Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

La naskiĝurbo de Esperanto

Arkivoj

Kategorioj

Elsendoj

La 797-a E_elsendo el la 16.10.2018 ĉe www.pola-retradio.org

Post iom longa periodo, en kiu en niaj elsendoj dominis sondokumentoj, ni revenas ankaŭ al prezento de E-literaturo. Hodiaŭ ni proponas la 73-an fragmenton de la romano de la pola Nobel-premiito Henryk Sienkiewicz „Quo Vadis” en la E-traduko de Lidia Zamenhof.
Niaj aktualaĵoj rilatas al la pola vetoo en la Konsilio de la Eŭropa Unio, kaj al la 40-a datreveno de la elekto de Kardinalo Karol Wojtyła – la papo de la Romkatolika Eklezio, alpreninta la nomon Johano Paŭlo la 2-a.
La esploroj pri la artefaita inteligenteco konkeras sciencistajn laborejojn. Hodiaŭ ni parolas pri tri novaj rilataj centroj, kiujn establis la korea Samsung.
Muzike akompanas nin la kanzono de „Dolchamar” el ĝia KD Rebela Sono, „Ni, ĉiuj ni” eldonita de Vinilkosmo.
La akompana al la programinformo foto prezentas la historian scenon, kiam sur la balkono de la Baziliko de la Sankta Petro, la 16-an de oktobro 1978 aperis nova papo, Johano Paŭlo la 2-a. Tiu ĉi papo kiel la unua publike uzis Esperanton.
Nia elsendo estas aŭskultebla ankaŭ en jutubo Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

La 796-a E_elsendo el la 12.10.2018 ĉe www.pola-retradio.org

Jam post unu semajno en la urbo Aalen (Germanio) okazos solenaĵo, dum kiu estos transdonita la nunjara premio de ĉi tiu urbo FAME. Kiel ni jam informis la premiito en 2018 estas prof-ino Ilona Koutny. Pri ĉi tiu premio, sed ne nur pri ĝi, ni interparolas kun Ulrich Mattias, membro de la estraro de FAME-fondaĵo.
Niaj kulturkronikaj informoj rilatas al la multnombre vizitata Muzeo de la Bierfarejo en Żywiec (la suda Pollando), al la surrokaj pentraĵoj malkovritaj de pola arkeologo en Tanzanio kaj al interesa evento en la Etnografia Muzeo en Toruń (la norda Pollando). Gastos en ĝi la plej proksiman sabaton Helena Skonieczka, konata en la regiono poetino kaj esperantistino. Ni proponas en nia programo ŝian poeziaĵon „Ni donu al ni la manojn” el la volumento „Teneraj rigardoj”.
Muzike ni proponas reaŭskulti fragmenton de la kanzono „Morgaŭ”, kiun por la E-vortoj de Lorenzo Tomezzoli kantas Mélanie Prin. Krome ni informas pri la ĵus aperinta ĉe Vinilkosmo (https://www.vinilkosmo-mp3.com/eo/blogo.html) bita eldono de l’ albumo „Tute ne gravas” de AMPLIFIKI.
La akompana al la programinformo foto prezentas bildon rilatan al la Muzeo de la Bierfarejo Żywiec.
Nia elsendo estas aŭskultebla ankaŭ en jutubo Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 795-a E_elsendo el la 09.10.2018 ĉe www.pola-retradio.org

Nia hodiaŭa antaŭmikrofona gasto estas prof-ino Ilona Koutny, kun kiu ni interparolas pri la aŭtuna sesio de la Interlingvistikaj Studoj, pri ilia historio, sed krome pri ŝiaj revoj, planoj kaj esperoj en la kunteksto de baldaŭ transprenota de ŝi FAME-premio de la urbo Aalen, Germanio.
La komencaj aktualaĵoj koncernas sciencan konferencon en Pollando kaj Hungario dediĉitan al la signifo de papo Johano Paŭlo la 2-a por la politikaj transformiĝoj en la ŝtatoj kaj eklezioj de la Centra Orienta Eŭropo. La sekva informo rilatas al la dediĉo de la Paca Nobel-premio fare de ĝiaj nunjaraj laŭreatoj, favore al virinoj, viktimoj de la militperforto.
Nia sciencbultena temo ĉi-semajne rilatas al la signifo de meditado je la cerbofunkciado.
Muzike ni prezentis la fragmenton el la aŭtora koncerto de Georgo Handzlik el la lasta ARKONES en Poznano, dum kiu li kantis kun sia filino, Dominika i.a. pri la Verda Fortuno.
La akompana al la programinformo foto prezentas prof.-inon Ilona Koutny ĉirkaŭitan de studentoj.
Nia elsendo estas aŭskultebla ankaŭ en jutubo Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 794-a E_elsendo el la 04.10.2018 ĉe www.pola-retradio.org

Ĉi-semajne red. Barbara Pietrzak gastas dum la 26-a Internacia Semajno de la Kulturo kaj Turismo en la kataluna Salau, Katalunio, dum kiu ŝi estis distingita per la premio „Ada Fighiera-Sikorska” pro sia longdaŭra kaj plurflanka E-laboro. Pri la tradicioj kaj la nuno de la Semajno ŝi interparolas antaŭmikrofone kun Rosa Lopez, la aktuala ĉeforganizanto de la aranĝo.
La komencaj aktualaĵoj rilatas al la donitaĵoj de la Eŭropa Statistika Oficejo Eurostat pri la konsumado de ĉokoldado en la Unio kaj Pollando, pri la pola-finna kosma kunlaboro, kaj pri novkreiĝanta centro de la Konfucea Instituto en Krakovo (la suda Pollando).
En la fino de la elsendo aŭdiĝas nia sciencbultena temo, kiu koncernas la ĉirkaŭpreĝejan medion kiel vivejon de varispeciaj birdoj.
Muzike ni memorigas la kanzonon de KTP „La aventuro” el ĝia KD „Plaĉas al mi” eldonita kun Vinilkosmo.
La akompana al la programinformo foto prezentas la transdonon de la premio Ada Fighiera Sikorska fare de Rosa Lopez al red. Barbara Pietrzak.
Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 793-a E_elsendo el la 28.09.2018 ĉe www.pola-retradio.org

Nia antaŭmikrofona gasto estas hodiaŭ prof. d-ro Duncan Charters el Usono, kiu dum la Lisbona UK gvidis plurhoran sesion de Tago de Lernado, nunjare dediĉitan al la temo „Aliro al kulturoj pere de la lingvo Esperanto” kaj sumigas por ni la ĉefkonkludojn de ĉi tiu programero, al kiu kontribuis eŭropaj kaj ekstereŭropaj prelegantoj.
Nia ampleksa komenca kulturkronika informo rilatas al elstaraj pianistoj, en kies repertauaro gravan rolon ludas la muziko de Frederiko Chopin – Nelson Goerner (Argentino) kaj Dang Thai Son (Vjetnamio), kiuj estis distingita per la medaloj >Meritiĝinta por la Kulturo Gloria Artis<. En la fino de la elsendo ni proponas leterkestan renkontiĝon. Muzike ni memorigas la kanzonon de Daimi el Kubo „La Feliĉo”. La akompana elinterreta foto prezentas la laŭretojn de la nunjaraj medaloj >Meritiĝinta por la Kulturo Gloria Artis< Nelson Goerner (Argentino) kaj Dang Thai Son (Vjetnamio).
Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 792-a E_elsendo el la 25.09.2018 ĉe www.pola-retradio.org

En nia hodiaŭa programo ni renkontiĝas kun la ĉeforganizinto de la 34-a eldono de la Internaciaj Konfrontoj en Esperanto, ARKONES en Poznano, Tobiasz Kaźmierski. La evento okazinta lastsemajnfine i.a. omaĝis la figuron de la forpasinta jarkomence Paweł Janowczyk, longjara pola E-aktivulo, kiu ekde la komenco estis ligita kun ĉi tiu cikla aranĝo, kiu en 2010 estis distingita per la premio de Grabowski-fondaĵo.
Niaj aktualaĵoj informas pri la nova statuso de Pollando sur la internacia areno, kiu estas membriĝo en la klubo de evoluintaj landoj kaj pri enorma nombro da israelanoj, kiuj akiras la polan pasporton. La laŭvica informo rilatas al naturfenomenoj kaj pli frua forflugo de cikonioj.
Birdoj, la trudaj kolumpsitakoj, estas la ĉefheroo de nia sciencbultena rubriko. temoj.
Ĝis la fino de septembro eblas ankoraŭ kontribui al la Esperanta Literatura Konkurso “Hristo Gorov” per rakonto aŭ eseo. Konkursaĵojn oni sendu al modest@ abv,bg aŭ per tradicia poŝto adresita al Georgi Mihalkov, Sofio 1229, “Vrabnica” 1, bl. 529 vh. A et. 9 ap. 33, Bulgario.
Muzike nian elsendon akompanas koncertaj surbendigoj el Arkones 2018. Kantas Jogailė Čojūtė kun la korea teamo dum la koncerto „Pacon Kune” kaj Georgo Handzlik kun la filino Dominika.
La akompana elinterreta foto prezentas la forflugantajn cikoniojn, kiujn ni esperas revidi en marto 2019.
Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 791-a E_elsendo el la 21.09.2018 ĉe www.pola-retradio.org

En septembro ekfunkciis la 4-jaraj studoj pri Esperanto en la ĉina universitato en Zaozhuang, al kiuj aliĝis 25 personoj. En la unua semestro (ekde oktobro) Esperanton instruos tie d-ro Maciej Zięba el Pollando kaj prof. Sato Ryuskue el Japanio, ekde la sekva semestro konversacion instruos prof. Bak Giwan el Koreio.
Tiu evento estas la okazo prezenti la raportan sonscenon pri la historia, solena momento de la Lisbona UK, kiam estis subskribita kontrakto inter UEA, ILEI kaj la Universitato en Zaozhuang pri la 4-jaraj studoj de Esperanto.
Nian programinformon akompanas foto el la interreto pri la solenaĵo, kiu bedaŭrinde teknike ne estas la plej perfekta.
Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 790-a E_elsendo el la 18.09.2018 ĉe www.pola-retradio.org

Nia hodiaŭa antaŭmikrofona gasto estas la renkontita dum la Lisbona UK d-ro Keyhan Saydapour el Irano, kun kiu ni parolas pri la E-movado en ĉi tiu lando kaj pri kelkaj planoj el inter kiuj, ekzemple la nova sidejo de Irana E-Asocio jam fine de aŭgusto ekfunkciis.
Nia komenca aktualaĵo rilatas al la hodiaŭ finiĝanta en Bukureŝto debato de la 12 landoj de la Trimara Iniciato, kies gvidideo estas firmigo de la eŭropa kaj transatlantika kunlaboro inter la uniaj landoj en la regiono de Adriatiko, Baltiko kaj la Nigra Maro. Krome ni memorigas la pasintan hieraŭ datrevenon de la invado de Sovetunio kontraŭ Pollandon en 1939, kiu ŝanĝis la sortojn de la 2-a mondmilito.
Nia sciencbultenaj temoj rilatas al neŭromatematiko en iu el polaj lernejoj, al akirita Ora Medalo pro la pola inventaĵo BioKer kaj al kleriga nivelo de viroj kun la familia edzinnomo.
Muzike akompanis nin brila koncerta plenumo de „Ekvadora prokuroro” fare de Dominika Handzlik el la lisbona koncerto „Filino kaj la Patro – Koncerto de Dominika kaj Georgo Handzlik”. Tiu koncerto estos ripetita dum ARKONES en Poznano, la 22-an de septembro 2018.
Nian programinformon akompanas la kovrilpaĝo de la ĵus aperinta numero de „Irana Esperantisto” (http://www.espero.ir/revuo/IE-26.pdf).
Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 789-a E_elsendo el la 14.09.2018 ĉe www.pola-retradio.org

Hodiaŭ ni aparte parolas pri la unua muzikvideaĵo de Brazila Kolekto, rigardebla ankaŭ en jutubo „Sub la lun’, hieraŭ” de Catulo da Paixão Cearense kaj Pedro Alcântara laŭ la traduko kaj muzikaranĝo de Flávio Fonseca, kiu kantas kaj gitarludas en la akompono de piano kaj violono. Ni prezentas kompreneble nur la muzikon. Pri la retejo Brazila Kolekto kaj la eldonplano produkti pliajn muzikvideaĵojn pli amplekse eblas leĝi ĉe: https://www.brazilakolekto.com/
Niaj komencaj kulturkronikaj informoj koncernas la daŭrantan en Romo ekspozicion „Pontifex”, kiu enhavas polajn referencojn; la okazantan en Varsovio 4-an Festivalon de baroka muziko „Dramma per musica” kaj okazontan en oktobro Festivalon de Nuntempa Muziko de Wojciech Kilar.
Nia E-komunuma segmento informas pri alvoko de UEA al uniaj esperantistoj partopreni la enketon de EU pri multlingveco, pri Esperanto universitatnivele en Zagrebo, Kroatio kaj pri la 55-a BET (Baltiaj E-Tagoj) en Litovio en 2019.
En la fino aŭdiĝas leterkesta programero.
Nian programinformon akompanas interreta foto prezentanta la internon de la Reĝa Teatro en la Malnova Oranĝerio en la varsovia Łazienki-Parko, en kiu okazis iu el la koncertoj de la daŭranta Festivalo de la baroka muziko.
Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 788-a E_elsendo el la 11.09.2018 ĉe www.pola-retradio.org

En nia marda E-elsendo ni referencas al la interesaj tagoj de la 103-a UK en Lisbono gastigante antaŭ nia mikrofono konatajn E-aktivulojn el la norda Francio, Edmond kaj Arlette Plutniak.
En la komencaj aktualaĵoj ni informas pri laŭvicaj donitaĵoj rilate malkreskon de senlaboreco en Pollando kaj eksterlandajn laborantojn en nia lando. Pri interlingvistika fako koncerne la gestan lingvon en la Varsovia Univeristato kaj pri la daŭrantaj Vinberrikoltaj Tagoj en Zielona Góra (la okcidenta Pollando).
Niaj sciencbultenaj temoj koncernas svedan ostogluaĵon kaj finiĝintajn ĉinajn esplorojn difinintajn la ĉinan civilizacion preskaŭ sesmiljara.
Muzike ni memorigas fragmente la kanzonon pri vino el la lasta KD de JoMo eldonita de Vinilkosmo – „jOmO okcitanas”.
Nian programinformon akompanas foto pri la daŭrantaj gajaj Tagoj de Vinrikoltado en Zielona Góra.
Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play