Komence de februaro en la varsovia Nacia Filharmonio okazis la 53-a Tutlanda Chopin-konkurso. Ĝi konsistis el tri etapoj, en kiuj necesis prezenti komponaĵojn sen akompano de muziknotoj. En la unua etapo la pianistoj ludis etudojn, nokturnojn, baladojn, valsojn aŭ preludojn de Chopin. En la dua etapo ili povis elekti inter du sonatoj kaj devis prezeti plenan ciklon de Chopin-mazurkoj. La konkursan rivaladon komencis dudek ok pianistoj, al la finalo kvalifikiĝis ok, oni elektis 6 laŭreatojn.
La 1-an premion akiris Mateusz Dubiel, la 2-an Krzysztof Wierciński, la 3-an egalrange dividis Antoni Kleczek kaj Julia Łozowska. La 4-a kaj 5-a premio ne estis aljuĝitaj. La sesan egalrange dividis Yehuda Prokopowicz kaj Kamila Sacharzewska.
En la finala koncerto la laŭreatoj ludis laŭ sia elekto konĉerton de Frederiko Chopin Mi-minoran aŭ konĉerton Fa-minoran.
La laŭreatoj de la 1-a kaj 2-a premioj rajtos partopreni la nunjaran 19-an Internacian Chopin-konkurson sen enkonduka eliminado. Laŭreatoj de la 3-a premio rajtos partopreni la eliminadojn, sed sen la kvalifikiga proceduro.
El la elsendo 20.02.2025. Legas Maciek – 01′ 32″
