Podkasto: Ludu en nova fenestro | Elŝutu
En la 1329-a E_elsendo el la 05.07.2024 ĉe www.pola-retradio.org:
• Hieraŭ pasis la 90-a mortodatreveno de Maria Skłodowska-Curie. Tio estas okazo por denove doni la atenton al tiu elstara sciencistino, dufoja Nobel-premiito i.a. baze de ŝiaj biografiaj rememoroj.
• Kiaj libroj de la #Biblioteko Hodler lastsemajne trafis al la katalogo de la Pola Nacia Biblioteko? Ĝuste pri ili ĉi-elsende interparolas Barbara, Maciek kaj Gabi, dividante ankaŭ siajn rimarkojn pri E-literaturo. En la programo evidente ne mankas aludoj al la ĉiam pli proksima #Universala Kongreso en Aruŝo. Vi jam pretas? Aŭ eble vi celas ĉi-somere aliajn E-aranĝojn? Ni senpaciente atendas viajn reagojn kaj sugestojn pri temoj, pri kiuj vi volus aŭdi pli en niaj elsendoj!
• En la komenca kulturkroniko ni informas pri interesa ekspozicio en la Mara Muzeo en Gdansko kaj pri erotikaj grafikaĵoj de Picasso prezentataj la unuan fojon en Pollando.
• La akompana al la programinformo interreta foto prezentas la parkan ĉirkaŭaĵon cele al la Pola Nacia Biblioteko en Varsovio.
• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.
