Oliver Hirschbiegel, nomumita por Oskar-premio en 2005 pro sia biografia filmo „Falo” planas novan projekton. Li kunkreos la adapton de unu el la rakontoj de Stanisław Lem el la kolekto „Rakontoj pri la piloto Pirx” (1968). La ĉefheroo kaj rakontisto estas la titola Pirx, piloto, sekve komandanto de kosmaj ŝipoj. Lia ekperimenta kosma vojaĝo trapasas kun la partopreno same de homoj, kiel ankaŭ de perfekte imitantaj ilin robotoj. Dum la flugo unu el la maŝinoj komencas saboti la mision dezirante alkonduki al la morto de la pasaĝeroj, ebligonte tiel al androidoj transpreni la kontrolon super la mondo. La verkoj de Stanisław Lem plurfoje inspiris filmistojn. Hirschbiegel mem konfesas, ke li de multaj jaroj estas admiranto de Lem-genio.
La anglalingva filmo „Testo de la piloto Pirx” kreiĝos en kunlaboro kun la dramverkisto kaj scenaristo Peter Harness kaj kun Adrian Tchaikovsky, brita poldevena verkisto kies specializo estas la sciencfikcio.
El la elsendo 05.03.2025. Legas Maciek – 01′ 16″
