Kontaktu nin
Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.
Nombro de vizitoj


Gajan Paskon

Subtenu nin
Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima
Redakcia teamo
Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP
Arkivoj
Kategorioj

La 842-a E_elsendo el la 05.04.2019 ĉe www.pola-retradio.org

Tra nia hodiaŭa programo ŝpiniĝas la 60-jariĝo de la unua profesia E-redakcio en la oficiala publika radiofonio. Ni referencas al ĝi kun aparta atento, ĉar nia Pola retRadio en Esperanto daŭrigas de 8 jaroj – jam ekster la publika platformo, do ankaŭ ekster oficiala subteno – tiun ĉi tradicion, kun kiu estis kaj estas ligitaj generacioj da E-parolantoj dum preskaŭ sep jardekoj.
Komence de la vendreda elsendo ni proponas kulturkronikajn informojn, kiuj rilatas al la komuna „ĝemela” pola-franca poŝtmarko referencanta al la 100-jariĝo de la starigo de diplomatiaj rilatoj inter ambaŭ landoj; al la konkurso pri la paskaj ornamitaj ovoj el la suda regiono de Pollando, la t.n. Suprasilezia Regiono; al la valora aĉetaĵo de la Podlaĥia Librejo en Bjalistoko, kiu estas „Piaj Kantoj” de la 18-jarcenta poeto ligita kun la urbo, Franciszek Karpiński.
Maciej Jaskot reference al 60-jariĝo de la E-Redakcio de Pola Radio (04.04.1959) turnas sin kun la alvoko dividi rememorojn ligitajn kun la E-elsendoj de Pola Radio.
La E-komunumaj informoj ligiĝas kun Esperanto en la jara kunveno de SERVAS-Hispanio; kun la konkurso „Poezio el ĉiuj ĉieloj” [https://www.iconcorsidisamideano.it/sicilia-esperantista-esperantista-sicilio/], kies limdato pasas fine de aprilo; kun ampleksa dokumentaro de la familio Gastón Ugarte, kiu eniris La Provincan Arkivon de Zaragozo, inter kiu troviĝas materialoj ligitaj kun lia E-aktivado.
Fine de la elsendo ni invitas al Leterkesto.
Muzike akompanas nin Olivier Tzaut kantanta pri „Meksika lando” kaj Jogaile en la kanto „Kie dormas vent’”.
La akompana foto prezentas la Paskajn Ovojn el la Suprasilezia Regiono en la suda Pollando.
La elsendo estas aŭskultebla en jutubo pere de la kanalo Espero2009: https://www.youtube.com/results?q=pola+retradio&sp=CAI%253D

Play

Unu komento al E_elsendo el la 05.04.2019

  • Paŭlo Sergio Viana skribis:

    Ankaŭ mi povas ion kuriozan raporti pri la Pola Radio. Antaŭ multaj jaroj, antaŭ la interreta epoko, mi arde deziris aŭskulti viajn programojn. Sensukcese! Amiko rekomendis aĉeton de speciala radioaparato. Mi sekvis liajn indikojn, sed vane: en mia hejmo, en la interno de Brazilo, mi tute ne sukcesis kapti la ĝustajn ondojn. Nur unufoje mi sukcesis duonaŭdi tri-kvar vortojn, kaj tio kaŭzis al mi fortan emocion! Sed neniam plu… ĝis la alveno de la interretaj elsendoj. Mi ankoraŭ konservas la malnovan radioaparaton kiel relikvon!…

Respondi

Retpoŝtadreso ne estos publikigita. Devigaj kampoj estas markitaj *

Tiu ĉi retejo uzas Akismet por malpliigi trudaĵojn. Ekscii kiel viaj komentaj datumoj estas traktataj.