Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

La naskiĝurbo de Esperanto

Arkivoj

Kategorioj

Elsendoj

La 770-a E_elsendo el la 13.07.2018 ĉe www.pola-retradio.org

– Nia komenca kulturkronika informo rilatas al ege interesa, la unuan fojon tiom ampleksa en Pollando, ekspozicio de la pentraĵoj de la 19-jarcenta pola pentristo, vivinta en Munkeno, Józef Brandt.
– Tiun kulturkronikan informon sekvas sciigo pri nova KD de la brazila kantisto Rafael Milhomem, „Flugantaj Melodioj” disponigebla pere de Vinilkosmo [https://www.vinilkosmo-mp3.com/eo/blogo/84-albumo-flugantaj-melodioj-de-rafael-milhomem-esperanta-klasika-muziko.html]. Ni citas la vortojn de la kantisto pri ĉi tiu KD, kiujn li aperigis pere de jutubo: https://www.youtube.com/watch?v=uNcUBbBF4To.
– La E-komunumaj informoj rilatas al la proksimiĝanta 103-a UK en Lisbono. UEA serĉas volontulajn filmontojn de la kongreso. Oni kontaktu tiurilate estraranon Emilio Cid; La nunjara premio Maŭro La Torre estas aljuĝita. Ĝi estos enmanigita dum la kongresa Tago de la Lernado. Ĝian enkondukan programon ni prezentas sekve.
– En la nunsemajna Leterkesto ni i.a. dankas pro la informa disvatigado de niaj elsendoj kaj prezentas sonmesaĝon de unu el niaj ĉinaj aŭskultantoj.
– Muzike ni memorigas fragmente la kanzonon „La aventuro” de KTP el ilia KD eldonita de Vinilkosmo „Plaĉas al mi”. KTP prezentiĝos en la kultura programo de la baldaŭa Hispana E-Kongreso.
– Nia programrilata interreta foto prezentas la tolaĵon de Józef Brandt „Fuĝo”.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 769-a E_elsendo el la 10.07.2018 ĉe www.pola-retradio.org

– Hodiaŭ en la literatura segmento de nia programo aŭdiĝas la 72-a fragmento de la romano „Quo Vadis” de Henryk Sienkiewicz en la E-traduko de Lidia Zamenhof.
– La komencaj aktualaĵoj rilatas al la 75-a datreveno de la krimo efektivigita en Wołyń-regiono dum la 2-a mondmilito fare de la ukrainaj UPA-bandoj. Sekve de ĝi dekoj da miloj da senkulpaj polaj civiluloj, inkluzive de virinoj kaj infanoj estis murditaj en enorme kruela maniero. La alia informo rilatas al la negativa starpunkto de Pollando limigi la interretan parolliberecon.
– La sciencbultena temo traktas esplorojn de polaj sciencistoj pri la homa voĉo kiel faktoro de senvorta komunikado.
– Muzike akompanas nin „La Perdita Generacio”. Ni memorigas fragmente la kanton „Ĉu timigas la ombro” el ilia KD „Eksplodigos vian domon”.
– La interreta foto prezentas la polan prezidenton, kiu lastdimanĉe metis florkronon en la senhomigita vilaĝo Pokuta omaĝe al ĉiuj hombuĉitaj poloj dum la etna ekstermado en Wołyń-regiono en la periodo februaro 1943 – februaro 1945.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 768-a E_elsendo el la 06.07.2018 ĉe www.pola-retradio.org

– Hodiaŭ nia antaŭmikrofona gasto estas Peter Baláž, kiu en la nomo de E@I informas nin pri la komenciĝonta post unu semajno Somera E-Studado en Slovakio.
– La komenca kulturkronika informo sciigas pri retrovo de enorme interesa pola mezepoka teksto pri Dialogo de Majstro Polikarpo kun la Morto, kiu similas al ĉi-rilataj tekstoj en la eŭropa literatur o, sed ankaŭ distingiĝas pri la propra bildo de la Morto, kiu ne estas la homa skeleto, sed la bildo de… leprulino.
– La E-komunuma informo rilatas al la eventoj de IKUE planitaj dum la Lisbona UK. Temas i.a. pri la unua prilgrmo al Fatima.
– Muzike akompanas nin la ensemblo Keĉka per la slovaka popola kanto „Violon’ acera”.
– La interreta foto rilatas al la informo pri la retrovita plena teksto de Dialogo de Majstro Polikarpo kun la Morto.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 767-a E_elsendo el la 03.07.2018 ĉe www.pola-retradio.org

– Hodiaŭ la muzika parto de la nia elsendo estas dediĉita al la plej lasta KD de la ensemblo Espo Despo el 2016 „Espo Bosniumas” eldonita de Vinilkosmo. Fragmente ni citas el la kanzonoj „Viŝegrad”, „Fenestro”, „Branĉo de pino” kaj „Mostar”.
– La komencaj aktualaĵoj informas pri sukcesoj de pliaj polaj altlernejoj en la prestiĝa rangolisto QS World University Ranking; pri Ekoparko en Gdanska Studenta Urbeto kaj pri edukprojekto adresita al la pola junularo titolita „Polaj civitanoj en la koncentrejo Auschwitz”.
– La sciencbultena temo traktas pri nova, neinvada lasera kuracmetodo de miopeco.
La akompana interreta foto prezentas la Varsovian Universitaton.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 766-a E_elsendo el la 29.06.2018 ĉe www.pola-retradio.org

– En la hodiaŭa felietono el la ciklo Koninda Pollando ni proponas viziton en la Kastelo de Gołuchów, en la Poznana regiono. Temas pri unu el la plej belaj objektoj en Pollando funkcianta kiel muzeo dank’ al la iniciato de ĝia 19-jarcenta posedantino, princino Izabella Czartoryski-Działyński. Elektitaj eksponaĵoj el ĝia kolekto estas nun ekspoziciataj en la Nacia Muzeo de Poznano.
– La komencaj kulturkronikaj informoj koncernas la finiĝantan en Varsovio ekspozicion de leteroj de Frederiko Chopin, la 10-jariĝon de la rekreita Orkidejo en la Kastelo de Łańcut (la sudorienta Pollando) kaj la 1918 muzeajn edukeventojn en la regiono de Krakovo lige kun la 100-jariĝo de pola sendependeco akirita en la 1918-a jaro.
– La komunuma parto de la elsendo enhavas informojn pri la rezultoj de la franca poezikonkurso, en kiu nunjare la unuan fojon eblis partopreni uzante Esperanton, pri nova ZEO en Hispanio kaj fine pri la jama ebleco aliĝi al la mimozsezona Meditereanea Semajno en Les Issambres, Francio en marto 2018.
– Tra la elsendo aŭdiĝas la kanzono de Ramona van Dalsem „La mondo ne estas florĝardeno”.
La akompana interreta foto prezentas la silueton de la kastelo en Gołuchów.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 765-a E_elsendo el la 26.06.2018 ĉe www.pola-retradio.org

– Hodiaŭ ni denove proponas Trarigardon de la E-Gazetaro, en kiu ni foliumas la 150-an numeron de „La Lampiro”, la majan kaj junian numerojn de „La Revuo Orienta”, la 3-an nunjaran numeron de „Norvega Esperantisto” kaj la junian numeron de „Esperantolehti”.
– La komencaj aktualaĵoj rilatas al la migroproblemoj en la Unio kaj en Pollando; al la alvoko de Konsilio de Eŭropo al Rusio pri redono de la vrako de la pola aviadilo kaj aliaj dokumentoj ligitaj kun katastrofo apud Smolensko de antaŭ 8 jaroj; al la populareco de Muzeo de Johano Paŭlo la 2-a en lia naskiĝloko Wadowice.
– La sciencbultena temo traktas tion, kiel prepar- kaj servomaniero de krudaj fruktoj kaj legomoj efikas sanige.
– En la hodiaŭa elsendo kantas SoNori memorigante fragmente sian originalan E-kanton „Ĉio estus vana”.
La akompana foto el la Interreto prezentas internon de la Muzeo en la naskiĝdomo de Johano Paŭlo la 2-a en Wadowice.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 764-a E_elsendo el la 23.06.2018 ĉe www.pola-retradio.org

– En la hodiaŭa felietono el la ciklo Koninda Polo ni prezentas la silueton de homo – nun iom forgesita, sed siatempe difinata kiel la pola Edison, aŭtoro de 50 inventaĵoj kaj kelkcent patentumitaj teknikaj solvoj koncerne koloran fotografion, teksadon aŭ televidon, Jan Szczepanik.
– La komencaj informoj rilatas al kulturkampaj aktualaĵoj – la ebleco fari virtualan promenon tra la plej fama pola Dipatrina Sanktejo ĉe Hela Monto en Częstochowa [http://www.zdjecialotnicze.pl/wirutalnyspacer/JasnaGoraPL.html] kaj konstanta Korea Artgalerio en la varsovia Etnografia Muzeo.
– Nia ampleksa E-komunuma segmento liveras informojn pri planoj enmovadigi naciligvajn E-lernantojn de Duolingo; pri nova ZEO-o, t.e. Placo de famaj siatempe esperantistaj gefratoj el la itala Massa, Cattina kaj Mario Dazzini; Pri Kultura Semajno en Salou, Hispanio, en oktobro 2018 (http://esperanto-salou.blogspot.com.es/2018/01/aligilo-salou-2018.html); pri senpage riceveblaj E-libroj (eldona@esperantosverige.se);
– La akompana foto el interreto prezentas la unuan en la mondo aŭtomatan teksomaŝinon, kiun aŭtoris Jan Szczepanik.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 763-a E_elsendo el la 19.06.2018 ĉe www.pola-retradio.org

– Ni proponas laŭvican renkontiĝon kun E-literaturo prezentante la 71-an fragmenton de la romano „Quo Vadis” de la pola Nobel-premiito Henryk Sienkiewicz en la E-traduko de Lidia Zamenhof.
– La komencaj aktualaĵoj informas pri ŝanĝo de sinteno rilate laborcelan migradon de poloj, kiuj preferas labori kaj enspezi en la lando; pri oficistoj el la suda Pollando, kiuj lernas facilan polan lingvon por komuniki kun klientoj; pri la vizito de polaj kulturkreantoj en la pariza Unesko-sidejo, inter kiuj estis ankaŭ polaj sakŝalmistoj.
– Nia sciencbultena temo referencas al la diskutata temo pri negativaj sekvoj de perturboj en la biologia horloĝo por la homa sano, i.a. psika.
– La interreta foto prezentas la sakŝalmistojn el Zakopane, la suda Pollando, kiuj kun sakŝalmistoj el aliaj landoj de la regiono klopodas, ke ilia muzika tradicio ektroviĝu en Unesko-listo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 762-a E_elsendo el la 15.06.2018 ĉe www.pola-retradio.org

– En nia felietono el la ciklo Koninda Pollando ni prezentas hodiaŭ mallonge la plej profundan lagon de nia lando, Hańcza.
– La nunsemajna kulturkroniko liveras informojn pri du interesaj ekspozicioj en Varsovio: pri la pentroarto de kortega pentristo de la lasta pola reĝo Marcello Bacciarelli kaj pri la imperiestro de Francio Napoleono, en kiu ekspozicio videbliĝas liaj notoj pri la lernado de la angla lingvo.
– La E-komunumaj informoj koncernas la daŭrantajn laborojn pri raporto rilate universitatnivelan instruadon de interlingvistiko por la lisbona Nitobe-simpozi [https://docs.google.com/forms/d/e/1FAIpQLScbbRFmYxuenq7Uxbejf0PLWACi5ICX03jWEdGBUaUVJrijt/viewform?usp=sf_link]

kaj la juniajn semajnfinajn eventojn en Eŭropo, aparte Antverpeno [“De National” – Lange Beeldekensstraat 152 – 2060 Antwerpen] kaj Roskilde [www.roskildefestivalo.dk].
– Aŭdiĝas krome la Leterkesta programero.
– Muzike akompanas nin hodiaŭ Manno Montanna per la fragmento de la kanzono „Haleluja”, kiun li disponigis al nia redakcio, pro kio ni kore dankas. Muzike al Roskilde-festivalo invitas Kim. En Leterkesto ĴeLe kantas fragmente sian kanzonon pri Du Kverkoj.
– La interreta foto prezentas la heroon de nia felietono, la lagon Hańcza.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 761-a E_elsendo el la 12.06.2018 ĉe www.pola-retradio.org

– Hodiaŭ nia antaŭmikrofona gasto estas la Konstanta Kongresa Sekretario, Clay Magalhães, kiu liveras al ni plej freŝajn informoj pri la Lisbona UK kaj dividas kelkajn pliajn sciigojn pri la UK en la finna Lahtio en 2019. Iu el la allogaj sciigoj por la nunjaraj lisbonaj kongresanoj estas la favorpreza manĝo en iu el la studentaj domoj, kiu egalos al 2.50-2.80 eŭroj. Eblas daŭre aliĝi al la 102 UK per https://uea.org/kongresoj/alighilo.
– Hodiaŭ ni proponas krome novan programeron, kiu estas la aŭtora Kulturfolio de Maciej Jaskot. Ĝi estas dediĉita al la pola verkistino Olga Tokarczuk distingita per la nunjara Internacia Booker-premio. De la reagoj dependos, kiom ofte la nova programero audiĝos en niaj elsendoj.
– La komencaj aktualaĵoj rilatas al la historia renkontiĝo kaj subskribita dokumento inter la gvidantoj de Usono, Donald Trump kaj de la Norda Koreio, Kim Dzong Un en Singapuro. Pliaj aktualaĵoj koncernas novan migropolitikon de Italio, la reagojn de Germanio kaj Eŭropa Komisiono je malakcepto de ŝipo kun migrantoj fare de Italio kaj preskaŭ 5 miliardoj da eŭroj en la unia buĝeto por Germanio pro ĝia migropolitiko iniciatita de Angela Merkel en 2015.
– Nia sciencbultena temo estas dediĉita al la unua televidilo stirata per cerboondoj, aparte grava por personoj kun mova handikapiteco.
– La interreta foto prezentas la heroinon de la Kulturfolio, Olga Tokarczuk kun la ricevita Booker-premio.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play