Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

La 929-a E_elsendo el la 17.01.2020 ĉe www.pola-retradio.org

Nia hodiaŭa felietono pri Koninda Pollando estas dediĉita al karnavala periodo en Pollando, grandparte retrorigarde. La komencaj kulturkronikaj informoj koncernas grandan ekspozicion pri la korea arto, kiu meze de januaro finiĝis en Varsovio kaj pliajn memoraĵojn pri bjalistoka poeto Wiesław Kazanecki, kiuj riĉigis la Podlaĥian Libraron.
La E-komunumaj informoj rilatas al la decido de la aŭtoritatoj de Braziljo, kiu ekde 2020 en la listo de siaj eventoj la 26-an de julio solenos kiel Tagon de Esperanto; kaj al la kunlaboro inter Litova E-Asocio kun la novaĵagentejo Mano kraštas. Dank’ al ĝi la agentejo prezentas i.a. E-kurson, kiun gvidas Grazina OPULSKIENE. Krome ni informas pri la kunlaboro de Asocio Jura Brüschweiler kun Svisa E-Societo por aperigi nunjare libron pri Hector Hodler en lia 100-a mortodatreveno.
Muzike akompanas nin bjalistokaj gejunuloj per la kanzono „Se sento scii povus” el la KD Bjalistokaj Prezentaĵoj. Asorti kantas pri „Verda hejmo Esperanto”. La apudanta nian programinformon foto referencas al la daŭranta karnavala periodo.
Tradicie ni disponigas eksterelsende paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo. Hodiaŭ t.e. estas „kulturkronikaj informoj” kaj „felietono”. Uzu tiun ĉi servon mem kaj rekomendu al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 928-a E_elsendo el la 15.01.2019 ĉe www.pola-retradio.org

En nia elsendo ni referencas al la novembra Malferma Tago en Roterdamo kaj al la tiama prelego de Orlando Raola pri Scienco en Esperanto. Ni prezentas ĝian unuan parton. La komencaj aktualaĵoj koncernas la pasintjarajn sukcesojn de la pola flugkompanio LOT, la polan markon ZELMER kaj ĝian novan posedanton, la protekton de moruo en la orienta parto de Baltiko. La sciencbultena temo traktas esplorojn de polaj sciencistoj pri la eksterparolaj elementoj de la homa komunikado.
En la merkreda elsendo ni aŭdas fragmente la kanzonon de rusa poeto kaj kantisto Wladimir Wysocki „Adiaŭo al montoj”. La interreta foto rilatas al la informo pri limigo de la fiŝkaptado de moruo en la orienta Baltiko.
Hodiaŭ tradicie eblas konsulti la paralele legeblajn kaj aŭdeblajn tekstojn el nia elsendo, kiuj troviĝas en la unuopaj rubrikoj de nia paĝo, hodiaŭ t.e. estas „novaĵoj” kaj „sciencaj informoj”. Ili faciligas efike altigi la aŭdokomprenon kaj parolkapablon. Uzu do ilin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 927-a E_elsendo el la 10.01.2020 ĉe www.pola-retradio.org

En nia hodiaŭa felietono pri Koninda Polo ni memorigas unu el la patronoj de la 2020-a, kiun en 2019 proklamis la pola Sejmo. Temas pri renoma, elstara pola filozofo, Roman Ingarden. Komence aŭdiĝas aktualaĵo pri la rezolucio de la Pola Sejmo koncerne mensogajn kaj kalumniajn asertojn de la plej superaj rusaj aŭtoritatoj. La kulturkronikaj informoj rilatas al revivigoj en la fama kaj multnombre vizitata varsovia Łazienki-parko, kaj al la nunjaraj subvencioj por la polaj tataroj. La E-komunumaj informoj koncernas la komunan polan-germanan E-Kongreson (https://www.esperanto.de/eo/gek2020) kaj la 49-an E-Kongreseton por Infanoj kaj Adoleskuloj en Montrealo (http://bertosch.free.fr/iik2020/). Muzike akompanas nin Kajto per la fragmento de sia „Trinkkanto” el la albumo „La Universala Arbo” distribuata de Vinilkosmo, kaj unu el la famaj MAZI-kantoj. La apudanta nian programinformon foto referencas al kulturkronika informo pri restarŭristaj laboroj en la varsovia Reĝa Łazienki-parko.
Tradicie ni disponigas eksterelsende paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo, hodiaŭ t.e. estas „kulturkronikaj informoj” kaj „felietono”. Uzu tiun ĉi servon mem kaj rekomendu al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 926-a E_elsendo el la 07.01.2019 ĉe www.pola-retradio.org

En nia marda elsendo ni proponas literaturan segmenton, en kiu aŭdiĝas la 89-a fragmento de la romano „Quo Vadis” de Henryk Sienkiewicz en la E-traduko de Lidia Zamenhof. La komencaj aktualaĵoj rilatas al la marda kunsido de la Kabineta Konsilio kunvokita de la pola prezidento, al la decido de israelaj aŭtoritatoj plukonstrui domojn sur la palestinaj teritorioj. Nia sciencbultena temo traktas variecon de la intesta mikrobioto sub la influo de ruĝa vino. La akompana al la programinformo interreta foto rilatas al ĉi tiu temo. Muzike akompanas nin Duo Espera per la fragmento de la kanzono „Jen nia mondo”.
Hodiaŭ vi denove trovas la paralele legeblajn kaj aŭdeblajn tekstojn el nia elsendo, kiuj troviĝas en la unuopaj rubrikoj de nia paĝo, hodiaŭ t.e. estas „novaĵoj” kaj „sciencaj informoj”. Ili faciligas efike altigi la aŭdokomprenon kaj parolkapablon. Uzu do ilin mem kaj rekomendu al aliaj. Nia elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

La 925-a E_elsendo el la 03.01.2020 ĉe www.pola-retradio.org

En la unua varsovia E-elsendo el Varsovio tutkorajn Novjarajn Bondezirojn sendas al ĉiuj geaŭskultantoj kaj radioamikoj la tuta skipo de nia programo! Ĉiuspecan Prosperon, Sanon, Feliĉon kaj Sukcesojn !!!
Krome ni proponas komence aŭskulti informojn pri la Paradoj de la Tri Reĝoj, kiuj la plej proksiman lundon okaze de Epifanio moviĝos tra 900 urboj de Pollando kaj eksterlande. Pri interesa tolaĵo de iom forgesita itala pentristo prezentata en Wawel-kastelo en Krakovo. Nia felietono pri koninda Pollando estas dediĉita al kvar novaj urboj, kiuj aldoniĝis jarkomence. Verdire temas pri kvar urboj, kiuj reakiris tiun ĉi statuson post 150-jara periodo. En la E-komunuma segmento ni donas la atenton al la 7-a Afrika kongreso de UEA kaj ĝia rezolucio. Fine ni proponas mallongan leterkestan renkontiĝon. Muzike akompanas nin Anna Osmakowicz en la pola kristnaska kanto pri la Tri Reĝoj. Ni krome prezentas la plej novan kanton-bosanovon de Lorenzo Tomezzoli kaj Gilbert Drigon „Mirinda Flor’” en la plenumo de Mélanie Prin – https://www.youtube.com/watch?v=LsL16tAuyyc&feature=youtu.be. La apudanta nian programinformon foto referencas al la eventoj de Epifanio, Parado de la Tri Reĝoj en polaj urboj kaj eksterlande. Tradicie ni disponigas eksterelsende paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo, hodiaŭ t.e. estas „kulturkronikaj informoj” kaj “felietonoj”. Uzu tiun ĉi servon mem kaj rekomendu al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la elsendosonon konforme al viaj bezonoj.

La 924-a E_elsendo el la 31.12.2019 ĉe www.pola-retradio.org

Karaj Geaŭskultantoj, ni sojlas la 2020-an Jaron.

Nia tuta Redakcia Teamo transdonas al vi varmajn dezirojn de ĉiuflanke Prospera, Sukcesa, Feliĉa Nova Jaro !

Nian hodiaŭan elsendon, la lastan en la malnova jaro komencas aktualaĵoj, en kiuj ni informas pri Patronoj de la Jaro 2020 proklamitaj de la pola Sejmo; ni informas pri bonegaj rezultoj de la polaj gimnazianoj en la testado de PISA kaj fine pri ekologie utiligotaj kristnaskaj arbetoj, kiu kampanjo jam komenciĝis ekzemple en Varsovio. La scienca temo estas dediĉita al la sanfavoraj proprecoj de vino kaj biero (en modera kvanto). Nia kunlaboranto, Marek Nahajowski recezas la KD-on de Persone „Povus esti simple”, en kiu ni prezentas fragmente tri komponaĵojn el la disko: „Ili venos”, „Nun mallumas vespere” kaj „Reĝoj de cindroj”. La akompana al la programinformo interreta foto rilatas al hodiaŭa vespero/nokto dum kiu ni bonvenigos la Novan Jaron 2020. Niajn redakciajn bondezirojn fine de la elsendo akompanas la kanzono de Jonny M. „Estu Feliĉaj” el lia KD „Regestilo” produktita de Vinilkosmo. Ankaŭ hodiaŭ ni rekomendas la paralele legeblajn kaj aŭdeblajn tekstojn el nia elsendo, kiuj troviĝas en la unuopaj rubrikoj de nia paĝo, hodiaŭ t.e. estas „novaĵoj” kaj „sciencaj informoj”. Ili faciligas efike altigi la aŭdokomprenon kaj parolkapablon, uzu do mem kaj rekomendu al aliaj. Krome nia elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

La 923-a E_elsendo el la 28.12.2019 ĉe www.pola-retradio.org

Niaj komencaj kulturkronikaj informoj rilatas al du interesaj ekspozicioj. En Vroclavo eblas admiri 100 tolaĵojn de Michael Willmann, elstara silezia artisto. En Varsovio daŭras la lastaj semajnoj de la ekspozicio dediĉita al la tolaĵo de Rafaelo „Portreto de viro”.
En nia felietono pri koninda Pollando ni proponas – enrigardante nian arkivon – reviziton en la urbo Działdowo. La E-komunumaj informoj rilatas al atendataj kandidatiĝoj por la Internacia Kongresa Universitato en Montrealo. Ni kundividas krome malĝojigan informon pri la forpaso de la meritiĝinta, longjara E-aktivulo el Usono, William Harmon.
Muzike akompanas nin la nederlanda koruso Akordo per siaj du kanzonoj el la KD KristnaskA Kordo – „Sub la visko” kaj „Bim Bom sonas en ĉiel’”. La apudanta nian programinformon foto prezentas foirplacon de Działdowo en kristnaska vesto kun ornamita abieto.
Tradicie ni disponigas eksterelsende paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo, hodiaŭ t.e. estas „kulturkronikaj informoj”. Uzu tiun ĉi servon mem kaj rekomendu al aliaj, kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la elsendosonon konforme al viaj bezonoj.

La 922-a E_elsendo el la 26.12.2019 ĉe www.pola-retradio.org

Karaj Aŭskultantoj, jen aktuala ligo al nia 922-a E-elsendo: http://pola-retradio.org/2019/12/e_elsendo-el-la-26-12-2019/. En Pollando ni solenas hodiaŭ la duan Kristnaskan tagon. En ĉi tiu kunteksto ni elektis temojn de niaj aktualaĵoj kaj sciencbultena temo. Laŭ la statistika vidpunkto ni alrigardas la demandon, kiujn kutimojn kaj tradiciojn kultivas poloj sendepende de sia mondkoncepto. En multaj domoj al la tradicio apartenas bele ornamitaj kristnaskaj abietoj. De kie ili venas? Pri tio ni informas sekve. Kvankam dum Kristnasko infanoj ĝenerale ne enuas pri la evoluiga rolo de la infana enuo traktas nia sciencbultena temo. En la dua parto de nia elsendo ni proponas renkontiĝon kun nia antaŭmikrofona gasto el Brazilo, Eida Messias Lima, kun kiu ni interparolas aparte pri ŝiaj muzikaj ŝatoj kaj interesiĝoj. Tra la tuta elsendo ŝpiniĝas kristnaskaj kantoj kaj melodioj en la plenumo de la ensemblo Muzylanie; kristnaskan kanzonon memorigas Mélanie Prin. La akompana al la programinformo interreta foto rilatas al nia sciencbultena temo prezentante ĉi-foje infanojn, kiuj ne enuas en la festa etoso. Ni rekomendas la paralele legeblajn kaj aŭdeblajn tekstojn el nia elsendo, kiuj troviĝas en la unuopaj rubrikoj de nia paĝo, hodiaŭ t.e. estas „novaĵoj” kaj „sciencaj informoj”. Ili faciligas efike altigi la aŭdokomprenon kaj parolkapablon, uzu do mem kaj rekomendu al aliaj. La intervjuo kun nia antaŭmikrofona gasto troviĝas en la rubriko „Antaŭ la mikrofono”. Krome nia elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Karaj Geaŭskultantoj,

En Pollando malpleniĝas la stratoj, la lastaj butikumantoj hastas hejmen, la trafiko preskaŭ ĉesis funkciante laŭ aparta festokaza horaro. Ni sojlas Kristnaskon, kaj tute aparte – ni, poloj – la Sanktan Vesperon, kiam en la familia etoso ni retravivos unikajn, flegatajn nur dum ĉi tiu tago, kutimojn. Pri ili – sed nur statistike vi aŭdos en nia plej proksima E- elsendo. Antaŭ ol ĝi aŭdiĝos nia tuta Redakcia Teamo tradicie rapidas, kaj en ĝia nomo mi, t.e. Barbara Pietrzak, por transdoni al vi ĉiuj la dezirojn de Paca, Serena Kristnasko.
Ni deziras samtempe al ĉiuj ceteraj aŭskultantoj – kiuj ne festas tiuokaze – feliĉan kaj agrablan tempon ĝis la baldaŭ aŭdiĝonta 922-a E-elsendo de la Pola RetRadio el Varsovio !

La 921-a E_elsendo el la 20.12.2019 ĉe www.pola-retradio.org

Jarfine pasos la unua favorepreza aliĝperiodo al la 105-a UK en Montrealo. Tion ni memorigas en la interparolo kun Konstanta Kongresa Sekretario, Clay Magalhães, sed krome ni referencas al lia lasta vizito en Montrealo kaj kiel la unuaj ni eksciis kelkajn detalojn pri la kongresa programo. En la komencaj kulturkronikaj informoj ni parolas pri novaj ikonoj en la muzeo de Supraśl apud Bjalistoko kaj pri restaŭrita mozaiko de Józef Mehoffer en Lvovo. La 15-an de decembro „La ondo de Esperanto” anoncis Esperantiston de la Jaro – kiu fariĝis Anna Löwenstein kaj edukado.net enkondukis 5 pliajn esperantistojn en sian Panteonon. Pri tio ni informas sekve. Bedaŭrinde la E-komunumo meze de decembro perdis siajn du meritiĝintajn membrojn – Mila van der Horst-Kolińska el Nederlando kaj Maria Pontika el Grekio. Ankaŭ pri tio ni informas fine de la elsendo. Muzike ni memorigas fragmente la E-Tangon de Lars Formann kaj la kanzonon „La bileto” de Jonny M. La akompananta nian programinformon foto prezentas fragmenton de la restaŭrita mozaiko de Józef Mehoffer en la lvova katedralo.
Ni disponigas eksterelsende paralele legeblajn kaj aŭdeblajn tekstojn el la hodiaŭa elsendo en unuopaj rubrikoj de nia paĝo, hodiaŭ t.e. estas „kulturkronikaj informoj”. Uzu tiun ĉi servon mem kaj rekomendu al aliaj, kiel efikan manieron altigi la aŭdokomprenon kaj parolkapablon. Eksterelsende en la rubriko „Antaŭ la mikrofono” aŭdiĝas la interparolo kun nia antaŭmikrofona gasto. Ĝi estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la elsendosonon konforme al viaj bezonoj.