germana mortotendaro Auschwitz-Birkenau establita sur la pola teritorio. Ni referencas al la genezo de ĉi tiu koncentrejo, sekve mortotendaro, ĝia rolo en la eksterma plano de la eŭropaj judoj, la hodiaŭaj solenaĵoj en Pollando. Ni prezentas ankaŭ poeziaĵon de Julius Balbin dediĉitan al la ekstermo de judoj.
En la kultura kroniko ni informas pri la laŭreatoj de la premio Benemerenti kaj pri laŭvica eldonaĵo kun la tataraj fabeloj eldonota nunjare.
– La E-komunuma segmento liveras informojn pri novaj platformoj por UEA membroj – aktivulo.net kaj forumo.esperanto.net. Ni informas pri la planoj de la Hispana E-Federacio lige kun la nunjara Zamenhof-Jaro.
Muzike ni cite prezentas muzikon ligitan kun la memoro pri holokaŭsto, kun la kantarto de la ensemblo de la Polaj Armeaj Fortoj kaj fragmente ni memorigas la E-tangon en la plenumo de Tore Skogman.
– La akompana foto ĉe la programinformo prezentas la enirpordon al la koncentrejo-mortotendaro Auschwitz-Birkenau.
– Komencaj kaj la kultuktonikaj informoj estas paralele legeblaj kaj aŭskulteblaj en la koncernaj rubrikoj de nia paĝo.
– Nia elsendo estas aŭskultebla ankaŭ en la jutubo: https://www.youtube.com/results?q=pola+retradio&sp=CAI%253D

Play

La 618-a E-elsendo ĉe www.pola-retradio.org el la 24.01.2017:

– Niaj komencaj aktualaĵoj rilatas al rekonstrupaŝoj de la pola ŝipkonstrua industrio, al la plebiscito por verko legota dum la Tago de la Nacia Legado 2017 kaj al konferenco de oftalmologoj kaj specialistoj pri vidproblemoj, kiu okazis lastlunde en Varsovio sub la temo „Sano en la ĉefa rolo. La 2017-a – la Zamenhofjaro. Kion vidis Zamenhof?”. La rilata foto troviĝas en la rubriko „Fotogalerio”.
– La scienca bulteno traktas la esplorojn pri cerbofunkciado de unu- kaj dulingvuloj kaj pri personoj, kiuj estas dotitaj per la kapablo havi konsciajn sonĝojn.
– Nia sonsceno prezentas fragmenton de la prelego de Vera Barandovska-Frank pri >slava reciprokeco< farita dum la lingvopolitika konferenco de la landoj V4+: “Perspektivoj de lingva komunikado en EU”.
– Muzike akompanas nin Maragan’ per fragmento de la kanto „Speguloj” el la KD „Kiu semas venton”.
– Aktualaĵoj kaj sciencbultena informo estas paralele legeblaj kaj aŭskulteblaj en la koncernaj rubrikoj de nia paĝo.
Nia elsendo estas aŭskultebla ankaŭ pere de: https://www.youtube.com/results?q=pola+retradio&sp=CAI%253D. La akompana al ĉi tiu informo foto devenanta el la Interreto prezentas la polan prezidentan paron dum la tago de la Nacia Legado.

Play

La 617-a E-elsendo el la 20.01.2017 ĉe www.pola-retradio.org:

– En nia felietono pri koninda Pollando ni parolas pri la plej longa pola rivero Wisła [visŭa], Vistulo. La Jaron de Vistulo en 2017 proklamis la pola Sejmo; ankaŭ la aŭtoritatoj de la Mazovia Vojevodio, kies ĉefa urbo estas Varsovio.
– La komenca kultura kroniko liveras informojn pri la jubileo de la operejo en Lodzo (la centra Pollando); pri la kreiĝanta portalo de Krakova Provinco dediĉita al la religiaj artverkoj de ĉi tiu regiono; pri interesa ekspozicio dediĉita al la finna arkitekturo kaj dezajno daŭranta en la varsovia Muzeo pri Historio de Polaj Judoj, kies konstruaĵo estas ankaŭ verko de finnaj arkitektoj.
– La E-komunuma segmento liveras informojn pri la preparoj al la Internacia Infana Kongreseto 2017 (http://bertosch.free.fr/iik2017/index.htm); pri la laŭvica, kroata versio de la reta kurso „Esperanto je 12 tagoj” bazita sur la zagreba metodo (http://learn.esperanto.com); pri la nunjara eldono de la usona kursaro NASK (nask.esperanto-usa.org/venonta).
Muzike akompanas nin populara pola kanto pri Vistulo kaj JoMo memoriganta la kanton „Lernu nun” el la KD JoMo Friponas eldonita de Vinilkosmo.
– La akompana foto ĉe la programinformo prezentas foton pri Vistulo el la provizoj de la Interreto.
– La kulturkronikaj informoj kaj la felietono estas paralele legeblaj kaj aŭskulteblaj en la koncernaj rubrikoj de nia paĝo. – Nia elsendo estas aŭskultebla ankaŭ en jutubo: https://www.youtube.com/results?q=pola+retradio&sp=CAI%253D

Play

La 616-a E-elsendo ĉe www.pola-retradio.org el la 17.01.2017:

– Hodiaŭ ni prezentas la laŭvican, ĉi-foje la 50-an fragmenton de la romano de la pola Nobel-premiito, Henryk Sienkiewicz „Quo Vadis” en la E-traduko de Lidia Zamenhof.
– Niaj komencaj aktualaĵoj rilatas al la vizito de la pola prezidenta paro en Israelo, al la novaj rimedoj por pliaj segmentoj de la varsovia metroo kaj al la decido de la germana Konstitucia Tribunalo koncerne la ekstreman partion NPD.
– En la scienca bultena ni informas pri la sukceso de polaj kirurgoj, kiuj en decembro transplantis manon al neplenlertulo senigita je ĉi tiu organo.
– Muzike ni prezentas la kanton „Lando, mia lando” en la plenumo de Tova Ben-Cvi el la KD „Bonvenu paco”.
– Aktualaĵoj kaj sciencbultena informo estas paralele legeblaj kaj aŭskulteblaj en la koncernaj rubrikoj de nia paĝo. Nia elsendo estas aŭskultebla ankaŭ pere de: https://www.youtube.com/results?q=pola+retradio&sp=CAI%253D.

Play

La 615-a E-elsendo el la 13.01.2017 ĉe www.pola-retradio.org:

– Nia felietono pri koninda polo prezentas la silueton de Erazm Jerzmanowski, kontraŭcara insurgento, soldato, industriisto, mecenato, socia aganto difinata kiel „la pola Nobel” kaj ĝuinta epiteton de polo, kiu „lumigis Usonon”.
– Niaj kulturkronikaj informoj koncernas la agadojn de la Fondaĵo Autodeskripcja kaj ĝia portalo iSztuka.edu.pl kaj la ekspozicion de 100 objektoj el la Katolika Universitato en Lublino, kiu nun estas rigardebla en la varsovia Reĝa Kastelo.
– La E-komunuma informo rilatas al la konkurso por TEJO-aĝaj esperantistoj partopreni la projekton Afrika-Eŭropa Junulara Kapabligo http://pej.pl/eo/2017/01/10/trejnigu-en-italio-kaj-igu-trejnisto.
Muzike akompanas nin Zhou-Mack Mafuila per la fragmento de la kanto „La fluo” el la KD „Originoj” eldonita de Vinilkosmo.
– La akompana foto ĉe la informo prezentas laŭ vikipedio portreton de Erazm Jerzmanowski, polo dank’ al kiu eblis apliki sintezan gason por profitdonaj komercaj projektoj por lumigo de usonaj urboj.
– La kulturkronikaj informoj kaj la felietono estas paralele legeblaj kaj aŭskulteblaj en la koncerna rubriko de nia paĝo. Ankaŭ aparte aŭdiĝas interparolo kun nia antaŭmikrofona gasto.
– Nia elsendo estas aŭskultebla ankaŭ pere de: https://www.youtube.com/results?q=pola+retradio&sp=CAI%253D

Play