En la Muzeo de la Varsovia Arkikatedralo daŭras retrospektra ekspozicio de unu el renomaj, sed forgesitaj polaj artistoj de la 20-a jarcento, Adam Kossowski. Nunjare pasas lia 120-a naskiĝdatreveno. Estas prezentitaj la plej valoraj el inter ĉirkaŭ 750 objektoj el lia kolekto, transdonitaj de lia edzino al la muzeo. Temas pri tolaĵoj, desegnaĵoj, ceramikaj skulptaĵoj kaj projektoj de religiaj internoj.
La artisto studis en la Varsovia Politekniko kaj en la Belartaj Akademioj en Varsovio kaj Krakovo. En 1939 li estis arestita kaj direktita al la trudlabora koncentrejo apud la rivero Peĉoro. Post la liberigo sekve de amnestio li soldatiĝis en la armeo de generalo Anders, sed pro malbona sanstato li estis sendita al Britio. Tie kreiĝis en 1942 lia korskua ciklo bildiganta la realajn scenojn pri la vivo en la sovetunia labortendaro. Decida por la kariero de la artisto estis lia laboro pri internoj de la karmelana preĝejo en Aylesford. Por ĝi Kossowski kreis pli ol 100 objektojn. Tio estis ceramikaj skulptaĵoj, mozaikoj, vitraloj kaj elementoj el forĝita fero. Tiu ĉi monumenteca verko alportis al la artisto internacian famon. Ekde tiam Kossowski dediĉis sin al la religia arto projektante internojn por preĝejoj kaj katolikaj institucioj en Britio kaj Usono. Lian stilon karakterizas unika sintezo de aplikataj artteknikoj.
El la elsendo 25.11.2025. Legas Maciek – 01′ 55″
