Laŭ la decido de la pola prezidento la Piast-dinastia kastelo kun la kortega-parka komplekso en la loko Międzyrzecz en la okcidenta Pollando, estis registrita kiel la 130-a Historia Monumento sur la tereno de Pollando.
Ĝi estas ekzemplo de bone konserviĝinta mezepoka fortreso, kiu troviĝis en la defenda sistemo de la iama reĝolanda Respubliko. La masonita kastelo estis konstruigita en la 14-a jarcento dum la regado de la reĝo Kasimiro la Granda en la loko de pli frua slava defenda burgo el la 9-a/10-a jarcentoj. La kastelo kaj la kreiĝinta ĉirkaŭe de ĝi subburgo fariĝis sidejo de la regionaj administraj aŭtoritatoj.
Post la 2-a mondmilito la kastela komplekso en Międzyrzecz fariĝis la sidejo de muzeo dokumentanta la polan historion kaj kulturon de la regiono. Troviĝas en ĝi i.a. la plej riĉa en Pollando kolekto de la ĉerkaj portretoj.
La difino Historia Monumento estas unu el kvin ekzistantaj formoj protekti historiajn objektojn kun aparta signifo por la kultura heredaĵo de Pollando, rezervita ekskluzive por ili.
El la elsendo 10.02.2025. Legas Pamela – 01′ 22″
