Mil sciencpopularigantoj el pli ol 50 landoj renkontiĝos komence de junio partoprenante tritagan konferencon en la varsovia Scienccentro Kopernik. Organizas ĝin European Network of Science Centres and Museums (Ecsite) – Eŭropa Reto de Sciencaj Centroj kaj Muzeoj, membriganta specialistojn pri la scienca komunikado el pli ol 400 institucioj. La konferencoj de Escite okazas ĉiujare en alia lando logante laborantojn de sciencaj centroj kaj sciencaj muzeoj, edukantojn, ekspozicikreantojn kaj firmaojn, kiuj aktivas por scienca evoluo.
Dum la varsovia evento oni traktos per prelegoj kaj laborrenkontoj la defiojn ligitajn kun la dividita mondo, kun la komunikado lige kun klimata krizo, kun avantaĝoj kaj malavantaĝoj de la evoluigado de retkonekta socio aŭ kun integropotencialo enestanta en la komunua eksperimentado.
La varsovia Sciencentro Kopernik aliĝis al la Eŭropa Reto de Scienccentroj kaj Muzeoj ankoraŭ ĉe la enkonduka etapo de sia funkciado, ne disponante ankoraŭ pri sia statuto kaj sidejo. Tuj post ĝia kreiĝo en 2011 la konferenco okazis en ĝi la unzeuan fojon. La varsovia Sciencentro Kopernik estas la unusola centro en Ecsite, kiu disponas pro propra esplorevoluiga strukturo. Kreiĝas en ĝi i.a. eksponaĵoj, edukscenaroj. Por kunlaboro ĉe unuopaj projektoj la Centro kunlaboras kun siaj partneroj kiel sciencaj institucioj, inĝenieroj, psikologoj, sociologoj, instruistoj, artistoj, inventistoj, merkatreprezentantoj. Sciencistoj utiligas ankaŭ la provizojn de la varsovia Kopernikcentro por propraj esploroj. Dum konferencoj en unuopaj landoj la gastoj el la eksterlandaj scienccentroj kiel prioritaton traktas la konatiĝon kun la eblecoj kaj kun esplorevolugaj laborrezultoj de la koncerna centro.
El la elsendo 15.04.2025. Legas Maciek – 02′ 08″
