Podkasto: Ludu en nova fenestro | Elŝutu
En la 1273-a E_elsendo el la 25.09.2023 ĉe www.pola-retradio.org:
• Hodiaŭ ni gastigas antaŭmikrofone du esperantistojn. Unue nia gasto estas studento de la Interlingvistikaj Studoj, Fábio Fortes el Brazilo, kiu lunde kun nia redakcio faris rekonviziton ĉe kelkaj vizitindaj lokoj en Varsovio. Sekve Maciej Jaskot interparolas kun Rafał Darasz, la reprezentanto kaj estrarano de Pola E-Junularo.
• La komencaj kulturkronikaj informoj koncernas kvin novajn ekspoziciojn ĉi-aŭtune en la varsovia Reĝa Kastelo; solenaĵojn ligitajn kun la venigo de la urno kun teraj restaĵoj de elstara pola sciencisto prof. Aleksander Brückner el Berlino al Krakovo.
• En la E-komunuma segmento ni informas pri la enketoj de UEA celitaj al la membroj kaj ne-membroj de la Asocio, troveblaj ĉe la adresoj: https://www.surveymonkey.com/r/uea_membroj kaj https://www.surveymonkey.com/r/uea_ne-membroj; pri la 100a mortodatreveno de Ricardo Codorniú Stárico,la unua prezidanto de hispanaj esperantistoj kaj homo plurfacete grava sur la scienca kaj socia kampoj.
• La interreta foto prezentas murpentraĵon ĉe la stratpasejo tuj proksime al la varsovia Zamenhof-strato.
• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.
