Podkasto: Ludu en nova fenestro | Elŝutu
La 1059-a E_elsendo el la 23.04.2021 ĉe www.pola-retradio.org
La komenca parto de nia elsendo estas dediĉita al la adiaŭo de nia forpasinta hodiaŭ matene redakcia kolego, red. Andrzej Pettyn. En ĝi ni memorigas fragmete iujn liajn rememorojn pri la laboro de la E-Redakcio de Pola Radio. En la sekva parto la kulturkronika informo rilatas al la japana eldono de la libro pri Witold Pilecki, volontula malliberigito de Auschwitz, kiu informis la mondon pri la ekstermado de judoj. La alia informo rilatas al la morgaŭa konĉerta plenumo de la opero „Ijob” de Krzesimir Dębski en la jutuba kanalo de la Pola Reĝa Operejo. Miguel Gutiérrez Adúriz, la sekretario de Belartaj Konkursoj memorigas pri la proksimiĝanta limdato por kontribui al ĝi. Krome ni informas pri la lingva simpozio ĉe UNo migration.princeton.edu/symposium. Fine prof. Ilona Koutny informas pri la elŝuteblaj eldonaĵoj, i.a. post la septembra simpozio ĉe la adresoj: (https://wydawnictworys.com) ĉe Novaĵoj https://wydawnictworys.com/category/nowosci;http://interl.home.amu.edu.pl/interlingvistiko/barandovska_interlingvistiko.html En la elsendo aŭdiĝas fragmente la kanzono „Senpromese, senperfide” de La Perdita Generacio. La programinforma foto estas sceno el filmo de Pola Filmkroniko pri la E-redakcio de Pola Radio, en kiu Barbara Pietrzak kaj Andrzej Pettyn surbendigas Leterkeston. En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003-a jaro. Sondokumentoj el la periodo post la 22-a de aŭgusto 2020 estas jam ĝisdatigitaj. La tuta elsendo estas aŭdebla en jutubo ĉe la kanalo: Espero2009:https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.
Kun ega bedaŭro mi aŭdis pri la forpaso de Andrzej Pettyn. Liaj kontribuoj al Esperanto, al E-radiofonio kaj al Esperantujo estis – kaj restos – gravegaj. Estis kortuŝe kaj samtempe inspire aŭdi liajn vortojn en la sama elsendo kun la trista anonco de lia morto. Ni certe ŝuldas al li plenkorajn dankojn kaj mi sincere aldonas la mian. Mi neniam renkontis lin persone sed mi certe sentas la pezan perdon de lia forpaso
Mi sendas miajn elkorajn kondolencojn. Ke li ripozu en paco.
Tre interesa radioelsendo, kiel ĉiam.
Kvankam mi ne konis Andreo persone, mi bedaŭras lian forpason, ĉar li estis tre elstara membro de la esperanta komunumo. Tre oportune estis la enhavo de tiuj interviuoj.
La novaĝo pri la eldono de 2 volumoj de la lasta Interlingvistika Simpozio estas interesa. Ili impresas pro ĝia alkvalito kaj abunda enhavo.
Dankon kaj koran saluton al Barbara kaj la tuta skipo.
Kun profunda bedaŭro kaj tristeco mi eksciis pri la forpaso de Andreo Pettyn. Mi kunsentas kun vi kaj kondolencas tutkore. Mi lernis Esperanton de liaj libroj. Estas GRANDA PERDO por nia movado. Ripozu en paco karega Samideano!