Podkasto: Ludu en nova fenestro | Elŝutu
En la 1327-a E_elsendo el la 25.06.2024 ĉe www.pola-retradio.org:
• En la hodiaŭa elsendo ni prezentas aparte riĉan E-komunuman segmenton. Ni informas pri publika rekono por esperantistoj: Zsofia Korody el Herzberg am Harz…. E-urbo distingita per Federacia Meritkruco; Przemek Wierzbowski el Bjalistoko kun la distingo „Urbi Meritus”. Ni informas krome pri favorprezaj limdatoj por la nunjara Hispana E-kongreso; pri „Volontuloj kun okulvitroj” eldonita de SAT-en Hispanio.
• En la komenca kulturkroniko aŭdiĝas informoj pri la aŭgusta Internacia Ŝekspir-festivalo en Pollando; pri la okazinta semajnfine en Stratford-upon-Avon dutaga festivalo „Shakespeare & Poland”; pri unikaj 16-jarcentaj teksaĵoj malkovritaj de arkeologoj el Toruno.
• Hodiaŭ Vinilkosmo oficiale publikigis la bitalbumon de Martin kaj La Talpoj „Ruinoj”. Ni prezentas el ĝi fragmente la unuan kanton „Ekrano”. Jen ligo al la albumvideaĵo: https://www.vinilkosmo-mp3.com/eo/blogo/405-oficiala-eldono-de-la-kvara-bitalbumo-de-martin-la-talpoj,-ruinoj-hodia%C5%AD-la-25-an-de-junio-2024.html. Krome aŭdiĝas fragmente la kanzono „Esperanto” de Max Roy Corrouges.
• La akompana al la programinformo interreta foto prezentas fragmenton de iu el la 16-jarcentaj teksaĵoj – silka veluro – retrovitaj de arkeologoj el Toruno.
• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.
