Ekde la fino de februaro la Artgalerio de Lanckoroński-familio en la varsovia Reĝa Kastelo prezentiĝas en nova aranĝo. Salonoj estas plenigitaj de nederlanda kaj itala pentroarto. Inter la nederlandaj tolaĵoj denove eblas rigardi du verkojn de Rembrandt „Knabino en la bildokadro” kaj „Sciencisto ĉe pupitro”. Ĉi-lastaj tolaĵoj devenas el la kolekto de princa Lanckoroński-familio. Tra generacioj ĝi kreis unu el la plej renomaj privataj artkolektoj en Pollando. En 1994 parto de ĝi estis donacita de reprezentanto de la familio, profesorino Karolina Lanckorońska al du reĝaj rezidejoj – en Wawel Kastelo en Krakovo kaj Reĝa Kastelo en Varsovio.
Dank’ al la nova aranĝo la varsovia Artgalerio de Lanckoroński-familio vastĝis je nova trisalona spaco dediĉita al la itala arto ekde la 14-a ĝis la mezo de la 18-a jarcento. Oni donis apartan informatenton al la verkoj kaj ilia deveno, por ke la donacoj de profesorino Lanckorońska estu facile rekoneblaj fone de alies donacoj aŭ kastelaj aĉetoj. Lastatempe la Artgalerio riĉiĝis per du novaj tolaĵoj – la pentraĵo de Matti Pretti „Triktrak-ludo” kaj de Jacop Bassan „La miraklo eligi akvon el roko”. Krome la kolekto vastiĝis per 32 renesancaj majolikaj teleroj el Montelupo kaj unusolaj en Pollando „deschi da parto”, belege dekoritaj renesancaj donacpletoj, sur kiuj en Toskanio la patrino post la nasko de la unua infano estis ricevanta simbolajn donacojn.
Profesorino Karolina Lanckorońska estis arthistoriisto, verkistino, soldato de la konspira Landa Armeo, malliberigitino de Ravensbrück, poste aktiva membro de la poldevenularo en Italio, kunestablintino de la Pola Historia Instituto en Romo.
El la elsendo 15.03.2025. Legas Gabi – 02′ 33′
