Podkasto: Ludu en nova fenestro | Elŝutu
La sonsceno el la Solena Fermo de la 100-a UK, enhavanta la invitojn de oficialaj reprezentantoj de Slovakio kaj de LKK-prezidanto, Peter Baláž estas la ĉefprogramero de la 510-a E-elsendo ĉe www.pola-retradio.org lige kun la finiĝonta la 31-an de decembro 2015 unua aliĝperiodo al la Nitra UK. En la komencaj aktualaĵoj ni informas pri la amendita leĝo koncerne la Konstitucian Tribunalon, pri polaj ekologiaj produktoj i.a. en Japanio, pri ŝatoj de poloj rilate al diversaj nacioj. Nia scienbultena temo klopodas respondi la demandon, ĉu animaloj havas memkonscion. „Landon de amo” de Esperanto Desperado en la fino de la elsendo ni dediĉas al ĉiuj geaŭskultantoj kun la deziroj de Ĉiuspece Prospera kaj Feliĉa 2016-a Jaro. Komencaj informoj kaj sciencbultena temo estas paralele aŭdeblaj kaj legeblaj en la rubrikoj de nia paĝo Novaĵoj kaj Sciencaj Informoj.
Dankon por la bona lasta programo en 2015. Estis plezuro rememori la kongresan fermon en Lillo (kaj la tiaman kortushan geedzighan peton!) . Kore mi deziras al la tuta laborgrupo de la Pola Retradio prosperan novjaron.
Oxaze de novjaro la tuta teamo ricevu miajn bondezirojn kaj gratulojn pro via laboro. La podkastojn mi ĉiam atendas diligente kaj ĝuas ĉiufoje. Dankon, kaj elkorajn salutojn el Francujo por la nova jaro 2016!
Al la tuta Skipo mi deziras
PROSPERAN NOVAN JARON 2016!
via konstanta aŭskultanto
Leopold Patek
Klostronovburgo, Urbo de la Interpopola Kompreniĝo, Aŭstrio
http://eo.wikipedia.org/wiki/Klostronovburgo