Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Nombro de vizitoj


Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

Elsendoj

La 903-a E_elsendo el la 18.10.2019 ĉe www.pola-retradio.org

Antaŭ 170 jaroj mortis la elstara pola komponisto Frederiko Chopin. Lige kun ĉi tiu datreveno ni dediĉas nian felietonon al la historio de lia koro, kiu troviĝas en unu el la pilastroj de la Baziliko de Sankta Kruco en Varsovio. Ĉiutage pilgrimas tien dekoj da muzikŝatantoj, turistoj kaj vizitantoj. De jaroj en lia mortodatreveno aŭdiĝas fidela al epoko plenumo de Rekviemo de Mozart.
Ankaŭ la komenca parto de la elsendo havas kulturan karakteron pro la tradicia en la vendreda programo kroniko. Hodiaŭ ni informas pri Gramophone-premio por la pola juna kontratenorulo Jakub Józef Orliński, pri la 140-jariĝo de la krakova Nacia Muzeo, pri la denova ekspozicio dediĉita al la mezepoka t.n. Średzki-trezoro kun la 14-jarcentaj juveloj.
Fine ni proponas leterkestan renkontiĝon. Muzike akompanas nin hodiaŭ Magnus per sia kanzono „Ekstere” el la KD „Elektronika Kompilo” de Vinilkosmo. La akompananta al la programinformo interreta foto prezentas la pilastron kiu kaŝas la koron de Frederiko Chopin en la varsovia Sanktakruca Bazilio. En niapaĝa rubriko „Kulturkroniko”, post la alklako de la samtitolita trabeto eblas aŭdi kaj samtempe legi la tekstojn de niaj kulturkronikaj informoj. La felietono pri la historio de la koro de Frederiko Chopin estas samtempe legebla kaj aŭskultebla en la rubriko „Felietonoj”. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 902-a E_elsendo el la 15.10.2019 ĉe www.pola-retradio.org

Hodiaŭ apartan atenton ni donas al Olga Tokarczuk kiu ricevis la premion en la kategorio literaturo por 2018, fariĝinte tiel la 5-a Nobelpremiito el Pollando. Al ŝi kaj ŝia kreado estas dediĉita felietono de Maciej Jaskot.
En la aktualaĵoj ni informas pri la parlamentaj balotoj en Pollando 2019, ni prezentas la alvokojn al Turkio direktitajn de la Eŭropa Unio kaj la usona prezidento. Ni informas krome, ke la polaj futbalistoj elbatalinte avancon al Eŭro 2020 surmetis T-ĉemizojn kun la E-lingva sloganto „Tria avanco”. En la scienca bulteno ni informas pri plasto inventita de usonaj sciencistoj, 14-oble pli firma ol ŝtalo.
Muzike akompanas nin „La perdita generacio” per la fragmento de la kanzono „Ne normalas nur kutimas” el la KD „Eksplodigos nian domon” eldonita de Vinilkosmo. La akompana interreta foto prezentas polajn piedpilkistojn post la venka dimanĉa matĉo, dank’ al kiu ili avancis al Euro 2020. Atentinda estas la dorsa flanko de ilia T-ĉemizo kun la E-lingva slogano „Tria avanco”.
La ebleco aŭskulti kaj legi paralele la aktualaĵojn en niapaĝa rubriko „Novaĵoj” kaj la sciencbultenan temon en la rubriko „Sciencaj informoj” praktike kontribuas al altigo de aŭdkompreno kaj parolkapablo. Uzu ĝin, rekomendu al aliaj ! La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 901-a E_elsendo el la 11.10.2019 ĉe www.pola-retradio.org

La ĉefparto de nia vendreda E-elsendo estas dediĉita al la memoro de la forpasinta la 9-an de oktobro 2019 nepo de Ludoviko Lazaro Zamenhof – Ludoviko Kristoforo Zaleski-Zamenhof. Ni memorigas el nia raporto el la Lilla UK lian alparolon dum la Solena Inaŭguro (26.07.2015), en kiu kiel la sekvajn familiajn kongressalutantojn li indikis siajn filinojn Margareta Zaleski-Zamenhof kaj Hanna Zaruski-Zamenhof.
Nia kulturkronika informo sciigas pri la literaturaj Nobel-premiitoj 2018 kaj 2019. Tiun ĉi por la 2018-a jaro anoncitan nunjare ricevis verkistino el Pollando, Olga Tokarczuk. La E-komunuma informo rilatas al la invito de junaj tajvanaj esperantistoj al la projekto KULTURO. Muzike akompanis nin Ĵomart kaj Nataŝa per sia interpreto de la poemo de Ludoviko Lazaro Zamenhof „Ho’ mia kor’”. Kiel la programinforman foton ni elektis tiun el la Bjalistoka UK (2009), kiam Ludoviko Kristoforo Zaleski-Zamenhof alparolas la publikon ĉe la podia tablo.
En niapaĝa rubriko „Kulturkroniko”, post la alklako de la samtitolita trabeto vi povas aŭdi kaj samtempe legi la tekston de nia kulturkronika informo. La omaĝteksto rememore al la forpasinta Ludoviko Kristoforo Zaleski-Zamenhof troviĝas en la rubriko „Felietonoj”. Tie paralelas ĝin la sondokumenta versio. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 900-a E_elsendo el la 08.10.2019 ĉe www.pola-retradio.org

La antaŭmikrofona gasto de nia marda elsendo estas Katalin Kováts, sub kies gvido dum la aŭtuna sesio de Interlingvistikaj Studoj ĉe Adam Mickiewicz-universitato komenciĝis unujara Instruista Trejnado por studentoj de la 3-a studojaro kaj 12 aliaj personoj, kiuj krome al ĝi aliĝis. Ni interparolas krome pri la instruista trejnado ĉe edukado.net, RITE.
En aktualaĵoj ni informas pri la komuna starpunkto de Pollando, Francio kaj Germanio rilate la agronomian politikon en la Eŭropa Unio kaj ankaŭ pri bonaj ekonomiaj rezultoj, kiujn de kelka tempo notas Pollando.
La sciencbultena temo estas dediĉita al enzorgiga malkresko de birdoj en la Norda Ameriko. Muzike akompanas nin Vojaĝo per  fragmento de la kanzono „La Tero suferas” el la KD „Planedo nia” eldonita de Vinilkosmo. La akompana interreta foto prezentas birdojn de Kanado.
La ebleco aŭskulti kaj legi paralele la aktualaĵojn en niapaĝa rubriko „Novaĵoj” kaj la sciencbultenan temon en la rubriko „Sciencaj informoj” praktike kontribuas al altigo de aŭdkompreno kaj parolkapablo. Uzu ĝin, rekomendu al aliaj ! La interparolo kun nia antaŭmikrofona gasto, Katalin Kováts aŭdiĝas ankaŭ eksterelsende en la rubriko „Antaŭ la mikrofono”. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 899-a E_elsendo el la 04.10.2019 ĉe www.pola-retradio.org

Antaŭ kelkaj tagoj la Kongresa Fako de UEA disendis konfirman informon pri la aliĝintoj al la Montreala UK. Ni uzas la okazon por prezenti al vi germanan E-aktivulon Thomas Bormann, kiu aŭkcie en Lahtio akiris la 1-an lokon por UK-2020. Nia antaŭmikrofona renkontiĝo estas la okazo i.a. rememori liajn gepatrojn, E-aktivulojn Elsbeth kaj Werner Bormann kaj paroli pri ilia e-ista vivo.
Niaj kulturkronikaj informoj sciigas pri la spektakloj de la azia arto en la Instituto de Jerzy Grotowski en Vroclavo (la suda Pollando) kaj pri la svisa Cuturescapes 2019 en kies nunjara eldono la ĉefheroo estas Pollando.
La E-komunuma informo rilatas al la oktobra pedagogia staĝo en la franca Kvinpetalo. En la fino ni proponas Leterkestan renkontiĝon.
Muzike ni memorigas fragmente la kanzonon de Ĵomart kaj Nataŝa „Laciĝis tago” dezirante per ĝi al Ĵomart rapidan kaj plenan resaniĝon post grava operacio. La programinformon akompanas interreta foto pri la artafiŝo de Rafał Olbiński por la opero „Reĝo Roger”, rilate al nia kulturkronika informo.
Por altigi la aŭdkomprenon kaj parolkapablon aŭskultu kaj legu paralele la kulturkronikajn informojn en niapaĝa rubriko „Kulturkroniko”, post la alklako de samtitolita trabeto. Ĉiu teksto estas provizita per informo pri la longodaŭro. La interparolo kun nia antaŭmikrofona gasto, Thomas Bormann troviĝas eksterelsende en la rubriko „Antaŭ la mikrofono”. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 898-a E_elsendo el la 01.10.2019 ĉe www.pola-retradio.org

Post plursemajna feria kaj kongresa paŭzoj ni proponas hodiaŭ denovan rendevuon kun nia klasika literaturo tradukita. Ni prezentas la 85-an fragmenton de la romano „Quo Vadis” de la pola Nobel-premiito Henryk Sienkiewicz en la E-traduko de Lidia Zamenhof.
En la komencaj aktualaĵoj ni informas pri vastigita kunlaboro de la Naturscienca Universitato en Poznano kun ĉinaj altlernejoj. Ni notas 70-jariĝon de Ĉina Popola Respubliko, sed ankaŭ referencas al la politika krizo en Hongkongo. La sciencbultena temo eksplikas sanigajn proprecojn de acidĉeriza suko por personoj grizaĝaj.
La 1-an de oktobro pasas Internacia Tago de Muziko, ni mencias ĝin kaj ĝian gravecon en nia vivo komence de la elsendo.
La aktualaĵoj kaj la sciencbultena temo estas samtempe legeblaj kaj aŭskulteblaj post la alklako ĉe nia paĝo de la trabetoj „novaĵoj” kaj „sciencaj informoj”. La programinformon akompanas foto de acidĉeriza suko. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 897-a E_elsendo el la 27.09.2019 ĉe www.pola-retradio.org

Hodiaŭ nia antaŭmikrofona gasto estas la renkontita dum ARKONES en Poznano, Aleksandr Korĵenkov kun kiu ni interparolas i.a. pri la nunjare eldonita „Baza Literatura Krestomatio”. Interesiĝantoj povas aĉeti ĝin en la Libroervo de UEA (https://katalogo.uea.org/).
Niaj komencaj kulturkronikaj informoj rilatas al laŭvica Konfucea Instituto antaŭnelonge funkciigita en Pollando kaj pri renovigita kaj rearanĝita Muzeo de Muzikaj Instrumentoj en Poznano.
Hodiaŭ ni proponas konatiĝi kun la koninda urbo Tczew en la norda Pollando. La E-komunuma informo rilatas al oktobra kongreso de ĉeĥaj esperantistoj (http://www.esperanto.cz/eo/akce/kongreso-de-ea-1104.html). Ĉeokaze eblas viziti la E-Muzeon en Svitavy (http://muzeum.esperanto.cz/eo/ligiloj).
Unu kulturkronika informo kaj felietono estas samtempe legeblaj kaj aŭskulteblaj post la alklako ĉe nia paĝo de la trabetoj „kulturkroniko” kaj „felietonoj”. La interparolo kun nia antaŭmikrofona gasto troviĝas eksterelsende en la rubriko „Antaŭ la mikrofono”. La programinformon akompanas interreta foto pri la urbo Tczew, al kiu estas dediĉita nia felietono. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 896-a E_elsendo el la 24.09.2019 ĉe www.pola-retradio.org

Multaj eventoj okazis pasintsemajne en Poznano (la okcidenta Pollando). Antaŭ nia mikrofono gastas prof-ino Ilona Koutny informante pri la ĵus okazinta aŭtuna sesio de la Interlingvistikaj Studoj ĉe A. Mickiewicz-universitato. Pri la sekvinta semajnfine Artaj Konfrontoj en Esperanto, ARKONES ni interparolas kun unu el la ĉeforganizantoj Tobiasz Kaźmierski.
La komencaj aktualaĵoj koncernas la daŭrantan en Novjorko klimatan pintrenkonton kaj enketon de Eurostat pri la nunjaraj parlamentaj balotoj en la Eŭropa Unio. La sciencbultena temo sojle de aŭtuno 2019 en nia hemisfero jam pritaksas la nunjaran someron, laŭvican someron kun kreskantaj temperaturoj laŭ mezuroj de klimatologoj.
Muzike akompanas nin Anjo Amika. Temas pri fragmento de ŝia koncerto dum Arkones, en kiu la konata itala kanzono „O, Sole mio” ekhavis E-komunumrilatan emfazon. La programinformon akompanas interreta foto pri bela pola aŭtuno.
La aktualaĵoj kaj la sciencbultena temo estas samtempe legeblaj kaj aŭskulteblaj post la alklako de la trabetoj „novaĵoj” kaj „sciencaj informoj” ĉe nia paĝo. Interparoloj kun niaj antaŭmikrofonaj gastoj estas aŭskulteblaj eksterelsende en la rubriko „Antaŭ la mikrofono”. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 895-a E_elsendo el la 20.09.2019 ĉe www.pola-retradio.org

La vendreda sonsceno pri la 104-a UK en Lahtio enhavas la duan parton de la programero, en kiu al la kongresa publiko prezentis sin novaj estraranoj. En ĝi aŭdiĝas la sinprezentoj de la estraranoj SO Jinsu el Koreio, Jérémie SABIYUMVA el Burundo kaj Orlando E. RAOLA el Usono. Ni informas en la fino pri la disdivido de la estraranaj taksoj laŭ la 812-a Gazetara Komuniko de UEA.
Niaj kulturkronikaj informoj havas sociemfazan fonon. Ni informas pri la muzikalo „Ĉesigita silento”, kiu rakontas historion de personoj reakirintaj postoperacie la aŭdokapablon kaj samtempe malkovrintaj sian muzikan talenton. La alia informo rilatas al la kampanjo, kiu celas intimigi infanojn kun la legado ekde la plej fruaj vivmomentoj.
La kulturkronikaj informoj estas samtempe legeblaj kaj aŭskulteblaj post la alklako de la trabeto „kulturkroniko” ĉe nia paĝo. La programinformon akompanas interreta foto de novaj estraranoj de UEA. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 894-a E_elsendo el la 17.09.2019 ĉe www.pola-retradio.org

En la marda sonsceno pri la 104-a UK en Lahtio ni prezentas la unuan parton de la programero, en kiu al la kongresa publiko prezentis sin novaj estraranoj. En ĝi aŭdiĝas sinprezentoj de la prezidanto de UEA, Duncan Charters; de la vicprezidantoj Fernando Maia kaj Huang Yinbao – Trezoro kaj de la ĝenerala sekretario – Aleks Kadar. Duncan Charters prezentas krome la sinprezenton de la estrarano Amri Wandel, kiu pli frue devis forlasi Lahtion. La komencaj aktualaĵoj rilatas al la germana propono akcepti 25 mil enmigrantojn, kiuj celis Italion; ni informas krome pri nova kunlabora pola-ĉina projekto nun realigata en la urbo Olsztyn. La scienca temo traktas la beban balbutetadon kaj gravecon de la gepatra reago je ĝi por akceli la parolevoluon de siaj infanoj. La komencaj aktualaĵoj kaj la sciencbultena temo estas samtempe legeblaj kaj aŭskulteblaj post la alklako de la trabetoj „novaĵoj” kaj „sciencaj informoj”. La programinformon akompanas foto de novaj estraranoj de UEA dum la kongresa programero „Nova estraro sin prezentas”. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

 

Play