Kontaktu nin
Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.
Nombro de vizitoj


Subtenu nin
Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima
Redakcia teamo
Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP
Arkivoj
Kategorioj

La 886-a E_elsendo el la 20.08.2019 ĉe www.pola-retradio.org

Nia hodiaŭa sonsceno pri la 104-a UK en Lahtio enhavas bukedon da antaŭmikrofonaj renkontiĝoj de la kongresa semajno. Kun prof. Humphrey Tonkin ni levas la defiojn starantajn antaŭ la Libroservo kaj Biblioteko Hodler de UEA, kun Rodrigo Tavares ni i.a. parolas pri lia E-laboro en Brazilo, unutaga kongresano Michał Matuszewicz referencas al sia iama aventuro kiel radioaŭskultanto kaj Juha Metsäkallas informas pri la E-aktivado en Turku kaj sia vojo al movada aktiviĝo. En tiu parto de la elsendo ni prezentas fragmente la koncertan plenumon de Amira en la kanzono „Koloroj de la vento”.
La komencaj aktualaĵoj rilatas al la sukcesoj de polaj junaj matematikistoj dum la julia Matematika Olimpiko en Londono kaj pri tio, ke polaj infanoj en Litovio povos lerni ekde la nova lernojaro baze de lernolibroj venigotaj el Pollando.
Aparte ni atenigas pri la komenciĝonta post unu monato konata kaj ŝatata kultura evento ARKONES en Poznano – http://www.arkones.org/eo/. La akompana al la programinformo foto prezentas la nunjaran varbafiŝon pri ARtaj KONfrontoj en Esperanto.
La aktualaĵoj estas paralele aŭdeblaj kaj legeblaj ĉe nia paĝo post la alklako de la trabeto novaĵoj. La interparolojn kun Humphrey Tonkin, Rodrigo Tavares kaj Juha Metsäkallas eblas aŭskulti eksterelsende en la rubriko „Antaŭ la mikrofono”.
La elsendo troviĝos ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

2 komentoj al E_elsendo el la 20.08.2019

  • Paulo Sergio Viana skribis:

    Kun kontento mi atente aŭskultas viajn programojn, hodiaŭ speciale, ĉar vi honoris min per akcepto de mia propono fari koridorajn intervjuojn en la Universala Kongreso. Ili estas tre viglaj, kaj aparte mi aŭskultis kun ĝojo la interparolon kun la brazila aktivulo Rodrigo. Dankegon! Entute, viaj kongresaj sonregistroj estas tute agrablaj!

  • Apáti Kovács Béla skribis:

    Mi cxiam volonte auxskultas la radioelsendoj de Pola Radio. Gxin mi rekomendas al miaj gelernantoj, cxar la programoj estas interesaj kaj valoraj. Krome la paroloj estas bone kompreneblaj. Via pronoco estas bona. Ankaux la komencantoj facile komprenas Vin.
    Mil gratulojn al Vi, Via fidela auxskultanto Apáti Kovács Béla

Respondi

Retpoŝtadreso ne estos publikigita. Devigaj kampoj estas markitaj *

Tiu ĉi retejo uzas Akismet por malpliigi trudaĵojn. Ekscii kiel viaj komentaj datumoj estas traktataj.