Podkasto: Ludu en nova fenestro | Elŝutu

En la 1384-a E_elsendo el la 20.03.2025 ĉe www.pola-retradio.org:

• Omaĝe al la forpasinta en februaro iama prezidanto de Sarlanda E-Ligo, Oliver Walz, siatempe nia aktiva aŭskultanto, ni memorigas arkivan interparolon, faritan dum la UK-2006 i.a. pri tio kiel esperantistoj el Sarlando preparas sin por partopreno en la Jokohama UK la sekvan jaron.
• En la aktualaĵoj ni informas pri la rolo de duvalvuloj en la polaj akvopurigaj centroj; pri la Eŭropa Arbo 2025, pola fago venkinta en la reta plebiscito de Gaja; pri Eŭropa premio por la varsovia parko Burza (Tempesto).
• La scienbultenan rubrikon ni dediĉas al la plej novaj esploroj pri plasto en la homa organismo, unuavice cerbo.
• Muzike ni bonvenigas la Printempon – pri ĝi kantas Miŝo Zdravev kaj Feri Floro. La interreta foto prezentas la polan 300-jaran fagon, kiu gajnis la titolon de la Eŭropa Arbo 2025.
• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.