Malfacilas erarigi, konfuzi la polan fagopiran mielon kun iu ajn alia. Ĝia malhelbruna, preskaŭ ĉokolada koloro, intensa aromo kaj akra gusto povas surprizi. Ĝuste nur antaŭ kelkaj semajnoj en la bazaroj aperis i.a. la fagopira mielo el la nunjara rikolto.
Polaj sciencistoj komparis diversajn mielspecojn depende de la plantareoj, vizitataj de abeloj. Temas pri mieloj produktitaj el akacio, kolzo, diversaj floroj, tilio, eriko, fagopiro kaj mielo mielrosa. Oni ekzamenis ilian kapablon neŭtraligi la kemiajn kombinaĵojn, oni ekzamenis iliajn plantekstraktojn, t.e. biologiajn substancojn – ekzemple vitaminojn, antioksidantojn, oleojn kaj flavonoidojn – akiritajn el diversaj plantopartoj.
La fagopira mielo ricevis en ĉi tiu pritakso 85, 1 procentojn. Mielo mielrosa 77,4 procentojn, la erika 5,3 procentojn, tilia 44,1 procentojn, la kolza 28,9 procentojn kaj la akacia 14,7 procentojn.
Samtempe sciencistoj el la Instituto pri la Bestogenerado kaj pri Nutraĵesplorado de la Pola Sciencakademio en Olsztyn informis, ke ĝuste la pola fagopira mielo estas la plej riĉa fonto de polifenolaj kombinaĵoj kaj montris ĝian plej altan antioksidan efikadon.
Mielo estas kutima varo en ĉiuj nutraĵvendejoj. Ĝi nome abunde aperis en polaj bazaroj. Esploristoj en la Pola Scienakademio rekomendas tamen aĉeti mielon rekte de la abelbredejo aŭ ĉe loka abelbredanto kaj ĝuste plian mielon el abelbredejo aŭ lokaj abelbredantoj proponas polaj bazaroj.
El la elsendo 30.10.2026. Legas Barbara – 02′ 36″

