La marko de la Eŭropa Kultura Heredaĵo estas atribuata al diverslandaj objektoj, kiuj distingiĝas per forta, simbola, eŭropa valoro reliefigante la komunan eŭropan historion, konstruadon de la Eŭropa Unio, eŭropajn valorojn kaj homajn rajtojn, kiuj fundamentas la procezon de la eŭropa integriĝo. Ĝis nun la marko de la Eŭropa Heredaĵo estis atribuita al sep objektoj el Pollando.
La selektoproceduro okazas ĉiun duan jaron kaj trapasas en du etapoj – la landa kaj la unia. En la nuna jaro ĉe la landa etapo en Pollando estis elektita manuskripto de „Konstitucio por Eŭropo” el 1831 de Wojciech Jastrzębowski. Ĝi prezentas modernan vizion de Eŭropo baziĝantan sur la principo de la supereco de la eŭropa leĝaro rilate la nacian kaj elmontras elementojn, kiuj estas esencaj por la eŭropa civilizcio – libreco kaj subjekteco de homo. La alia kandidato estas „Ĝardeno de Krzysztof Penderecki – la kultura heredaĵo de la biendoma-parka komplekso en la loko Lusławice”. Tio estas komplekso de la historiaj objektoj radikantaj en la 12-a jarcento. Ĝi estas ankaŭ loko, en kiu realiĝas multaj artaj projektoj kun la celo interproksimigi generaciojn kaj ĉiujn, kiuj sendepende de la deveno, konfesio, mondkoncepto aŭ kultura aparteno zorgas pri valoroj servantaj al la komuna bono.
El la elsendo 10.02.2025. Legas Gabi – 01′ 48″
