Ĝis la 30-a de novembro en la Nacia Muzeo de Vroclavo eblas rigardi ĉirkaŭ 200 artverkojn, unuavice pentraĵojn kaj grafikaĵojn, en la ekspozicio „Rubens en Silezio”. Ĝi bildigas la fasciniĝon pri Rubens-kreado en la historia regiono Silezio.
La prezenton antaŭis dekkelkjaraj esploroj, serĉado de fontdokumentoj k.s. Tio ebligis elmontri la influojn de Rubens en miloj da artverkoj, kies aŭtoroj estis regionaj artistoj. Ili troviĝis en preĝejoj, muzeoj kaj kolektoj same en Silezio, kiel ankaŭ ĉe la antaŭmilitaj orientaj randregionoj de Pollando, krome en aliaj landoj de la mondo.
Al la plej valoraj eksponaĵoj en la vroclava ekspozicio apartenas pentraĵoj de Rubens mem kaj el lia laborejo, pruntitaj el la landaj kaj eksterlandaj kolektoj. Aparte valoraj estas desegnaĵoj de Michael Willmann el la Belarta Muzeo en Budapeŝto, la unuan fojon prezentitaj en Pollando. La verkoj inspiritaj de Rubens troveblis en Vroclavo, Legnica, Wałbrzych, Brz ezinka, Strzegom kaj multaj aliaj lokoj. Kvankam ne estas pruvoj, ke Rubens, kiam ajn vizitis Silezion, sed sileziaj artistoj veturis al Antverpeno kaj lernis en Rubens-laborejo.
La vroclava ekspozicio ligiĝas kun la pasinta 385-a mortodatreveno de Peter Paul Rubens, unu el la plej renomaj pentristoj de la baroka epoko.
El la elsendo 05.11.2025. Legas Gabi – 01′ 57″
