En la varsovia Muzeo de tekniko daŭras la ekspozicio „Amaskomunikiloj de nia epoko – radio kaj televido”. Ĝi referencas al la pasanta nunjare 100-jariĝo de la Pola Radio. Ni aldonu, ke nunjare ni solonas entute la 105-an datrevenon de radio kiel amaskomunikilo kaj krome aldonendas, ke la 103-an datrevenon de la kreiĝo de la E-lingva radiofonio.
La 2-a duono de la 19-a jarcento abundis je malkovroj kaj inventaĵoj kun senprecedenca influo je la historio de la komunikado. La kapablo komuniki helpe de la radioondoj fulmrapide, je grandegaj distancoj, ne havis tiam egalajn. La homaro ekkonis la novan manieron realigi la plej gravan el la sociaj bezonoj – interŝanĝon de pensoj, impresoj, emocioj. Radio kaj televido daŭre en maniero signifa influas nian kulturon kaj civilizacion. Homoj daŭre volas aŭdi kaj esti aŭdataj, daŭre volas observi kaj esti rimarkitaj.
La ekspozicio „Amaskomunikiloj de nia epoko – radio kaj televido” ebligas retroveturon. Preskaŭ laŭvorte, prezentante la komercajn kaj hejmajn internojn el la 30-aj, 50-aj, 70-aj kaj 90-aj jaroj de la 20-a jarcento. Ĝi respondas al la demando pri tiamaj teknikaj aranĝajoj sur la vendejaj bretoj, pri tio kian lokon en niaj hejmoj okupis radio kaj televido. Eblas ankaŭ sekvi kiel dum la lastaj 100 jaroj ŝanĝiĝis la aspekto de radio- kaj televidaparatoj, de teletekniko.
La Nacia Teknika Muzeo disponigis por la ekspozicio kelkcent eksponaĵojn landajn kaj eksterlandajn, ligitajn kun la radia kaj televida tekniko. Signifa nombro de ili estas unikaj, nerenkonteblaj aliloke. Al ili apartenas aparatoj inaŭgurintaj la kulturajn ŝanĝojn, kiel la detektora radioaparato Detefon, kiu en Pollando post 1918 estis vendita en la kvanto de preskaŭ duona miliono da ekzempleroj. Dank’ al ĝi oni povis aŭskulti la radion unuavice sur la senkurentaj terenoj. Inter la eksponaĵoj troviĝas televidilo Belweder, surmerkatigita en 1957, fariĝinte klara signalo, ke la pola televido suriris la evoluvojon.
El la elsendo 20.02.2025. Legas Tomek – 02′ 29″
