Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Nombro de vizitoj


Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

Elsendoj

La 883-a E_elsendo el la 09.08.2019 ĉe www.pola-retradio.org

En nia vendreda elsendo reference al la 104-a UK ni prezentas interparolon kun Claude Nourmont pri la nunjara Kleriga Lundo kaj pri aparta omaĝa programero dediĉita al Baldur Ragnarsson. Rilate al ĉi-lasta programero ni gastigas krome antaŭmikrofone unu el la kontribuintinoj al la ĉi-lasta programo Vesna Staničić-Burchards.
La komencaj aktualaĵoj rilatas al la distingo de la pola ilustristo Józef Wilkoń fare de la reĝo de Hispanio kaj al sukcesoj de la pola knabina koruso Puellae Orantes enkontigitaj dum la Internacia Korusa Festivalo en Tajpeo sur Tajvano.
Aŭdiĝas krome leterkesta programero.
La akompana al la programinformo interreta foto prezentas unu el la ilustraĵoj de Józef Wilkoń por la pola versio de „Don Kiĥoto”.
La elsendo troviĝos ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 882-a E_elsendo el la 06.08.2019 ĉe www.pola-retradio.org

Nia marda raporto pri la 104-a UK enhavas la lastan sondokumenton pri la Solena Fermo de la Lahtia kongreso. En ĝi troviĝas sonscenoj pri dankoj al LKK kaj helpantoj kaj al la administracio kaj laborantoj de la kongresejo. La prezidantino de TEJO informas, ĉu UK estas interesa por junuloj. Eta sonsceno prezentas la infanojn kaj adoleskulojn, kiuj venis por saluti la kongreson per ellernita dum la infana kongreseto kanto. Gravan parton okupas la ferma parolado de la prezidanto, Duncan Charters, kiu inter prioritatoj de la estrara kaj komuna laboro mencias komunikadon kaj kunlaboron. La eksa prezidanto de UEA Mark Fettes dankas pro la rekonaj vortoj pro sia 6-jara gvidado de la Asocio. Pliaj sonscenoj referencas al la transdono de la kongresa flago al la Montreala LKK kaj al la finaj momentoj de la kongreso, t.e. la komune kantita himno kaj la solena deklaro pri la fermo de la 104-a en Lahtio.
La akompana al la programinformo interreta foto prezentas transdonon de la kongresa flago. La elsendo troviĝos ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 881-a E_elsendo el la 02.08.2019 ĉe www.pola-retradio.org

Nia vendreda raporto pri la 104-a UK enhavas la 2-an sondokumenton pri la Solena Fermo de la kongreso. En ĝi troviĝas anoncoj pri la atribuita nunjare Premio Deguchi al Heidi Goes, pri la distingitoj per la Diplomo pro la Elstara Agado kaj Arta Agado, pri dojenaj esperantistoj distingitaj per Diplomoj pro pli ol 40, 50, 60 kaj 70-jara membriĝo en UEA. Aŭdiĝas speciala saluto en Esperanto de la sveda kulturministro, Amanda Lind. En la fino Thomas Kleemann prezentas la rezultojn de la futbalista matĉo, kiu okazis ankaŭ en Lahtio.
La akompana al la programinformo foto prezentas nepalajn esperantistojn post la Internacia Arta Vespero. La elsendo troviĝas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 880-a E_elsendo el la 30.07.2019 ĉe www.pola-retradio.org

Nia marda raporto pri la 104-a UK enhavas la sondokumenton pri la Solena Fermo de la kongreso rilatan al ĝia raporta parto.
La akompana al la programinformo foto prezentas la E-flagojn ĉe la trafikrondo antaŭ la Lahtia Kongresejo. La elsendo troviĝas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 879-a E_elsendo el la 27.07.2019 ĉe www.pola-retradio.org

En nia lasta elsendo el la kongresurbo en Lahti ni retrorigardas al la eventoj de la vendreda programo. La ĉefa sondokumento registrita en Lahti estas la intervjuo kun la prezidanto de UEA, Duncan Charters. En la programo aŭdiĝas fragmente „La vojo” de Ludoviko Zamenhof, kiun dum la Internacia Vespero kantis Amira. Ni salute dediĉas ĝin al ĉiuj esperantistoj lige kun la pasinta vendrede Esperanto-Tago.
La programinforma foto prezentas unu el la kontribuantoj al la Internacia Arta Vespero el Koreio. La elsendo troviĝas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 878-a E_elsendo el la 25.07.2019 ĉe www.pola-retradio.org

En nia ĵaŭda elsendo, ni raportas pri kelkaj el la plej gravaj kongresaj programeroj, tute aparte elektinte kiel  rilatan sondokumenton la inaŭguron de la Esperantologia Konferenco. Ni prezentas – laŭ la kongreslibro – biografietojn de du patronoj de la kongresaj salonegoj – Vilho Suonio Setälä kaj Tyyne Leivo-Larsson.
Nian raporton finas unu el la ciganaj kantoj – la komenca – el la koncerto de Saša Pilipović. La programinforma foto prezentas la antaŭkonferencan konsiliĝon inter Orlando Raola kaj Humphrey Tonkin . La elsendo troviĝas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 877-a E_elsendo el la 24.07.2019 ĉe www.pola-retradio.org

En nia merkreda elsendo, ni dediĉas apartan atenton al la eventoj ligitaj kun la kongresa temo. La belecon de naturo kaj kulturo de Kroatio proksimigas la fotoekspozicio de kroataj esperantistoj. Pri ĝi ni interparolas kun ĝia organizantino Marija Belošević. Ekde la komenco la kongresa temo „Vivanta naturo, floranta kulturo” estas traktata en la kongresa programo sub la gvido de Olga Ŝilajeva, kiu informas nin pri la ĝisnunaj laboroj. Aludojn pri la kongrestemo ni trovis ankaŭ en la mesaĝo de la urbestro de Lahtio, Pekka Timonen, kiun ni citas en nia raporto. La programinforma foto prezentas la belecon de la Lahtia naturo ĉirkaŭ la kongresejo, Isku Areena. La elsendo troviĝas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

 

Play

La 876-a E_elsendo el la 23.07.2019 ĉe www.pola-retradio.org

En nia marda elsendo, ni prezentas kelkajn sonscenojn ligitajn kun la kleriga programo de la 104-a Universala Kongreso en Lahti. Reference al la dimanĉaj eventoj ni gastigas antaŭmikrofone Amri Wandel, kiu donis antaŭ la inaŭguro de la nunjara IKU-sesio kelkajn klarigojn pri ĝia dumsemajna evoluo. I.a. temis pri la nunjara eldono de Scienca Kafejo, kiu bonvenigis marde interesiĝantojn por kvar mallongaj sesioj. La ĉefa programero en tiutaga programo ligiĝas kun la Tago de Lernado, kies ĉeforganizanto de ILEI estas Mireille Grosjean. Ni prezentas ŝian alparolon el la Solena Inaŭguro. Marija Belošević parolas aliflanke pri la programo de la nunjara Tago. En ĝi ni aŭdis i.a. prelegon de Duncan Charters, la nuna prezidanto de UEA, pri la historio de la usona NASK. Ni prezentas lian respondon pri tio, kiel li vidas la E-edukadon en la politiko de UEA sub lia prezido. Kun la sciencnivela kleriĝo ligiĝas la temo de la postkongresa kolokvo pri Esperantologio kaj Lingvistiko, pri kio ni krome informas per la redakcia informo.
La programinforma foto prezentas Duncan Charters en la programo de Tago de Lernado.
La elsendo troviĝas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 875-a E_elsendo el la 22.07.2019 ĉe www.pola-retradio.org

En nia hodiaŭa elsendo ni prezentas la sondokumenton kun la festparolado de la forlasanta la postenon de la prezidanto de UEA, Mark Fettes el la Solena Inaŭguro de la 104-a UK en Lahtio. Akompanas ĝin foto prezentanta Mark Fettes kun la novelektita prezidanto la Asocio, Duncan Charters. 
La elsendo troviĝas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 874-a E_elsendo el la 21.07.2019 ĉe www.pola-retradio.org

Nia elsendo enhavas la 2-an raporton pri la 104-a Universala Kongreso de Esperanto en Lahtio, plene dediĉitan al la matena Inaŭgura Solenaĵo. Pro la neceso koncizigi ĝin kelkaj sondokumentoj aŭdiĝos aparte. La raporto enhavas la bonvenigajn vortojn de la prezidanto de UEA, Mark Fettes kaj prezenton de la podianoj, prezenton de la aparta mesaĝo direktita al la kongreso fare de la ambasadoro de Kanado en Finnlado. Salutmesaĝon de Margareta Zaleski-Zamenhof kaj de la prezidanto de LKK, Tuomo Grundström. Aŭdiĝas salutvortoj de TEJO-prezidantino Ĝoja kaj de ĝia vicprezidanto Francesco Maurelli. Sekve ni prezentas la alparolajn vortojn de la prezidanto de Akademio de Esperanto, Probal Dasgupta. Ni prezentas la mesaĝon de SAT, peritan de José Maria Salguero. Fragmento de la orkestra versio de la Himno – speciale preparita por UK – kaj la lastaj vortoj de la prezidanto deklarintaj la malfermon de la 104-a Universala Kongreso de Esperanto finas nian 2-an raporton el Lahtio.
La programinformon akompanas foto de la kolektiĝantaj post la Inaŭguro kongresantoj por la komuna foto. La raporto  aperas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play