Dum la daŭranta en Prago – ĝis la 15-a de oktobro – ekspozicio „Premislidoj – la reganta dinastio kaj ĝia epoko” – eblas rigardi kelkajn el la plej valoraj objektoj de la Trezoro el Środa Śląska. Retrovita en la 80-aj jaroj, en ĉi tiu pola loko, ĝi estas taksata kiel unu el la plej gravaj ĉi-specaj malkovroj en Eŭropo. Ĝi enhavas i.a. la nuptan virinan kronon el la 14-a jarcento, imperiestran agrafon el la 13-a jarcento, kelkajn mil arĝentajn kaj orajn monerojn kaj aliajn nepritakseble valorajn juvelojn, transdonitajn kiel garantiaĵo al loka bankisto de ĉeĥa reĝo, pli posta germana imperiestro Karlo la 4-a. La elektitaj objektoj estas cikle prezentataj en la Nacia Muzeo en Vroclavo.
Pli frue la krono estis luata al la Nacia Muzeo en Prago en 2010 por la ekspozicio „Reĝa nupto” kaj en 2016 por la ekspozicio „Sceptro kaj krono”.
El la elsendo 20.05.2026. Legas Pamela – 01′ 23″
