Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Nombro de vizitoj


Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

Elsendoj

La 873-a E_elsendo el la 20.07.2019 ĉe www.pola-retradio.org

Nia sabata programo enhavas la 1-an raporton pri la 104-a Universala Kongreso de Esperanto en Lahtio. En ĝi ni prezentas i.a. etajn interparolojn kun kelkaj el niaj antaŭmikrofonaj gastoj. Inter la matene venintaj kongresanoj ni renkontis kaj faris mallongan interparolon i.a. kun Ankie kaj Nanne, do Kajto. Ni havis la okazon alparoli la redaktoron de la kongresa kuriero „La Saltejo”, Jukka Pietiläinen pri lia redaktista laboro kaj pri la porekstera informado pri la kongreso kaj Esperanto al la finna publiko. La heroo de unu el la artikoloj fariĝis Jouko Lindstedt kaj lia filino kiel ekzemplo de la E-familio. Dum la kongresa mateno li donis gravajn konsilojn al la kongresanoj en la informa giĉeto kaj volonte respondis niajn demandojn. Kelkajn horojn mi pasigis en la Komitata Kunsido dum kiu estis elektitaj novaj komitatanoj C, la estraro kaj la prezidanto de UEA, kiun dum la plej proksima mandato gvidos Duncan Charters el Usono. La sabatan programon fermis la Movada Foiro, la 14-a en Lahtio. Pri ĝia nunjara eldono ni interparolas kun Anna Löwenstein.
La programinformon akompanas foto prezentanta E-flagojn antaŭ la kongresejo en Lahtio, Isku Areena, prenita de ĝia tria etaĝo. La raporto  aperas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 872-a E_elsendo el la 18.07.2019 ĉe www.pola-retradio.org

En nia hodiaŭa elsendo, la lasta el Varsovio antaŭ la 104-a Universala Kongreso en Lahtio, Finnlando ni prezentas du apartajn programerojn, kiuj rilatas al la kongreslando. En la felietono pri Koninda Polo ni proksimigas la polan reĝidinon, Katarzyna Jagiellonka, kiu edziniĝinte en 1562 al Johano Vasa fariĝis i.a. princino de Finnlando. Krome el nia arkivo ni prezentas historian intervjuon de Andrzej Pettyn kun Jorma Ahomäki el 1991, la prezidanto de la Turkua E-Societo lige kun ĝia 30-jariĝo. Kongresante nunjare en Finnlando gravas tiu historia retrorigardo al la tiama E-movado, el kiu ni ekscias i.a. pri la sprona efiko de la varsovia UK 1959 por la Universala Kongreso en Helsinki antaŭ 50 jaroj.
La komencaj kulturkronikaj informoj rilatas al la porjunularaj legospronaj projektoj ĵus premiitaj kaj al muzika projekto de la ensemblo ALTA baldaŭ prezentonta la muzikajn rebusojn de Leonardo da Vinci.
La programinformon akompanas interreta foto kun la pentraĵo de Józef Simmler dediĉita al la Geprincoj de Finnlando, Johano kaj Katarzyna Jagellonka kun la filo Sigismundo en la fortresa prizono en la sveda Gripsholm.
La kulturkronikaj informoj kaj la felietono estas paralele legeblaj kaj aŭdeblaj en la koncernaj rubrikoj de nia paĝo. La elsendo troviĝas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 871-a E_elsendo el la 16.07.2019 ĉe www.pola-retradio.org

En la hodiaŭa redakcia interparolo Maciek kaj Barbara reference al la 60-jariĝo de la Jubilea UK en Varsovio 1959 kaj la 60-jariĝo de la E-Redakcio de Pola Radio jen retrorigardas al historio, jen glite trakuras la samlongan tradicion de la priservado kaj raportado pri la Universalaj Kongresoj en Pola Radio kaj Pola retRadio. Niaj aktualaĵoj traktas polan jaktoproduktadon, kiu laŭ Eŭrostat en 2018 kovris 60-procentojn de la luksaj jaktoj faritaj en la Unio kaj informas pri kvin polaj altlernejoj en la unia projekto „Eŭropaj Universitatoj”. La ĉi-semajnan sciencbultenan temon ni dediĉis al la malkovro de grandaj provizoj de la dolĉa akvo sub la fundo de Atlantiko.
La programinformon akompanas interreta foto de la luksa jakto Viatoris produktita en Pollando.
La aktualaĵoj kaj la sciencbultena temo estas paralele legeblaj kaj aŭdeblaj en la koncerna rubriko de nia paĝo. La elsendo troviĝas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 870-a E_elsendo el la 12.07.2019 ĉe www.pola-retradio.org

En la hodiaŭa programo el nia arkivo ni memorigas felietonon pri koninda Pollando, kiu kondukas nin al la loko Bodzentyn.
Niaj kulturtemaj informoj rilatas al la daŭranta en Varsovio ekspozicio pri la reĝaj juveloj el la epoko de Vasa-dinastio (16/17-a jarcentoj) kaj al la kvestado de Wawel-katedralo por la pariza Notre-Dame.
Multan lokon okupas informoj pri la proksimiĝanta UK en Lahtio, kvankam tute aparte ni salutas en la komenco de la elsendo la komenciĝantan en la slovaka Nitra Someran Esperanto-Studadon per la kanzono „En somero” de Jonny M.
Se temas pri la Lahtia UK ni informas pri multaj dokumentoj en la retejo de UEA en la fako Kongresoj, rilate la programon de la proksimiĝanta kongreso, kiujn kutime ĝis nun eblis konsulti nur post la fizika transpreno de la Kongresa Libro – https://uea.org/kongresoj. Sekve ni memorigas fragmenton de nia lasta interparolo kun KKS, Clay Magalhães pri la trajna konekto inter Helsinki kaj Lahti.
En la hodiaŭa Leterkesto ni  i.a. rilatigas nin al la UK informante pri nia partopreno en la Movada Foiro kaj nunjara renkontiĝo kun aŭskultantoj. Ni prezentas nian kongressignalon.
La programinformon akompanas interreta foto de unu el la eksponaĵoj de la ekspozicio en la Reĝa Kastelo en Varsovio „Regi kaj ravi”.
La kulturkronikaj informoj estas paralele legeblaj kaj aŭdeblaj en la koncerna rubriko de nia paĝo. La elsendo troviĝas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 869-a E_elsendo el la 09.07.2019 ĉe www.pola-retradio.org

Hodiaŭ tradicie aŭdiĝas nia literatura segmento, en kiu ni prezentas la 84-an fragmenton de la romano de la pola Nobel-premiito, Henryk Sieniewicz „Quo Vadis” en la E-traduko de Lidia Zamenhof.
En la aktualaĵoj ni informas pri la pola starpunkto al la unia industria politiko kaj pri la unua vizito de la novelektita litova prezidento, kiun li faros venontsemajne en Pollando.
Nia sciencbultena temo traktas la enigmon de la Marsaj nuboj.
Muzike ni memorigis el nia arkivo la malnovan surbendigon de la meksika kanto „Malagenia” en la plenumo de la kvarteto Beltono. La interreta foto akompananta la programinformon prezentas filmbildon kun Ligia kaj Vinicius el la filmo de Jerzy Kawalerowicz el 2001.
La aktualaĵoj kaj la sciencbultena temo etas paralele aŭdeblaj kaj legeblaj en la unuopaj rubrikoj de nia paĝo. La elsendo troviĝas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 868-a E_elsendo el la 06.07.2019 ĉe www.pola-retradio.org

Hodiaŭ ni denove proponas kunfoliumadon de kelkaj lastatempe venintaj E-periodaĵoj. Ĉi-foje temas pri la junia „Esperantolehti”, la 108-a Informilo por Interlingvistoj, la maja „La Revuo Orienta”, la 356-a „La Lanterno Azia”, la 01-02-a nunjare „Sennaciulo”.
En la komenca kulturkroniko ni informas pri pola aktoro Tomasz Kot kiu rolos la figuron de elstara sciencisto Nicola Tesla en la kreiĝanta brita biografia filmo kaj pri la solenota en Pollando en 2020 Jaro de Roman Ingarden, unu el la plej elstaraj polaj filozofoj.
E-komunumaj informoj koncernas la elekton de 5 novaj Komitatanoj B de UEA kaj Esperantologian Konferencon en Lahtio.
Muzike akompanas nin Jacques Le Puil. Ni memorigas fragmente lian kanzonon „Demandoj” el la KD „Sen Elizi’, eldonita de Vinilkosmo. La programinformon ilustras la interreta foto prezentanta portreton de Roman Ingarden, kiun aŭtoris Witkacy en 1937.
La kulturkronikaj informoj kaj Trarigardo de la E-Gazetaro estas paralele legeblaj kaj aŭdeblaj en la unuopaj rubrikoj de nia paĝo. La elsendo troviĝas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 867-a E_elsendo el la 02.07.2019 ĉe www.pola-retradio.org

La gasto de nia hodiaŭa elsendo estas la prezidanto de Litova E-Asocio, Povilas Jegorovas en la kunteksto de la komenciĝantaj fine de la semajno 55-aj Baltiaj E-Tagoj. La aranĝoj de ĉi tiu enorme riĉa evento – en la 60-jariĝo de la Tagoj kaj 100-jariĝo de Litova E_Asocio – ne elĉerpas temon de nia antaŭmikrofona renkontiĝo.
En la komencaj aktualaĵoj ni informas pri la amendo de la unia leĝdona dekreto reguligonta la familiajn aferojn sur la tereno de la Unio; pri la superita produktado de riĉigita uranio fare de Irano.
Nia sciencbultena temo traktas la ĵus funkciigitan geoparkon en la suda Pollando kun historiaj fosilioj de antaŭ 148 milionoj da jaroj, kiu sendube en la feria periodo logos multajn vizitantojn.
Muzike akompanis nin Ramona van Dalsem per la fragmento de sia kanzono „Pacon volas ni” kaj la kanto „Sunaj Veloj” el la vinila disko „Litova kanto en Esperanto”.
La programinformon ilustras la interreta foto kun iu el la eksponaĵoj el la antaŭnelonge funkciigita Geoparko Owadów-Brzezinki.
La aktualaĵoj kaj sciencbultena temo estas paralele legeblaj kaj aŭdeblaj en la unuopaj rubrikoj de nia paĝo. La elsendo troviĝas ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 866-a E_elsendo el la 28.06.2019 ĉe www.pola-retradio.org

Hodiaŭ pasas la 185-a datreveno de la apero de la pola nacia epopeo „Sinjoro Tadeo” de Adam Mickiewicz. Ĝi estas bone konata al esperantistoj, ĉar ĝia E-traduko aperis jam antaŭ 101 jaroj. Ĉio ĉi dank’ al Antoni Grabowski, kies 162-a naskiĝdatreveno pasis la 11-an de junio kaj komence de julio, la 4-an ni omaĝos lian 98-an mortodatrevenon. Ĉirkaŭ tiuj datrevenoj lige kun „Sinjoro Tadeo” kreiĝis nia felietono.  Niaj komencaj kulturkronikaj informoj rilatas al impona ekspozicio en Nieborów dediĉita al la kolektoj de Radziwiłł-familio; al la fakto, ke en Unesko-listo pri nemateria kulturheredaĵo ektroviĝis la unua pola objekto, t.e. krakovaj kristnaskaj kripetoj; al internacia festivalo de folkloro, kiun baldaŭ gastigos Pollando.  La E-komunumaj informoj koncernas la komenciĝontajn venontsemajne 55-ajn Baltiajn E-Tagojn en Litovio kaj naturistan naĝkonkurson, por kiu pere de INOE estas invititaj ankaŭ esperantistoj: https://www.esperanto-naturismo.org.
Muzike ni prezentas fragmente la kanzonon „Al la mondo” de Daniel Haddad. La programinformon ilustras la interreta foto pri la folklora festivalo en Myślenice, pri kiu ni informas en kulturkroniko. Kulturkronikaj informoj kaj la felietono estas paralele legeblaj kaj aŭdeblaj en la unuopaj rubrikoj de nia paĝo. La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 865-a E_elsendo el la 25.06.2019 ĉe www.pola-retradio.org

El nia arkivo Gabi memorigas sian malovan elsendon pri „Somero en la E-kanzono”, kiun ni kompletigas per unu el pli postaj (2013) prisomeraj kanzonoj. Temas pri „En somero”, kiu devenas el la unua KD de Jonny M. „Regestilo” eldonita de Vinilkosmo.
Niaj komencaj aktualaĵoj koncernas novan internacian feston proklamitan de UNo laŭ iniciato de Pollando, kiu omaĝas la viktimojn de religiaj kaj konfesiaj persekutoj; la plej grandajn emisiantojn de la karbona dioksido en Eŭropo kaj la mondo; la plebisciton por la pola Arbo de la Jaro 2019.
La sciencbultena temo rilatas al la socia konduto de botelnazaj delfenoj en la Ŝarka Golfo, kiu kreiĝas ankaŭ inter la maskloj, kiuj uzas kiel nutraĵserĉan laborilon spongojn.
Muzike ni memorigas krome fragmente la kanzonon „La migranta birdo” de Patric el lia KD „Okcitanio” eldonita de Vinilkosmo.
Aktualaĵoj kaj sciencbultena temo estas paralele legeblaj kaj aŭdeblaj en la unuopaj rubrikoj de nia paĝo.
La programinformon ilustras la interreta foto de la pasintjara laŭreato de la konkurso Pola Arbo 2018. Temas pri la tiel nomata „genuanta arbo” el la loko Krasnystaw en la orienta Pollando.
La elsendo troviĝas krome en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D

Play

La 864-a E_elsendo el la 21.06.2019 ĉe www.pola-retradio.org

Hodiaŭ nia felietono pri koninda polo proksimigas la silueton de pola etnografo grave meritiĝinta por la slovena lingvo kaj kulturo, Emil Korytko. Lia 180-a mortodatreveno pasis ĉi-jare. Marĝene de la felietono ni mencias la nomon de alia pola sciencisto, Andrzej Kucharski kies esploroj ebligis konstati, ke slovenoj estas aparta slava nacio.
Nia komenca kulturkronika informo rilatas al la itala violonisto kaj direktisto Fabio Biondi honorita dum la 9-a Kongreso „Pollando Granda Projekto” per la medalo „Kuraĝo kaj Fidindeco”.
En la ampleksa E-komunuma segmento kun bedaŭro ni notas la forpason de d-ro Josef Kavka, honora membro de UEA, ISAE kaj ĈEA; ni raportas pri laŭvica sukcesa ĉelima renkontiĝo de polaj, ĉeĥaj kaj slovakaj esperantistoj sur la pinto de la monto Czantoria. Ni informas pri intensa E-kurso por universitataj lingvoinstruistoj el diversaj landoj, kiuj partoprenas kadre de Erasmus+ trejnadmobilecon por kunlaborantoj. La kurson organizitan de la Jagelona Universitato gvidos Maria Majerczak. Pri interesaj kursoj de Dennis Keefe en la franca Greziljono antaŭ kaj post la Lahtia UK ni informas fine.
Muzike ni memorigas fragmente du E-kantojn – „Homarano” de Alejandro Cosavella kaj „Lernu nun” de JoMo. Ambaŭ devenas el la KD-oj al kiuj kunlaboris Vinilkosmo.
Kulturtema informo kaj felietono estas paralele legeblaj kaj aŭdeblaj en la koncernaj rubrikoj de nia paĝo. La programinformon ilustras la interreta foto de la longjara rendevuejo de polaj, ĉeĥaj kaj slovakaj esperantistoj, Czantoria. La elsendo troviĝas krome en jutubo ĉe la kanalo Espero2009:  https://www.youtube.com/results?q=pola+retradio&sp=CAI%253D

Play