Ĝis la 1-a de junio 2025 en la Muzeo de Sukceno en Gdansko daŭras – libere vizitebla – ekspozicio titolita „Rompita/broken”. Ĝi prezentas la rikolton de Internacia Konkurso de Oraĵumista Arto 2025. Venis por ĝi 35 konkursaĵoj aŭtoritaj de 27 artistoj. Por la ekspozicio estis elektitaj 26 verkoj de 22 kreantoj. La unuan premion konsisitigas orelringoj „El unu kreiĝis du” faritaj el sukceno, agata „druso” kaj oro. La 2-an premion gajnis ornampendaĵo el ŝtalo, arĝento kaj fuma kvarco „Kojno rompos ĉion”.
Krom evidentaj estetikaj valoroj la ekspozicio instigas al enpensiĝo pri tri demandoj. Ĉu arto ĉiam devas rompi principojn, superi limojn, ŝanĝi kutimojn?, ĉu rompo signifas ne nur ribelon, sed ankaŭ forlason de komfortosfero? Kie la kreanto metas limon inter la arta serĉado kaj kompromiso?
El la elsendo 15.04.2025. Legas Maciek – 01′ 11″
