Podkasto: Ludu en nova fenestro | Elŝutu
Ĉi-marde parton de nia E-elsendo ĉe www.pola-retradio.org ni dediĉas al literaturo, lige kun la solenata en Pollando Jaro de Julian Tuwim. Krom felietono dediĉita al la poeto ni citas el nia arkiva elsendo memorigante lian versaĵon „Epistolo sentimentala” en la traduko de Leo Belmont.
Komence de nia 244-a elsendo aŭdiĝas aktualaĵo, temoj el la pola gazetaro kaj scienca informo.
Ĉe la paĝo estas jam afiŝitaj tekstoj paralele aŭskulteblaj el la hodiaŭa elsendo en la rubrikoj Novaĵoj kaj Felietonoj.
Saluton al cxiuj,
Mi gratulas vin pro viaj altkvalitaj elsendoj. Mi deziras koni la nomon de la kantisto kaj de lia kanto. Vere mirinda!
Gxis reauxdo!
Patrick
La kantisto nomiĝas Tarcisio Lima. La titolo de la kanto – “Marborda Galopo”.
Elkorajn salutojn, almenaŭ tiom nun post nia renkontiĝo en Lodzo kun Barbara kaj Krystyna! Prosperon al vi ĉiuj kaj mi dankas pro viaj ĉiusemajnaj informfaskoj. Sed mi ŝuldas al vi multe pli vastan aŭskultraporton, do paciencon! Hodiaŭ aparte mi ĝuis la “invithimnon” de Tarcisio el la Fortaleza kongreso kaj “Epistolon sentimentalan” de Tuwim! Sed ne nur kompreneble. Bedaŭrinde inter svarmantaj ĉiutagaĵoj malfacilas trovi sufiĉan tempon eĉ por amikoj! Kiaj tempoj! Grandan dankon por la tuta skipo! Andreo
Ho, kiel mi sxatas la muzikon hodiaux, aparte la gitarkanton post la kontribuo pri Roberto Galo.
Estimataj, mi bonege auskultis hodiauan programon kaj vere admiras bonegan elparolon de Esperanto. Ĉion mi komprenis.Dankojn por la programo.